Mga Kapanguhaan
Wala Ko Kahibalo!
Pagpili og mga tahas ug i-drama ang mosunod.
Bahin 1
MAXWELL: Daniel, mianhi ko aron kuhaon ang bayad alang sa trabaho nga akong gihimo sa miaging Miyerkules.
DANIEL: Dili ba gibayran ko na ikaw? Sigurado ko nga nabayran ko na ikaw.
MAXWELL: Wala, wala pa ko nimo bayri. Ang laing tawo nga akong gitrabahoan mosulat niini kanunay. Aduna ka bay rekord nga mibayad na ko?
DANIEL: Wala, apan sa akong pagtuo nakabayad na ko.
MAXWELL: Unsaon nimo pagkahibalo kon dili nimo kini isulat?
Daniel: Tingali. … Wala ko kahibalo.
Bahin 2
JAMES: Daniel, maayo nga nagkita ta. Kumusta ang negosyo?
DANIEL: Busy ko.
JAMES: Nindot ang busy. Nakaginansya ka?
DANIEL: Oo … tingali.
JAMES: Tingali? Unsay buot nimo nga ipasabut?
DANIEL: Well, wala ko magtipig og mga rekord. Busy ko sa paghimo og furniture. Gitiman-an ra nako ug hinaut nga maayo ra ang tanan.
JAMES: Mao ba? Wala nimo isulat ang imong kinitaan ug mga gasto ug subayon ang imong ginansya o alkanse?
DANIEL: Wala. Dili man ko accountant. Mohimo ko og furniture.
JAMES: Ang tanang tag-iya og negosyo kinahanglang magtipig og rekord. Mao kana ang bugtong paagi nga mahibalo ka kon ang imong negosyo maayo ba o dili. Ok, mangutana ko pag-usab. Nakaginansya ba ka?
DANIEL: Um … Wala ko kahibalo.
JAMES: Nakakwarta ka ba og daghan o gamay sa miaging bulan?
DANIEL: Wala ko kahibalo.
JAMES: Palihug, sunda ang akong tambag ug pagtipig og rekord aron makahibalo ka.
Balik ngadto sa pahina 48
Usa ka Semana sa Furniture nga Negosyo ni Daniel
-
Basaha:Basaha ang mosunod nga example sa furniture nga negosyo ni Daniel.
Human makahimo og mga pagsiksik pinaagi sa pakig-istorya sa mga kakompetinsya ug mga kustomer, si Daniel nakat-on nga (1) ang mga tawo dili ganahan og puthaw nga furniture kay moinit kini og maayo kon tag-init, (2) ang puthaw nga furniture lisud buhaton, ug (3) ang puthaw nga suplay mas mahal kay sa kahoy. Nakahukom siya nga mobaligya og kahoy nga furniture imbis metal nga furniture.
Ang iyang mga kustomer ganahan niini! Nakabaligya siya og daghang kahoy nga furniture ug ingon og maayo ra ang negosyo.
Balik ngadto sa pahina 49