Magkat-on

Unsaon nako paghulagway ang akong negosyo?

Basaha:Karon atong buhaton ang atong mga presentasyon sa negosyo. Kon atong ihulagway ang atong negosyo ngadto sa uban, makakat-on kita og mga butang bahin sa atong negosyo nga makatabang nato sa paglambo. Kon kita dunay mga ideya panahon ug human sa mga presentasyon, isulat nato kini sa atong mga notebook sa negosyo.

Basaha:PANGUTANA SA SEMANA—Unsaon nako sa pagpasabut sa akong negosyo ngadto sa uban?

BUHATUNON SA SEMANA—Unsaon nako sa pagpangita og mga ideya gikan sa uban kon unsaon sa pagpalambo sa akong negosyo.

Oras:Alang sa kada tawo nga mopresentar, i-set ang timer sa tulo ka minuto. Pahibaloa ang presenter kon usa ka minuto na lang ang nahibilin.

Ang malampusong mga tag-iya og negosyo nagpalambo og butang matag adlaw.

Basaha:Ipakita na nato karon ang unang pasundayag. Kinsa ang mouna? Hinumdumi, nga duna kay tulo ka minuto sa paghimo sa imong pasundayag ug dayon duha ka minuto sa panaghisgot.

Basaha:Sunda ang mga instruksyon sa sunod nga pahina.

ANG AKONG NEGOSYO SA TULO KA MINUTO—MGA INSTRUKSYON
Bahin 1	Sa dili kaabut og usa ka minuto, ihulagway ang imong negosyo.
Bahin 2	Sa dili kaabut og usa ka minuto, ihulagway sa unsang paagi nga ang pagtubag sa usa sa mosunod nga mga pangutana nakapalambo og maayo sa imong negosyo. 1. Unsay gustong paliton sa mga tawo? 2. Unsaon nako nga makabaligya? 3. Unsaon nako sa pagkontrol ang akong mga gasto? 4. Unsaon nako pagpadako sa akong ginansya? 5. Unsaon nako pagpadagan sa akong negosyo?
Bahin 3	Sa dili kaabut og usa ka minuto, ihulagway ang usa ka butang nga imong himoon sa pagpadayon sa pagpalambo sa imong negosyo.

Oras:Karon, i-set ang timer og duha ka minuto alang sa panaghisgot.

Hisguti:Pangutan-a ang usag usa. Pagtinambagay sa usag usa. Tabangi nga molambo ang negosyo niining sakop sa grupo.

Basaha:Karon, balika kining tulo ka mga lakang alang sa kada sakop sa grupo hangtud ang tanan makapresentar.

Unsay akong nakat-unan?

Hisguti:Ang malampusong mga tag-iya og negosyo padayong nagkat-on. Unsa ang imong nakat-unan gikan sa mga sakop sa grupo nga makatabang kanimo sa pagpalambo sa imong negosyo?

Ang malampusong mga tag-iya og negosyo padayong nagkat-on.

Basaha:Sa atong sunod nga mga miting, magkat-on kita unsaon sa pagpalambo sa atong negosyo. Sa atong sunod nga miting, kinahanglang atong dad-on ang mga income and expense log sa negosyo ug ang atong mga business statement gikan sa milabay nga duha ka semana.

Kon wala pa kita makasugod og negosyo, motabang kita sa uban sa ilang mga income and expense log ug mga business income statement. Maayo kini nga praktis alang nato.

Tan-awa:Tan-awa kon giunsa ni Felix pagpalambo sa iyang negosyo pinaagi sa paggamit sa mga baruganan sa self-reliance. Tan-awa ang “Felix: Refrigeration Parts.” (Walay video? Padayon lang.)

Mas nagka-self-reliant ba ko?

Basaha:Ang atong tumong mao ang self-reliance, sa temporal ug espiritwal. Ang paghimo sa atong negosyo nga magmalampuson kabahin lamang niana nga tumong.

Hisguti:Unsa nga mga kausaban ang imong nakit-an sa imong kinabuhi samtang imong gigamit ug gitudlo ang My Foundation nga mga baruganan?

Praktisa:

Ablihi ang imong My Path to Self-Reliance nga booklet sa blangko nga self-reliance assessment (sa luyo). Kompletuha ang mga lakang.

Kon mahuman na ka, paggahin og tulo ka minuto sa pagpamalandong sa mosunod:

Nakahibalo ka na ba karon sa imong mga galastuhan? Makatubag ka na ba karon og “kanunay” o “pirme” sa daghang mga pangutana? Mas kampante ka ba sa kantidad nga imong gitakda isip imong kinitaan aron matawag nga self-reliant? Hapit na ba nimo makab-ut ang imong kinitaan aron matawag nga self-reliant? Unsa ang imong mabuhat aron molambo?