Magkat-on

lightbulb-brown

Giunsa man pagkahaum sa tanan?

Oras:I-set ang timer sa 60 minutos alang sa seksyon nga Magkat-on.

Tan-awa:“We Can Do This!” (Walay video? Basaha ang pahina 192.)

Praktisa:Ang negosyo ni Maria mas maayo kay sa kaniadtong 12 ka semana ang milabay. Mas maayo ba ang inyong kaugalingong negosyo kay sa kaniadtong 12 ka semana ang milabay? Pakig-uban og usa ka sakop sa grupo. Ipagawas ang inyong Business Success Map. Pangutana, “Giunsa man sa ______ (butang nga gikan sa map) pagpalambo ang imong negosyo?”

Sama pananglit: “Sa unsang paagi ang paggamit og daghang tig-suplay nakapalambo sa imong negosyo?”

Pagpuli-puli sa pagpangutana sa usag usa sulod sa duha ka minuto.

Basaha:Makahimo kita niini! Aduna na kitay mga kalampusan. Nakasugod ug nakapalambo na kita sa atong mga negosyo! Kinahanglang ipadayon nato ang pagpalambo sa atong mga negosyo ug pagpadako sa ginansya.

Basaha:PANGUTANA SA SEMANA—Unsaon nako pagpadako sa akong ginansya? Unsaon nako pagpadayon sa pagkat-on ug paglambo?

BULUHATON SA SEMANA—Maghimo ko og mga tumong alang sa akong negosyo. Moandam ko og usa ka presentasyon kabahin sa akong negosyo.

Unsaon nako pagkab-ut ang akong mga tumong sa negosyo?

Hisguti:Basaha ang kinutlo nga naa sa tuo. Unsa nga mga tumong ang “modasig sa imahinasyon ug momugna og kahinam sa inyong kasingkasing”?

I-determinar kon asa ikaw ug unsa ang gikinahanglan nimong buhaton. … Paghimog makadasig, bantugan, ug matarung nga mga tumong nga modasig sa imahinasyon ug momugna og kahinam sa inyong kasingkasing. Ug itumong ang inyong panan-aw niini. Lihok kanunay sa pagtuman niini.”

Joseph B. Wirthlin, “Mga Leksyon sa Kinabuhi nga Nakat-unan,” Ensign o Liahona, Mayo 2007, 46

Praktisa:Pagsulat og tulo ka mga tumong sa inyong negosyo. Gamita ang duha ka minuto.

Pakig-uban og laing duha ka tawo. Tan-awa ang duha ka mga tumong sa ubos.

Gusto nako nga mahimong mas maayo sa pagdumala sa akong kwarta tungod kay wala koy igo nga ikabayad sa tanan nakong galastuhan gawas kon manghulam ko sa akong pamilya, nga usahay lisud sab kay kanunay man nga dili pud igo ang ilang kwarta.

Akong doblehon ang akong ginansya sunod bulan.

Tubaga ang mga pangutana sa ubos. Hisguti nganong imong gipili ang matag tubag.

1. Asa nga tumong ang mas makahinam?

2. Asa nga tumong ang sayon hinumduman?

3. Asa nga tumong ang sayon masukod (nakahibalo nga nakab-ut na nimo ang tumong)?

   Ang malampusong mga tag-iya og negosyo maghimo og makahinam, masukod nga mga tumong.

Basaha:Ang malampusong mga tag-iya og negosyo maghimo og mga tumong nga makahinam, sayon hinumduman, ug sayon masukod.

Praktisa:Sa imong kaugalingon, usba pagsulat ang tulo ka mga tumong sa imong negosyo. Paggahin og duha ka minuto sa paghimo sa imong mga tumong nga makapaikag, sayon hinumduman, ug sayon masukod.

Karon, mobarug ang tanan ug itiklup ang inyong mga workbook. Atubanga ang tawo sa imong tupad ug sultihi siya sa imong labing makahinam nga tumong. Balhin dayon ngadto sa sunod nga tawo hangtud nga napakigbahin nimo sa tanan.

Balik ngadto sa tibuok nga grupo. Ipakigbahin ang tumong sa laing tawo ngadto sa grupo (ayaw ipakigbahin ang imong kaugalingong tumong).

Hisguti:Ang imong mga tumong makapahinam ba, sayon hinumduman, ug sayon masukod?

“Isulat ang imong mga tumong ug unsay plano nimong buhaton aron makab-ut kini. Pagtinguha og taas, kay mahimo kamong makadawat sa mahangturong mga panalangin.”

Thomas S. Monson, “Your Celestial Journey,” Ensign, Mayo 1999, 97.

Basaha:Ang mga tumong dili lang dayon mahitabo tungod kay gusto nato kining mahitabo. Kinahanglang magkugi kita aron makab-ot ang atong mga tumong. Basaha ang kinutlo gikan ni Presidente Monson nga naa sa tuo.

Praktisa:Isulat pag-usab ang imong tulo ka tumong sa ubos. Isulat unsay imong plano nga buhaton aron makab-ut ang imong mga tumong (example gihatag).

TUMONG	ANG AKONG BUHATON ARON MAKAB-UT ANG AKONG TUMONG
Akong doblehon ang akong ginansya sunod bulan pinaagi sa pag-abli og bag-ong pwesto sa usa ka busy kaayo nga dalan.	Ang akong anak maoy akong padad-on sa akong negosyo samtang mangita ko og maayo nga pwesto alang sa akong news stand. Manghatag ko og mga sampol aron masayud ang mga tawo nga diri mopalit nako.

Ang malampusong mga tag-iya og negosyo dili gyud moundang.

Basaha:Dako og kahigayunan nga aduna usab kitay mga kalisdanan ug mga kasagmuyo samtang magtrabaho kita sa atong mga tumong. Ang malampusong mga tag-iya og negosyo dili gyud moundang, ug magplano sila og mga paagi aron mabuntog ang mga kalisdanan. Basaha ang istorya sa ubos.

Nasayud si Daniel nga kasagaran sa iyang pamilya manaway sa iyang mga tumong sa negosyo ug moingon nga dili niya makab-ut ang mga tumong. Apan nasayud siya nga suportahan siya sa iyang tiyo. Nagplano siya nga mangayo og tambag ug awhag gikan sa iyang tiyo. Nagplano siya nga mag-ampo alang sa kalig-on, kamabination, ug pailub. Nagplano siya nga magpabiling madasigon apan determinado kon sawayon.

Isulat:Pagpakigbahin og mga ideya sa mga pamaagi nga imong mabuntog ang mga kalisdanan sa pagkab-ut sa imong mga tumong. Hinumdumi nga ang Ginoo makatabang kanimo ug nga ang ubang tawo makatabang kanimo. Isulat ang imong mga ideya sa ubos.

Unsaon nako pagpangandam alang sa gradwasyon?

Basaha:Isip kabahin sa gradwasyon, matag usa kanato mobarug ug mohulagway sa atong mga negosyo ngadto sa ubang mga tag-iya og negosyo, mga sakop sa pamilya, ug mga higala. Samtang magtan-aw kamo sa video, sunda og dungan ang mga instruksyon sa ubos.

Tan-awa:“My Business in Five Minutes” (Walay video? Ang facilitator mahimong mobasa sa pahina 193 samtang ang tanan mosunod sa mga instruksyon sa ubos.)

ANG AKONG NEGOSYO SA LIMA KA MINUTO: MGA INSTRUKSYON
Bahin 1:	Sa dili kaabut og usa ka minuto, ihulagway ang imong negosyo.
Bahin 2:	Sa dili kaabut og usa ka minuto, ihulagway sa unsang paagi ang pagtubag sa usa sa mosunod nga mga pangutana nakapalambo og maayo sa imong negosyo: Unsay gusto nga paliton sa mga tawo? Unsaon nako nga makabaligya? Unsaon nako pagkontrolar sa galastuhan? Unsaon nako pagpadako sa akong ginansya? Unsaon nako pagpadagan ang akong negosyo?
Bahin 3:	Sa dili kaabut og usa ka minuto, ihulagway giunsa nimo pagpadako sa imong tinigum ug paghupot og pinansyal nga mga rekord. Pila ka semana nga nakadugang ka sa imong tinigum? ___ Pila ka semana nga nagtipig ka og pinansyal nga mga rekord sa negosyo? ___ Pila ka semana nga nagtipig ka og personal nga pinansyal nga mga rekord? ___
Bahin 4:	Sa dili kaabut og usa ka minuto, ihulagway ang usa ka butang nga imong buhaton aron padayon nga mapalambo ang imong negosyo.
Bahin 5:	Sa dili kaabut og usa ka minuto, ihulagway ang usa nimo ka tumong sa negosyo ug unsaon nimo pagkab-ut ang imong tumong.

Praktisa:Atol sa semana, paghunahuna og unsay imong gustong ipakigbahin. Isulat ang imong mga ideya sa imong notebook sa negosyo. Praktisa ang paghatag sa imong presentasyon sa imong pamilya o mga higala. Pangandam nga ipakigbahin ang imong mga presentasyon sa negosyo. (Kon gustohon nimo, makagamit ka og mga note, mga chart, o ubang visual aid.)

Unsay akong buhaton human sa gradwasyon?

Basaha:Ang malampusong mga tag-iya og negosyo padayon nga nagtinguha nga makat-on. Makakat-on kita gikan sa mga libro, ubang mga tag-iya og negosyo, mga klase, ug sa usag usa.

Sama pananglit, mahimo nimong ikonsiderar ang legal nga pagparehistro sa imong negosyo. Ang paghisgut niini uban sa mga sakop sa imong grupo o mga sakop sa usa ka konseho sa negosyo makatabang kanimo kon kanus-a ug unsaon kini pagbuhat.

Ang malampusong mga tag-iya og negosyo padayon nga magkat-on.

Hisguti:Ganahan mong padayon nga mag-abut isip grupo? Ganahan mong makig-abut sa ubang mga grupo sa stake?

Basaha:Kon mopili ta nga padayon nga mag-abut, makahimo kita og atong kaugalingon nga agenda o mosunod og agenda nga sama niini:

Sampol nga Agenda

My Foundation

Magribyu sa mga baruganan ug mga hilisgutan.

Mo-report

Mo-report sa kalamboan ug mga problema sa negosyo.

Magkat-on

Maminaw sa mga mamumulong gikan sa lokal nga mga negosyo, mga tigpautang, ug sa gobyerno.

Pagtan-aw og mga video o pagbasa kabahin sa mga hilisgutan sa negosyo.

Mamalandong

Pamalandungi unsay atong nakat-unan.

Mo-commit

Pagpili og mga tumong ug paghimo og mga commitment.

Nag-anam ba ko sa pagkahimong self-reliant?

My Path to Self-Reliance cover

Basaha:

Ang atong tumong mao ang self-reliance, sa temporal ug espiritwal. Ang paghimong malampuson sa atong mga negosyo usa lang ka bahin niana nga tumong.

Hisguti:Unsa nga mga kausaban ang imong nakit-an sa imong kinabuhi samtang imong gigamit ug gitudlo ang My Foundation nga mga baruganan?

Praktisa:Ablihi ang imong My Path to Self-Reliance nga booklet ngadto sa blangko nga self-reliance assessment (sa luyo). Kompletuha ang mga lakang.

Kon mahuman na ka, paggahin og tulo ka minuto sa pagpamalandong sa mosunod:

Mas nakabantay ka na ba karon sa imong mga gasto? Makatubag ka ba karon og “kasagaran” o “kanunay” sa kadaghanan niini nga mga pangutana? Mas kampante ka ba sa kantidad nga imong gitakda isip imong kinitaan aron matawag nga self-reliant? Hapit na ba nimo makab-ut ang imong kinitaan aron matawag nga self-reliant? Unsa ang imong mabuhat aron molambo?