Magkat-on

Unsaon nako pagbaligya og mas daghan pa?

Oras:I-set ang timer sa 60 minutos alang sa seksyon nga Magkat-on.

Tan-awa:“Made the Sale, Missed the Sale!” (Walay video? Tan-awa sa pahina 178.)

Basaha:Sayon ra to. Si Maria nahalinan. Nakuha ni Silvia ang iyang gusto. Nalipay silang duha. Apan si Maria wala makahimo og mas dakong halin—ang dugang halin sa delivery service. Ang pagdugang og delivery service nagtugot ni Maria nga makabaligya og dugang, o “upsell,” ngadto ni Silvia.

Ang “upselling” nagpasabut nga hatagan ang atong kustomer sa opsyon nga mopalit og dugang o mas maayo nga mga produkto kay sa tuyo nila nga paliton.

Sama pananglit:

• Dugang: Tanyagi og mainom o pan ang kustomer nga mi-order og pritong isda

• Mas maayo: Tanyagi og mas taas og kalidad nga sewing machine ang kustomer kinsa nagplano nga mopalit og ubos og kalidad nga sewing machine

Tan-awa:“The Upsell” (Walay video? Tan-awa sa pahina 178.)

Hisguti:Giunsa man ni Maria pag-upsell og delivery service ngadto ni Silvia? Unsay mga example sa upselling nga inyong nakit-an?

Ang malampusong mga tag-iya og negosyo kanunay nga mo-upsell.

Basaha:PANGUTANA SA SEMANA—Unsaon nako pagpadako sa akong ginansya?

BULUHATON SA SEMANA—Mosulay ko og duha ka paagi sa pag-upsell. Mosulay ko og duha ka paagi nga mapaubos ang akong gasto.

UNSAY AKONG I-UPSELL?

Basaha:Ang mga kustomer dili mopalit og dugang tungod lang kay misugyot kita niini. Kinahanglang butang kini nga mas gusto nila kay sa orihinal nga produkto.

Mahimong mas andam silang mobayad og mahal sa samang mga butang sa:

• Pagdaginot sa oras

• Pagdaginot sa kwarta

• Kalidad

• Gidaghanon

• Serbisyo

• Mga relasyon

• Gipaspason

• Pagkamasaligan

• Katahum

• Reputasyon

Ang malampusong mga tag-iya og negosyo nasayud unsay bililhon alang sa ilang mga kustomer.

Praktisa:Unsa man ang andam bayaran og dugang sa imong mga kustomer? Unsaon nimo pagkasayud? Pagkuha og partner ug hisguti kon unsa sa inyong hunahuna ang bililhon alang sa inyong mga kustomer.

Gamita ang table sa ubos sa pagsulat og tulo ka mga paagi aron inyong masayran unsay bililhon alang sa inyong mga kustomer (mga example gihatag).

AKONG MGA IDEYA KABAHIN SA UNSAY BILILHON ALANG SA AKONG MGA KUSTOMER	UNSAY AKONG IPANGUTANA O BUHATON ARON MASAYUD?
Tingali bililhon alang sa akong mga kustomer ang pagkamasaligan.	Pangutan-a ang mga kustomer, “Kon makagarantiya ko nga madeliver sa alas 5:00 matag higayon, mainteresado ka?”
Tingali bililhon alang sa akong mga kustomer ang lab-as nga produkto.	Sulati ang usa ka kahon sa prutas og “bag-ong gipu-pu karong buntag” ug ang laing kahon og “gipu-pu karong semanaha.” Tan-awa kon asa ang pilion sa mga kustomer.

Human masulat ang imong mga ideya, ipakigbahin kini sa grupo.

Pila man ang presyo sa akong pag-upsell?

Basaha:Ang kustomer tingali gusto og sobra pa, apan unsa man ang presyo nga andam niyang bayaran?

Sa unsa nga presyo kita andam nga mobaligya? Kinahanglan kitang makaginansya.

Sama pananglit, gisulayan ni Naomi ang iyang ideya nga ang iyang mga kustomer gusto og kalidad. Kasagaran ilang pilion ang prutas nga “bag-ong gipu-pu karong buntag.” Ang problema kay mas taas ang iyang puhunan sa lab-as nga prutas. Alkanse hinoon siya.

Nakahukom siya nga iyang ibaligya ang iyang “gipu-pu karong semanaha” nga prutas sa tag 10 (ginansya = 1) ug ang iyang “bag-ong gipu-pu karong buntag” nga prutas sa tag 13 (ginansya = 3) Sulayan niya nga i-upsell ang iyang bag-ong pinu-pu nga prutas ngadto sa iyang mga kustomer.

Praktisa:Pagkuha og partner. Tan-awa unsay mga bililhon alang sa inyong mga kustomer gikan sa miaging pahina. Ilista ang inyong mga produkto o serbisyo nga i-upsell. Gamita ang table sa ubos sa paglista sa inyong mga presyo.

UPSELL	ANG AKONG MGA PRESYO SA PAG-UPSELL
Mobaligya ko og prutas nga “bag-ong gipu-pu karong buntag.”	Presyo sa prutas nga “gipu-pu karong semanaha” = 10 (ginansya og 1) Presyo sa prutas nga “bag-ong gipu-pu karong buntag” = 13 (ginansya og 3)
Akong igarantiya nga mahuman ang labada inig ka alas 5:00.	Presyo sa regular nga labada alang sa sunod adlaw = 20 (ginansya og 4) Presyo sa gigarantiyahan nga labada = 27 (ginansya og 8)
Mobaligya ko og skin-care nga sabon	Presyo sa regular nga sabon = 12 (ginansya og 2) Presyo sa skin-care nga sabon = 18 (ginansya og 6)

Hisguti:Human masulat ang imong mga ideya, ipakigbahin kini sa grupo.

Unsaon nako sa pag-upsell?

Basaha:Unsay makaaghat sa akong mga kustomer nga mopalit og dugang? Nagkinahanglan kita og “pang-upsell nga mga pulong.” Ang pang-upsell nga mga pulong mahimong: “Mas mahal og gamay, pero ____.” Atong sulatan ang blangko sa unsay bililhon nga atong nasayran importante ngadto sa kustomer.

Sama pananglit, kon ang mga kustomer ni Naomi motan-aw sa prutas nga “gipu-pu karong semanaha,” siya moingon, “Duna koy mga prutas nga bag-o lang gipu-pu karong buntag.”

Dayon iyang idugang ang upsell phrase nga, “Mas mahal og gamay, pero mas bag-o man.”

Ang malampusong mga tag-iya og negosyo mopasayon sa pagpalit gikan nila.

Praktisa:Hunahunaa ang imong kaugalingong negosyo. Hunahunaa ang imong mga item para upsell. Unsay imong isulti aron sa pag-upsell ngadto sa imong mga kustomer? Gamita ang table sa ubos sa paghimo og imong mga pang-upsell nga mga pulong (mga example gihatag).

PAGSULAT OG PANG-UPSELL NGA MGA PULONG
Unang Produkto o Serbisyo	Upsell nga Produkto o Serbisyo	Unsay Bililhon alang sa Akong mga Kustomer	Pang-upsell nga mga Pulong
“Gipu-pu karong semanaha” nga prutas	“Bag-ong gipu-pu karong buntag” nga prutas	Kalidad (kabag-o)	Mas mahal og gamay, pero mas bag-o.
Tunga sa litro nga gatas sa tag 3	Usa ka litro nga gatas sa tag 5	Pagdaginot sa kwarta	Mas mahal og gamay, pero doble ang inyong makuha kon modugang lang og 2.
Regular nga sabon	Skin-care nga sabon	Kalidad	Mas mahal og gamay, pero mas maayo alang sa inyong panit.
Laundry service	Plantsahon ang mga sinina	Pagdaginot sa oras	Mas mahal og gamay, pero makadaginot ka og dakong oras.

Unsaon man nako nga mas dali mahalin ang akong mga produkto?

Basaha:Ang malampusong mga tag-iya og negosyo daghan og mabaligya sa matag kustomer aron dali maka- “turn inventory [mahalin dayon ang tanan nga imbentaryo].” Ang “turn inventory” nagpasabut nga nahalin ang tanan nga produkto nga atong gipalit gikan sa atong mga tig-suplay. Mahimo natong gamiton ang mga paagi sa pag-upsell aron daghan ang mabaligya ngadto sa matag kustomer.

Ang malampusong mga tag-iya og negosyo sagad nga maka-turn inventory.

Tan-awa:“Turn Inventory Quickly” (Walay video? Basaha ang pahina 179.)

Hisguti:Unsaon man ni Maria nga mas dali nga mahurot og kahalin ang iyang inventory? Unsaon niini pagpadako sa iyang ginansya?

KANIADTO	UNSAY GIBUHAT NI MARIA	PAGKAHUMAN
Bayaran ni Maria og 17 ang tig-suplay alang sa usa ka litro nga gatas.	Nangayo siya og diskwento sa iyang tig-suplay kon daghan ang iyang paliton.	Karon mobayad siya og 15 alang sa usa ka litro.
Misaka ang inventory ni Maria tungod sa iyang dinaghan nga pagpalit. Wala niya usba ang iyang mga presyo. Mas dugay nahurot og kahalin ang iyang inventory ug ang uban sa iyang mga gatas nadaut.	Migamit siya og upsell nga paagi: kon mopalit sila og duha ka litro o sobra pa makakuha sila og diskwento.	Karon mahurot na og kahalin ang iyang inventory sulod sa duha ka adlaw. Walay nadaut nga gatas. Naa siyay kwarta nga ikapalit og dugang. Ug mas midako ang iyang kita.

Basaha:Ang uban nga espesyal nga mga produkto dugay mahalin, ug ok ra na. Apan, kon aduna kitay mga produkto nga dili mahalin, nagpasabut kana nga ang bililhon natong kwarta pangnegosyo napundo niana nga inventory hangtud mahalin kini.

Hisguti:Uban sa partner, hisguti ang mosunod nga duha ka mga pangutana. Isulat ang inyong mga ideya.

1. Unsaon man nako nga mas dali mahurot og kahalin ang akong inventory?

2. Unsaon nako pagpaminos ang suplay sa akong inventory nga dili gyud mahalin?

Unsaon nako pagpaminos sa akong gasto?

Basaha:Ang dali nga pagkahurot og kahalin sa inventory makapadako sa ginansya. Mas mapasaka usab nato ang ginansya sa atong mga negosyo pinaagi sa pagpaminos sa galastuhan.

Praktisa:Pagkuha og partner. Pagpuli-puli og basa sa mga paagi nga mapaminos ang mga galastuhan sa ubos. Pagsulat og laing mga paagi sa pagpaminos sa gasto.

FIXED	VARIABLE
Ipaigo ang unsay anaa kanato Abang	Pakigsabot sa mga tig-suplay Gamit og daghang mga tig-suplay

Balik ngadto sa tibuok grupo ug ipakigbahin ang imong mga ideya.

Basaha:Makahunahuna usab kita og mga paagi nga makalikay sa mga gasto.

Praktisa:Si Naomi naghunahuna sa paggamit og duha ka mga helper: si Samuel ug Joseph.

Iyang suhulan si Samuel nga motrabaho sa iyang pwesto sa prutas upat ka oras matag adlaw (fixed cost). Dili niya inadlawon pagsuhol si Joseph, pero gamiton lamang siya kon adunay mga ideliver (variable cost).

Pakig-uban og duha ka tawo ug hisguti ang mga paagi nga malikayan o mapaminos ang fixed ug variable cost ni Naomi.

Praktisa:Karon turno na sad ninyo. Ilista ang variable ug fixed cost sa inyong negosyo. Pagkuha og partner ug hisguti ang mga paagi sa pagpaminos niini nga mga galastuhan.

FIXED	VARIABLE