Magkat-on
Unsaon nako pagkahibalo kon unsa na ang dagan sa akong negosyo?
-
Oras:I-set ang timer sa 60 minutos alang sa seksyon nga Magkat-on.
-
Tan-awa:“I Don’t Know” (Walay video? Basaha ang pahina 60.)
-
Hisguti:Kon walay mga rekord, unsaon ninyo pagkahibalo kon ang inyong negosyo nakaginansya? Unsaon ninyo pagkahibalo kon kamo nabayran ba sa tanan ninyong mga kustomer? Unsaon ninyo pagkahibalo sa inyong tanang mga galastuhan?
-
Basaha:PANGUTANA SA SEMANA—Unsaon nako pagkahibalo kon ang akong negosyo nakaginansya?
BUHATUNON SA SEMANA—Akong subayon ang tanang kinitaan ug mga galastuhan sa usa ka lista [log] kada adlaw gikan karon.
Atol niini nga miting, magkat-on kita og mga kahanas aron sa pagtabang nato sa pagtubag niini nga pangutana ug sa paghimo niini nga aksyon.
Dayon, atol sa semana, aktwal natong subayon ang atong kinitaan ug gasto sa negosyo aron makita kon nakaginansya ba kita. Basahon nato ang seksyon nga Ginansya sa Business Success Map.
Nganong kinahanglan man nga magtipig ko og rekord?
-
Praktisa:Alang niini nga praktis, ayaw pagsulat og bisan unsa nga impormasyon. Uban sa usa ka partner, paggahin og usa ka minuto sa pagbasa sa pahina 61 bahin sa negosyo ni Daniel nga furniture. Ayaw pagsulat og bisan unsa nga impormasyon. Dayon balik dinhi.
-
Hisguti:Sulayi pagtubag kini nga mga pangutana gikan sa hunahuna:
-
Pila may nagasto sa negosyo niining semanaha?
-
Pila may nakwarta sa negosyo niining semanaha?
-
Pila may naginansya o naalkanse sa negosyo niining semanaha?
Makahinumdom ba kamo sa kinitaan, mga gasto, ug ginansya nga dili magtan-aw? Unsa ka importante ang sinulat nga mga rekord?
-
-
Praktisa:Karon, uban sa inyong partner, balik ngadto sa summary sa negosyo ni Daniel nga furniture sa pahina 61 ug idugang ang mga gasto, kinitaan , ug ginansya. Mas sayon ba kon ang tag-iya sa negosyo migamit og lista [log] aron sa pagrekord sa mga numero?
Unsaon nako pagpalambo og gawi [habit] sa pagtipig og mga rekord?
-
Hisguti:Ang malampusong mga tag-iya og negosyo magtipig og inadlaw nga mga rekord. Malingaw ba kamo sa pagtipig og mga rekord? Gawi na ba kini ninyo? Unsay nakapugong ninyo sa pagtipig og mga rekord?
Ang malampusong mga tag-iya og negosyo magtipig og inadlaw nga mga rekord.
Mga himan sa pagtipig og mga rekord:
-
Mga kopya sa income and expense log ug income statement sa pahina 55
-
Ledger book
-
Notebook at point of sale
-
-
Basaha:Usahay lisud ang pagsugod og bag-ong gawi, bisan og nakahibalo kita nga importante kini. Aniay lima ka mga paagi sa malampusong pagtipig og rekord:
-
Hinumdumi ang “ngano”—Makakuha kamo og kadasig pinaagi sa paghunahuna sa mga tawo nga makabenepisyo sa inyong pagtipig og rekord, sama sa inyong mga anak.
-
Pagpalambo og mga kahanas—Tingali magkinahanglan kamo og bag-ong mga kahanas nga mamaayo sa pagtipig og mga rekord. Ang atong panaghisgot karon makatabang ninyo sa pagkat-on niini nga mga kahanas.
-
Pagpili og mga higala, dili kakunsabo—Ang usa ka higala mao ang usa ka tawo kinsa motabang ninyo sa pagbuhat sa saktong butang. Ang kakunsabo mao ang usa ka tawo kinsa motabang ninyo sa pagbuhat sa sayop nga butang. Hangyoa kadtong anaa sa inyong palibut, lakip sa inyong kapikas, sa pagtabang ninyo nga magpadayon sa pagtipig og mga rekord.
-
Gamita ang paghatag og mga ganti ug mga silot sa maalamon ug talagsa nga paagi—Gantihi ang inyong kaugalingon sa pagtipig og inadlaw nga mga rekord.
-
Pagkuha sa mga himan—Maka-imagine ba mo nga magkalot og atabay nga walay himan? Siguroha nga kamo dunay mga himan sa pagbuhat unsay kinahanglang buhaton. Unsa nga himan ang inyong gamiton sa pagtipig og mga rekord? Makat-on kita bahin sa pipila ka mga himan unya niini nga miting.
-
-
Hisguti:Sa unsa nga paagi nga ang matag usa nato mogamit niini nga mga paagi sa pagpalambo sa importante nga gawi sa pagtipig og maayong mga rekord?
Unsaon nako paghimo og income and expense log?
-
Basaha:Ang income and expense log usa ka komon nga porma sa negosyo [business form]. Kinahanglang gamiton nato kini kada adlaw sa pagrekord sa kwarta nga mosulod ug sa kwarta nga mogawas gikan sa atong mga negosyo.
Hinumdumi si Daniel sa “I Don’t Know” nga video? Gisugdan niya ang pagsubay sa iyang kinitaan ug mga gasto pinaagi sa paggamit sa mosunod nga mga lakang.
-
Praktisa:Uban sa usa ka partner ipahaum ang mga numero niini nga table ngadto sa mga numero sa income and expense log sa mosunod nga pahina.
MGA LAKANG SA PAGHIMO OG INCOME AND EXPENSE LOG
1Si Daniel dunay 1500 sa iyang cash box sa negosyo. Iyang gibutang kana nga kantidad isip iyang sugod nga balanse sa sinugdanan sa semana.
Lunes
2Nakabaligya og 4 ka lingkuranan. Sa income column iyang gibutangan og 200.
3Midugang og 200 ngadto sa cash balance. Bag-ong balance =1700.
4Mibayad og 100 sa abangan. Sa expense column iyang gibutangan og -100.
5Mi-subtract og 100 gikan sa cash balance. Bag-ong balance =1600.
Martes
6Mibayad og 500 ngadto ni Maxwell. Sa expense column iyang gibutangan og -500.
7Mi-subtract og 500 gikan sa cash balance. Bag-ong balance =1100.
Miyerkules
8Nakabaligya og lamesa ug lingkuranan. Sa income column iyang gibutangan og 400.
9Midugang og 400 ngadto sa cash balance. Bag-ong balance =1500.
Huwebes
10Nakabaligya og bedroom furniture. Sa income column iyang gibutangan og 1000.
11Midugang og 1000 ngadto sa cash balance. Bag-ong balance =2500.
Biyernes
12Mipalit og mga materyales. Sa expense column iyang gibutangan og -1500.
13Mi-subtract og 1500 gikan sa cash balance. Bag-ong balance =1000.
Sabado
14Nakabaligya og lamesa. Sa income column iyang gibutangan og 400.
15Midugang og 400 sa cash balance. Bag-ong balance =1400.
16Nahuman ang semana ni Daniel nga dunay 1400 sa iyang business cash box.
-
Basaha:Gisulat ni Daniel ang iyang kinitaan ug mga gasto kada adlaw. Ang iyang income and expense log ingon ani ang hitsura sa katapusan sa semana.
ANG FURNITURE INCOME AND EXPENSE LOG NI DANIEL: AGOSTO 14–20
Petsa
Deskripsyon
Gasto
Kinitaan
Cash Balance
Ang sinugdanan nga balanse sa negosyo ni Daniel
1500 1
Lunes 14/5
Nakabaligya og 4 ka lingkuranan
200 2
1700 3
Lunes 15/5
Mibayad sa abangan
-100 4
1600 5
Martes 16/5
Mibayad og suweldo ngadto ni Maxwell
-500 6
1100 7
Miyerkules 17/5
Nakabaligya og lamesa ug lingkuranan
400 8
1500 9
Huwebes 18/5
Nakabaligya og bedroom furniture
1000 10
2500 11
Biyernes 19/5
Nakabayad alang sa materyales
-1500 12
1000 13
Sabado 20/5
Nakabaligya og lamesa
400 14
1400 15
Ang katapusang balanse sa negosyo ni Daniel
1400 16
-
Hisguti:Sa video, ang empleyado ni Daniel, nga si Maxwell, miingon nga siya wala pa mabayri. Sa unsa nga paagi nga kini nga lista [log] nakatabang ni Daniel sa pagsulbad sa isyu?
Unsa ang income statement?
-
Basaha:Laing importante nga porma nga gamit sa negosyo mao ang income statement. Hinumdumi unsa ka lisud ang pagkalkulo sa ginansya gikan sa hunahuna atol sa atong kalihokan? Ang income statement makatabang! Nag-summarize kini sa tanang mga transaksyon atol sa usa ka semana, bulan, quarter, o tuig. Ang summary nagsulti nato kon maayo ba ang dagan sa negosyo nianang panahuna.
Ang income statement nagpakita sa:
-
Kinitaan.
-
Mga Gasto.
-
Ginansya (o alkanse).
-
-
Praktisa:Uban sa usa ka partner ipahaum ang mga numero niini nga table ngadto sa mga numero sa income and expense log sa mosunod nga pahina.
MGA LAKANG SA PAGHIMO OG INCOME STATEMENT
Kinitaan
1Alang sa total nga halin sa mga lingkuranan gibutangan niya og 200.
2Alang sa total nga halin sa mga lamesa gibutangan niya og 400.
3Alang sa total nga halin sa dining room sets gibutangan niya og 400.
4Alang sa total nga halin sa bedroom sets gibutangan niya og 1000.
5Iyang gisumada ang iyang total nga halin. Ang iyang total nga kinitaan niana nga semana: 2000.
Mga Gasto
6Alang sa bayranan sa abangan gibutangan niya og -100.
7Alang sa bayranan sa mga materyal gibutangan niya og -1500.
8Alang sa suweldo sa empleyado gibutangan niya og -500.
9Iyang gisumada ang iyang total nga mga gasto. Total nga gasto alang sa semana:-2100.
Ginansya (o Alkanse)
10Iyang gikuhaan ang iyang kinitaan sa iyang mga gasto: 2000-2100=-100.
-
Hisguti:Unsay ikasulti niini nga income statement bahin sa negosyo ni Daniel?
Unsa nga panahon ang apil niini nga income statement?
Nakaginansya ba ang negosyo ni Daniel niining semanaha?
Makapadayon ba ang negosyo ni Daniel sama niini sa matag semana? Ngano o nganong dili man?
Ang Furniture BUSINESS Income Statement ni Daniel (Lunes–Sabado)
Kinitaan
Halin sa mga lingkuranan
200
1
Halin sa lamesa
400
2
Halin sa dining room set
400
3
Halin sa bedroom set
1000
4
Total nga Kinitaan
2000
5
Mga Gasto
Abangan
-100
6
Mga materyales
-1500
7
Suweldo sa empleyado
-500
8
Total nga mga Gasto
-2100
9
Ginansya (o Alkanse)
-100
10
Unsaon nako paghimo og inccome and expense log ug income statement?
-
Basaha:Aron makahibalo kon nakaginansya ba ang atong negosyo, kinahanglan kita og income statement. Sa paghimo og income statement, magkinahanglan kita sa income and expense log.
-
Praktisa:Nakita ninyo giunsa ni Daniel paghimo og income and expense log ug giunsa niya kana paggamit aron makahimo og income statement. Karon, pakigtambayayong sa usa ka partner sa paghimo og income statement alang ni Joseph. Kompletuha ang income and expense log ug ang income statement diha sa sunod nga pahina.
-
Paghimo og income and expense log alang sa negosyo ni Joseph nga construction.
-
Paghimo og income statement alang sa negosyo ni Joseph nga construction.
-
Kon nasulayan na ninyo kini, kon kamo nagkinahanglan og tabang sa paghimo og income and expense log o sa income statement, adto sa pahina 56 alang sa tubag.
Income & Expense Log gikan sa Lunes–Sabado
Petsa
Deskripsyon
Gasto
Kinitaan
Balanse
3000
Total nga Gasto ug Kinitaan
Ang Contruction BUSINESS Income Statement ni Joseph (Lunes–Sabado)
Kinitaan
Total nga Kinitaan
Mga Gasto
Total nga mga Gasto
Ginansya (o Alkanse)
-
-
Hisguti:Unsay inyong nakat-unan sa negosyo ni Joseph sa pagkakita ninyo sa iyang income statement?
Ang mga tag-iya og gagmayng negosyo bisan asa nagsalig sa gahum niini nga mga porma. Aduna ba kaninyo ang naghimo og mga income and expense log o income statement? Kon aduna, sa unsa nga paagi kini nakatabang?
-
Praktisa:Kon wala pa kamo makatipig og mga rekord, kopyaha ang income and expense log ug ang income statement gikan sa ibabaw ngadto sa inyong notebook sa negosyo.
-
Basaha:I-record ang inyong kinitaan ug gasto kada adlaw, ug sa katapusan sa semana, paghimo og income statement. Padayuna ang pagbuhat niini kada adlaw ug semana samtang maglambo ang inyong negosyo. Magkinahanglan kamo niining mga rekord sa negosyo alang sa mga miting sa grupo sa ikapito ug ikawalo nga mga semana.
-
Tan-awa:Pagkat-on kon sa unsa nga paagi nga ang pagtipig og mga rekord nakatabang sa negosyo ni Vangelis nga molambo. Tan-awa ang istorya sa kalampusan nga “Vangelis: Street Magician.” (Walay video? Padayon sa pagbasa.)