Mga Kapanguhaan
Nahalinan, Wala Mahalini!
Pagpili og mga tahas ug i-drama ang mosunod:
MARIA: Hi, Silvia. Kumusta ka karon?
SILVIA: Maayo man, salamat. Kinsa ang imong helper karon?
MARIA: Kini ang akong pag-umangkon, si Sophia.
SILVIA: Pagkabuotan nga bata! Well, ang akong igsoong lalaki nakakita og trabaho. Sa among balay gihapon siya nagpuyo, apan motabang na siya pagbayad sa pagkaon karon.
MARIA: Kanus-a siya nagsugod sa pagtrabaho?
SILVIA: Karon lang!
MARIA: Maayo kaayo na para niya—ug kanimo! Kon mao, nganong ania ka karon?
SILVIA: Modugang ko og mga itlog. Ang tanan ganahan niini ug makabarato kami niini. Gusto ko og dugang walo ka mga itlog ug duha ka garapon nga gatas.
MARIA: Ok. Salamat sa imong pagpalit karon, Silvia. Ayo-ayo!
SOPHIA: Daghan kaayo siya og gidala. Nganong dili nimo siya hangyoon nga tugutan ko nga modala sa mga itlog ug gatas alang kaniya?
MARIA: Oh, Sophia. Sakto ka. Wa sad ko kahunahuna ana da. Duna koy kahigayunan nga mo-upsell og delivery service ngadto niya. Madugangan pa unta to og 10 ang halin.
Balik ngadto sa pahina 168
Ang Upsell
Pagpili og mga tahas ug i-drama ang mosunod.
SILVIA: Nia na sad ko aron mopalit og itlog! Ug, nagkinahanglan ko og 10 ka itlog tungod kay dili pa ko makabalik pipila ka adlaw.
MARIA: Maayo. Naghunahuna ko nimo. Pareho ra ang gidaghanon sa atong pakan-on ug kami mokonsumo og dili mominos mga 12 ka itlog. Nindot kaayo ni alang ninyo.
SILVIA: Ang problema unsaon kini pagdala sa amoa. Sa tinuod lang nabuk-an ko og duha sa una.
MARIA: Nabalaka ko niana. Akong paubanon si Sophia nimo nga modala sa mga itlog alang nimo. Mo-charge ra mi og 10 sa delivery. Mahal og gamay, apan dili na ka mahasol sa pagdala niini. Dugang pa, kon dunay mabuak samtang gihatud kini ni Sophia, ilisan namo kini nga walay bayad.
SILVIA: Well, kabalo ka, makatabang kana. Okey, buhaton nato kana. Salamat.
MARIA: Maayo na. Sophia, salamat sa pagtabang ni Silvia. Balik dayon!
Balik ngadto sa pahina 168
Mag-turn Inventory Dayon
Pagpili og mga tahas ug i-drama ang mosunod.
MARIA: Hi, Naomi. Unsay akong ikaalagad nimo karon?
NAOMI: Nagkinahanglan ko og gatas.
MARIA: Maayo. Duna mi daghan.
NAOMI: Maria, lain og baho kining gatasa. Dugay na ba ni?
MARIA: Oh dili! Pasayloa ko. Wala ko kasiguro. Mipalit ko og daghan aron di ko mahutdan.
NAOMI: Importante nga dunay daghan alang sa mga kustomer, apan kinahanglan usab dayon ka nga maka-turn inventory.
MARIA: Turn inventory? Unsay gipasabut niana?”
NAOMI: Ang turn inventory mao ang pagkahalin sa tanan nga imong gipalit gikan sa imong tig-suplay.
MARIA: Naningkamot ko nga maka-turn inventory. Apan usahay madugay pa ug kinahanglan nga akong ilabay ang gatas nga nadaot na.
NAOMI: Mao nga, kinahanglan nimo nga maka-turn inventory dayon. Ang paglabay sa gatas tungod kay wala nimo mahalin dayon nag-usik sa imong kwarta. Apan dili ra mao kana ang rason nga kinahanglan nga maka-turn inventory ka dayon.
MARIA: Mao ba?
NAOMI: Maria, diin gikan ang kwarta nga ibayad sa imong tig-suplay?
MARIA: Nagtigum ko sa kada halin sa gatas. Kon ubay-ubay na, mopalit ko og dugang gatas.
NAOMI: Maria, kon dugay ka nga maka-turn inventory, mas dugay kang maghulat nga makapalit og dugang gatas.
Hinumdumi, makakwarta lang ka kon dunay halin. Mao nga, kon mas dali mahalin tanan, mas dako ang imong kita.
Unsa kaha kon imong mabaligya ang imong tanang gatas sa tulo ka adlaw? O duha ka adlaw? O bisan sa samang adlaw?
MARIA: Walay gatas nga madaot, ug ako makapalit dayon og dugang pa gikan sa akong tig-suplay. Ug duna koy daghang gatas nga ikabaligya ngadto sa akong mga kustomer ug mas modaghan ang akong kwarta. Sugdan nako nga mas madali pagkahalin ang tanan!
Balik ngadto sa pahina 172