Miaging mga Edisyon
Alang sa mga Facilitator

Alang sa mga Facilitator

Sa adlaw sa miting:

  • Karon, ang grupo mogahin og ekstra nga 20 minutos sa seksyon nga Mo-commit. Palihug basaha ang katapusang kalihokan diha sa My Foundation ug pangandam nga motubag sa mga pangutana.

  • I-text o tawagi ang tanang sakop sa grupo. Dapita sila nga mosayo og 10 minutos sa pag-abut aron mo-report kabahin sa ilang mga commitment.

  • Andama ang mga materyal sa miting.

30 minutos sa dili pa ang miting:

  • Ipahimutang ang mga lingkuranan libut sa lamesa aron magdug-ol ang tanan.

  • Drowinga kini nga commitment chart diha sa board uban sa mga ngalan sa mga tawo sa inyong grupo (tan-awa ang example sa ubos).

    Ngalan sa sakop sa grupo

    Nakasulay og duha ka paagi sa pag-upsell sa dili mominos 10 ka mga kustomer (Isulat # sa mga kustomer)

    Nakasulay og duha ka paagi nga makunhuran ang akong fixed and variable expenses. (Isulat ang #)

    Nakab-ot ang sinemana nga tumong sa negosyo (Oo/Wala)

    Nakagamit sa baruganan sa Foundation ug gitudlo kini sa pamilya (Oo/Wala)

    Nakadugang sa tinigum (Oo/Wala)

    Naka-report ngadto sa action partner (Oo/Wala)

    Gloria

    15

    5

    O

    O

    O

    O

10 minutos sa dili pa ang miting:

  • Abi-abiha sa mainitong paagi ang mga tawo sa ilang pag-abut.

  • Sa pag-abut sa mga sakop sa grupo, hangyoa sila sa pagkompleto sa commitment chart diha sa board. Usab, pahinumdumi sila sa pagpakli ngadto sa pahina 197 ug i-update ang ilang pag-uswag padulong sa certification. Pangutana kinsa ang nakakompleto sa mga requirement sa certification. Pirmahi ang kopya sa completion letter sa pahina 198 alang sa matag tawo nga nakakompleto sa mga requirement. Human sa miting, pahibaloa ang stake self-reliance committee kon kinsa ang nakakompleto sa mga requirement sa certification.

  • Pag-assign og timekeeper.

Sa pagsugod:

  • Hangyoa ang mga tawo sa pagpalong sa ilang mga cellphone ug ubang mga device.

  • Sugdi og pangbukas nga pag-ampo (ug himno, kon gusto).

  • I-set ang timer sa 20 minutos alang sa My Foundation.

  • Kompletuha ang baruganan 12 sa My Foundation. Dayon balik niini nga workbook ug padayon og basa ngadto sa sunod nga pahina.