Mga Kapanguhaan

Buhat ug Commitment

Pagpili og mga tahas [role] ug i-drama ang mosunod.

NARRATOR 1: Nagtuo kita sa pagbuhat ug pagtuman og mga commitment. Sa atong mga grupo sa self-reliance, ang tanan nga atong buhaton gibase sa paghimo og mga commitment ug pagreport.

NARRATOR 2: Pagkahuman sa miting sa grupo, atong ribyuhon ang atong mga buhatunon sa semana ug idugang ang atong pirma sa pagpakita sa atong commitment. Mopili usab kita og action partner alang sa semana. Ang action partner mopirma sa atong workbook sa pagsaad og suporta. Ug matag adlaw atol sa semana, atong kontakon ang atong action partner aron i-report ang atong mga buhat ug aron makakuha og tabang kon gikinahanglan.

NARRATOR 3: Atol sa semana, atong markahan ang atong paglambo diha sa workbook ug gamiton ang mga himan nga gihatag, sama sa mga worksheet o ubang mga porma. Ug kon magkinahanglan kita og dugang tabang, mahimo natong hangyoon ang atong mga pamilya, atong mga higala, o ang facilitator.

NARRATOR 4: Sa pagsugod sa atong sunod nga miting, mobalik ug moreport kita sa atong mga commitment. Kinahanglang usa kini ka komportable, kusganon nga kasinatian alang sa tanan. Hunahunaa kon giunsa nga natabangan kining mga tawhana pinaagi sa paghimo og mga commitment ug pagreport.

GROUP MEMBER 1: Sa unang higayon nga mireport ko sa akong mga commitment, naghunahuna ko, “Lahi ra man ni.” Nganong magpakabana man ang mga sakop sa akong grupo kon unsay akong nabuhat? Apan nasayran nako nga nagpakabana diay sila. Ug nakatabang kana kanako.

GROUP MEMBER 2: Nakaamgo ko nga dili nako gustong pakyason ang akong grupo. Mao nga nagkugi gyud ko sa pagtuman sa akong mga commitment. Dili ko sigurado kon molambo ba ko sa laing paagi. Ang pagreport matag semana nakatabang gayud kanako sa akong mga prayoridad.

GROUP MEMBER 3: Kon maghunahuna ko sa akong dalan padulong sa self-reliance, mahadlok ko kay ingon og lisud kaayo. Apan ang mga miting sa grupo mitabang kanako nga mabuak-buak kini ngadto sa gagmay nga mga lakang. Ug akong gireport ang matag lakang ngadto sa akong grupo. Dayon nakahimo ko og tinud-anay nga paglambo. Nagtuo ko nga kini nga kalampusan resulta sa paghimo og bag-ong mga gawi.

Balik ngadto sa pahina 11

Unsaon nako paggamit ang business success map?

Matag adlaw karong semanaha, pag-obserba, paghunahuna, ug pamalandong sa mga baruganan sa kalampusan sa negosyo. Pagbisita og mga negosyo sa usa ngadto duha ka mga oras matag adlaw aron sa pag-obserba kanila. Dad-a ang inyong notebook ug kini nga workbook kon mobisita mo og lokal nga mga negosyo aron inyong magamit ang mosunod nga mga pangutana ug ang Business Success Map (sa katapusang pahina niini nga workbook).

INADLAW NGA MGA KALIHOKAN:
Adlaw 1
Mga Kustomer
Tan-awa unsa, kanus-a, ug pila ang paliton sa mga kustomer. Ribyuha ang mga baruganan sa kustomer nga gipakita sa map. Irekord ang inyong mga hunahuna dinhi:
Adlaw 2
Pagbaligya
Giunsa man sa mga negosyo sa pagbaligya ang ilang mga produkto o mga serbisyo? Mahimo ba silang molambo? Ribyuha ang mga baruganan sa pagbaligya nga gipakita sa map. Irekord ang inyong mga hunahuna dinhi:
Adlaw 3
Galastuhan
Hunahunaa ang mga galastuhan sa mga negosyo. Unsaon nila sa pagpaminos sa galastuhan? Ribyuha ang mga baruganan sa galastuhan nga gipakita sa map. Irekord ang inyong mga hunahuna dinhi:
Adlaw 4
Ginansya:
Nagsubay ba ang mga negosyo sa ilang mga kinitaan ug galastuhan? Kon imo kining negosyo, unsaon nimo pagsubay ang imong kwarta? Ribyuha ang mga baruganan sa ginansya nga gipakita sa map. Irekord ang imong mga hunahuna dinhi:

Sa mosunod nga duha ka adlaw, pamalandong ug pag-ampo alang sa kasiguroan nga ang Ginoo mopanalangin sa imong mga paningkamot nga moserbisyo og balaan nga katuyoan sa imong kaugalingong negosyo. Irekord ang imong mga nahunahunaan matag adlaw samtang naghunahuna ka sa matag seksyon sa Business Success Map.

INADLAW NGA MGA KALIHOKAN:
Adlaw 5
Mga Kustomer
Pagbaligya
Adlaw 6
Ginansya
Galastuhan

Balik ngadto sa pahina 8