Magkat-on

Unsay makatabang sa akong negosyo nga makabaton og dugang kwarta?

Oras:I-set ang timer sa 60 minutos alang sa seksyon nga Magkat-on.

Tan-awa:“Bicycle or Chickens?” (Walay video? Tan-awa ang script sa pahina 102.)

Basaha:Ang asset usa ka butang nga gipanag-iya sa negosyo nga bililhon. Makapalit ug makabaligya ka og mga asset. Pananglitan, si Maria makapalit og lingkuranan nga kalingkuran kon mamaligya og mga itlog ug makabaligya siya og manok. Kini mga asset.

Ang productive asset mokita og kwarta alang sa usa ka negosyo. Ang mga himungaan ni Maria mga productive asset tungod kay makahatag kini og mga itlog, nga mabaligya ni Maria aron makakwarta. Ang lingkuranan usa ka asset, pero dili productive asset. Dili kini mokita og kwarta.

Hisguti:Ang malampusong mga tag-iya og negosyo mogamit sa mga productive asset aron sa pagpalambo sa ilang negosyo. Sa unsang paagiha nga ang makina nga pangtahi o biseklita mahimong usa ka productive asset?

Ang malampusong mga tag-iya og negosyo mogamit sa mga productive asset aron sa pagpalambo sa ilang negosyo.

Praktisa:Pagpili og usa ka partner. Ilista ang mga productive asset nga naa ang inyong negosyo:

Basaha:PANGUTANA SA SEMANA—Unsaon nako paggamit ang mga productive asset aron sa pagpalambo sa akong negosyo?

BUHATUNON SA SEMANA—Akong tinuon ang mga asset nga naa nako ug unsaon kini paghimo nga mas productive. Akong tinuon ug i-prayoridad ang ubang mga asset nga akong gikinahanglan.

Unsaon man nako sa paghimo nga mas productive ang akong mga asset?

Basaha:Basaha ang kasulatan nga naa sa tuo. Kinahanglang gamiton nato ang mga asset sa maalamong paagi. Atong atimanon ang atong mga assets aron nga mahimo gayud kining productive.

“Ikaw magmakugihon sa pag-amping unsa ang anaa kanimo, nga ikaw mahimo unta nga usa ka maalamon nga tinugyanan.”

Doktrina ug mga Pakigsaad 136:27

Hisguti:Unsay mahitabo sa negosyo ni Maria kon wala niya atimana ang iyang mga productive asset (ang iyang mga manok)?

Praktisa:Karon, tan-awa kining mga asset sa negosyo. Hain sa mosunod nga mga asset ang kasamtangang mga productive asset?

MAKINA NGA PANGTAHI

Si Gloria nanahi og daghang sinina karon.

GUBA NGA BISEKLITA

Si David naglaum nga maayo ang iyang biseklita ug magamit kini sa dili madugay.

HIMUNGAAN NGA DILI MANGITLOG

Si Maria naghulat aron makita kon ang iyang himungaan nagsugod na sa pagpangitlog.

Basaha:Kinahanglang gamiton nato ang atong mga asset sa ingon ka productive kutob sa mahimo: Basaha ang mosunod nga example bahin sa maalamong tinugyanan [steward].

TAHIANAN NI GLORIA:

Si Gloria dunay usa ka makina nga pangtahi. Giatiman niya kini og maayo. Makatahi siya og lima ka sinina kada adlaw. Ang iyang mga kustomer ganahan pa og dugang nga mga sinina.

Naghunahuna siya sa pag-hire og usa ka helper ug sa pagpalit og laing makina nga pangtahi. Pero imbis nga magpalit og laing makina nga pangtahi, si Gloria mi-hire sa iyang higala aron magtahi gamit ang makina ni Gloria inigka-gabii. Karon ang negosyo ni Gloria makahimo na og 10 ka sinina kada adlaw gamit ang usa ka makina nga pangtahi.

Hisguti:Sa unsang paagiha nga si Gloria usa ka maalamong tinugyanan gamit ang iyang productive asset? Unsaon man ninyo sa paghimo sa inyong mga asset nga mas productive?

Unsaon man nako sa pagbaton og dugang nga mga productive asset?

Praktisa:Paghunahuna og mga asset nga imong mabatunan nga makatabang kanimo sa pagpalambo sa imong negosyo. Ilista kini sa ubos.

MGA MATANG SA MGA ASSET	MGA ASSET NGA DUNA KO	BAG-ONG MGA ASSET NGA MAKATABANG SA PAGPALAMBO SA AKONG NEGOSYO
Himan/Makina
Sakyanan
Building
Hayop
Uban pa

Praktisa:Paghimo og grupo kauban og laing duha ka tawo. Hisguti kon nganong kini nga mga asset makatabang sa paglambo sa imong negosyo.

Praktisa:Unsaon man nimo pagkabaton sa mga asset nga imong gilista sa miaging pahina? Sa ubos mao ang lista sa mga paagi nga ang mga negosyante makabaton og bag-ong mga asset. Bahina ngadto sa mga grupo nga tinagutlo, ug hisguti ang mga kaayohan [advantage] ug ang mga dili kaayohan [disadvantage] sa matag opsyon. Ilista kini sa ubos.

MGA PAAGI SA PAGBATON SA MGA ASSET	MGA KAAYOHAN [ADVANTAGE]	MGA DILI KAAYOHAN [DISADVANTAGE]
Pagtigum aron makapalit og asset
Pagkuha og partner nga dunay asset
Pag-abang og asset
Panghulam og asset
Pag-loan aron ipalit og asset
Uban pa

Praktisa:Karon, uban sa mao gihapon nga grupo, hisguti ang mosunod:

Hain nga asset ang labing mapuslanon alang sa imong negosyo sa pagkakaron? Unsa ka dako nga kwarta ang matabang niini nimo nga kitaon? Unsa ka dali kini nga makuha? Unsa ang pipila sa mga paagi nga imong mabayran ang bag-ong asset?

Tan-awa:Tan-awa ang istorya sa kalampusan nga “Susy: Private School Bus” aron makita kon giunsa na ni Susy pagpalambo ang iyang negosyo ug giunsa niya pagplano aron makabaton og productive asset. (Walay video? Balhin ngadto sa sunod nga pahina.)

Unsaon nako pagkontrolar sa galastuhan?

Basaha:Ang mga productive asset makatabang sa atong mga negosyo nga mokita og kwarta. Aron mapalambo ang atong mga negosyo, nagkinahanglan usab kita nga mokontrolar sa galastuhan. Apan dili tanang mga gasto pareho!

Tan-awa:“Careful with Fixed Costs” (Walay video? Basaha ang pahina 103.)

Basaha:Ang mga variable cost mosaka o mous-us uban sa halin.

Ang mga fixed cost kinahanglang bayran dili igsapayan kon unsa kadako o kagamay ang atong mabaligya.

Ang malampusong mga tag-iya og negosyo modugang lamang og mga fixed cost kon kahibalo sila nga makatabang kini sa negosyo sa pagbaton og dugang nga kwarta.

Praktisa:Tan-awa ang mga gasto sa negosyo ni Daniel. Lingini ang fixed o variable alang sa matag gasto.

Ang malampusong mga tag-iya og negosyo modugang lamang og mga fixed cost kon kini makapadako sa ginansya.

MGA GASTO SA NEGOSYO NI DANIEL
Abang sa shop	Fixed [Dili Mag-usab-usab]	Variable [Mag-usab-usab]
Kahoy alang sa furniture	Fixed	Variable
Mga gasto sa paghatud [delivery]	Fixed	Variable
Sweldo ni Daniel	Fixed	Variable

Praktisa:Ilista ang imong kaugalingong mga gasto sa negosyo. Lingini ang variable o fixed alang sa matag gasto.

MGA GASTO SA AKONG NEGOSYO
	Fixed	Variable
	Fixed	Variable
	Fixed	Variable
	Fixed	Variable
	Fixed	Variable
	Fixed	Variable
	Fixed	Variable
	Fixed	Variable

Basaha:Atol sa semana, atong irekord ang atong kinitaan ug mga gasto, ipakita kon hain ang fixed ug hain ang variable, ug dad-on nato ang atong mga income statement sa atong sunod nga miting.