Magkat-on

Nganong gustohon man sa mga kustomer nga mopalit gikan nako?

Oras:I-set ang timer sa 60 minutos alang sa seksyon nga Magkat-on

Basaha:Aron mapalambo ang atong negosyo, kinahanglang makadani kita og mas daghang kustomer ug makabaligya og daghan! Ang mga tawo mogasto sa ilang kwarta sa butang nga bililhon alang nila. Kon mas bililhon ang usa ka butang alang nila, mas mobayad sila og mahal niini.

Aron magmalampuson sa pagbaligya, kinahanglang nasayud kita unsay bililhon alang sa atong mga kustomer, danihon kadto nga mga kustomer, ug baligyaan sila sa butang nga bililhon kanila! Ug kinahanglang mas bililhon ang atong itanyag kanila kay sa atong kakompetinsya.

Tan-awa:“Sell, Sell, Sell” (Mga bahin I ug II) (Walay video? Basaha ang pahina 160.)

Hisguti:Giunsa pagkasayud ni Kwame sa mga butang nga bililhon sa mga kustomer?

Basaha:PANGUTANA SA SEMANA—Unsaon nako pagdani ang mga kustomer ug pagsiguro nga mahalinan?

BUHATUNON SA SEMANA—Akong i-test ang akong mga ideya sa marketing ug subayon ang mga resulta. Magkat-on ko gikan sa mga kustomer ug i-test ang mga solusyon sa mga problema sa kustomer.

Praktisa:Hisguti ang mosunod uban sa usa ka sakop sa grupo:

1. Ihulagway ang inyong kustomer sa usag usa. Kinahanglan detalyado. Pila ang ilang edad? Gender? Kinitaan? Kanus-a sila mopalit sa imong produkto? Asa?

2. Nganong mopalit man sila sa imong produkto? Unsay bili nga gihatag niini kanila? Paglista og daghan kutob sa mahimo, sama sa:

   • Bugnaw ang akong tubig

   • Purified ang akong tubig

   • Gipasayon nako ang pagpalit sa akong tubig

   • Mahigalaon ko ug motawag sa mga kustomer sa ilang ngalan

3. Unsay bili nga inyong mahatag nga dili ikahatag sa inyong mga kompetinsya? Mas maayo ba ang imong presyo, pwesto, o kapilian? Kini gitawag nga imong bintaha sa kompetinsya. Kini ang makahimo sa imong mga kustomer nga mopili sa imong negosyo kay sa kompetinsya.

Ang malampusong mga tag-iya og negosyo nasayud nganong ang mga kustomer mopalit sa ilang produkto.

Basaha:Ang malampusong mga tag-iya og negosyo makasabut sa ilang mga kustomer pinaagi sa pagpangutana og maayong mga pangutana aron mas masayud sa ilang mga problema ug unsaon nila pagtabang.

Praktisa:Pagkuha og partner. Basaha og dungan kini nga sitwasyon.

Si Martin moayo og mga biseklita. Mamaligya usab siya og mga part ug mga suplay ngadto sa mga tawo nga moayo sa ilang kaugalingong mga biseklita. Si Felix miadto sa iyang shop. Nahugawan ang iyang mga kamot og acete. Mora siya og nagproblema.

Gamita ang table sa ubos aron isulat ang imong mga ideya unsaon ni Martin pagpangutana og maayong mga pangutana si Felix (example gihatag).

PAGPANGUTANA OG MAAYONG MGA PANGUTANA
1. Unsay akong gustong mahibaloan mahitungod sa kustomer?	2. Unsay mahimo nakong ipangutana aron masayud?
Unsa nga problema ang iyang gianhi aron masulbad?	Mora og duna kay gihimo nga proyekto ug nagkaproblema. Unsay akong matabang nimo?

Ipakigbahin sa tibuok grupo ang mga pangutana nga sa imong hunahuna angay nga ipangutana ni Martin kang Felix.

Praktisa:Karon hunahunaa ang imong kaugalingong mga kustomer. Sa unang kolum, isulat ang mga butang nga kinahanglan nimo nga masayran kabahin sa imong mga kustomer (example gihatag). Sa ikaduha nga kolum, isulat ang mga pangutana nga mahimo nimong ipangutana aron masayud.

PAGPANGUTANA OG MAAYONG MGA PANGUTANA
1. Unsay akong gustong mahibaloan mahitungod sa kustomer?	2. Unsay akong ipangutana aron masayud?
Kanus-a man maandam ang akong kustomer aron mopalit?	Alang ba ni sa espesyal nga okasyon? Kanus-a man kana?.

Uban sa laing sakop sa grupo, ipakigbahin ang pipila sa mga butang nga kinahanglan nimo nga masayran kabahin sa imong mga kustomer. Ipakigbahin ang mga pangutana nga mahimo nimong ipangutana aron masayud.

Hisguti:Isip grupo, hisguti ang mga paagi aron mas makat-on pa kabahin sa inyong mga kustomer ug unsay inyong mabuhat karong semanaha aron mosugod sa pagkat-on.

Unsaon nako pagdani og dugang mga kustomer?

Hisguti:Hunahunaa ang mga higayon nga aduna kay gipalit sa mga negosyo nga wala pa ka kaadto sukad. Unsay nakadani kanimo ngadto niadto nga mga negosyo? Giunsa man sa mga negosyo pagdani og mga kustomer sa inyong dapit?

Praktisa:Sa blangko nga mga linya sa table sa ubos, isulat ang mga produkto ug mga serbisyo nga imong gibayran. Dayon isulat diha unsay nakadani nimo ngadto niana nga mga negosyo (tan-awa ang mga example).

UNSAY NAKADANI KANAKO? NGANONG MIPALIT MAN KO?
Produkto o Serbisyo nga Akong Gipalit	Personal nga Pagbaligya	Referral	Ad	Sale	Uban pa
Kendi	Ang tag-iya og negosyo misulti nako niini	Ang akong silingan miingon nga angay nako ning sulayan		20% nga diskwento sa presyo	Libreng sampol
Sinina	Ang salesperson misulti nako kabahin sa sale		Nakakita ko og poster sa bongbong	Mopalit og 1 makakuha og 1 sa katunga sa presyo
Mga utanon		Ang akong higala miingon nga ako ning sulayan	Nakakita ko niini sa newspaper		Libreng sampol

Hisguti:Ipakigbahin sa laing sakop sa grupo ang unsay imong nasulat. Unsa nga mga pamaagi ang mahimong gamiton sa imong negosyo?

Basaha:Ang mga negosyo nga ato karong gihisgutan wala makadani og mga kustomer nga aksidente lang. Nakahunahuna sila og mga ideya unsaon sa pagbaligya ang ilang produkto o serbisyo.

Hisguti:Diin nila kuhaa kadto nga mga ideya?

Tan-awa:“Marketing?” (Walay video? Basaha ang pahina 161.)

Basaha:Ang marketing naglakip sa:

• Mga ideya unsaon sa pagpangita ug pag-impluwensya og mga kustomer.

• Unsay atong gilauman nga buhaton sa mga kustomer.

  Mga Ideya sa Marketing

  Ideya

  Kon mohatag ko og mga sampol …

  Gilauman nga Resulta

  Ang mga tawo mopalit og mas daghang mga kendi.

Praktisa:Pakigtrabaho sa tawo nga imong tupad.

1. Tabangi ang usag usa sa paghunahuna og mga ideya sa pagtabang og mas daghang mga kustomer nga makit-an ang inyong negosyo ug mopalit sa inyong gibaligya. Hisguti ang labing epektibong mga pamaagi sa inyong dapit.

2. Pagsulat og dili mominos usa ka bag-ong ideya sa ubos. Dayon tabangi ang usag usa nga masulat ang mga resulta nga inyong gusto (example gihatag).

   MGA IDEYA SA MARKETING
   Ideya	Gilauman nga Resulta
   Kon mogamit ko og loudspeaker sa pagsulti sa mga tawo nga ang akong mga bangko adunay 40% nga diskwento …	Ang mga kustomer moanhi sa akong shop ug mopalit og mga lingkuranan.

Unsaon nako pag-test sa akong plano sa marketing?

Basaha:Unsaon nato sa pagkasayud nga epektibo ang atong mga ideya? Nagkinahanglan kita og paagi nga ma-test kini. Nagkinahanglan kita og paagi nga masukod ang mga resulta.

Praktisa:Pakigtrabaho sa tawo nga imong tupad. Hisguti ug isulat ang pipila ka mga ideya ug resulta sa marketing nga imong gusto sa imong negosyo. Ilakip ang bisan unsang ideya nga daw adunay epekto karon. Sa matag ideya, isulat kon unsaon nimo pagsukod ang mga resulta. Ang imong mga ideya mausab ug momaayo paglabay sa panahon samtang imo kining sulayan ug sukdon.

PAGSULAY SA AKONG MGA IDEYA SA MARKETING
Ideya	Gilauman nga Resulta	Pagsukod
Kon mogamit ko og loudspeaker sa pagsulti sa mga tawo nga ang akong mga bangko adunay 40% nga diskwento …	Ang mga kustomer moanhi sa akong shop ug mopalit og mga lingkuranan.	Kon mosulod ang mga kustomer, ako silang pangutan-on giunsa nila pagkadungog kabahin sa 40% nga diskwento. Magbuhat ko og rekord sa mga tubag sa kustomer.

Basaha:Atong sulayan ang atong mga ideya karong semanaha! Dili kinahanglan nga atong sulayan ang tanan natong mga ideya sa usa ka higayon. Ug posible nga ang ubang mga ideya dili epektibo—ok ra na. Mopadayon lang kita sa pagsulay sa mga ideya ug pagsukod sa mga resulta. Sa katapusan, makaplagan nato ang labing maayong mga paagi sa pagtabang sa mga tawo nga makadiskobre kanato ug mopalit sa unsay atong gibaligya.

Unsaon nako nga mopalit ang mga kustomer?

Basaha:Nganong ang ubang mga kustomer mopalit ug ang uban dili? Adunay daghang rason. Apan makaimpluwensya kita niana nga desisyon!

Tan-awa:“Please Buy Something!” (Walay video? Basaha ang pahina 162.)

Hisguti:Nganong wala man makakombinser si Maria sa mga kustomer nga mopalit og mga itlog? Naghunahuna ba si Maria sa iyang kaugalingon o sa iyang mga kustomer?

Basaha:Aron makombinser ang mga kustomer nga mopalit, kinahanglan kita nga mangutana, maminaw, ug mosugyot.

1. MANGUTANA

Unsa man gyud ang gusto sa kustomer? Ngano?

2. MAMINAW

Maminaw ba gyud ko?

3. MOSUGYOT

Duna ba koy mga kapilian nga makabenepisyo nako ug sa kustomer?

Ang malampusong mga tag-iya og negosyo mogamit niini nga proseso aron makombinser ang mas daghang mga kustomer nga mopalit sa ilang mga produkto ug serbisyo.

Ang malampusong mga tag-iya og negosyo mangutana, maminaw, ug mosugyot.

Tan-awa:“Ask, Listen, Suggest” (Walay video? Basaha ang pahina 163.)

Hisguti:Kaniadto, si Maria nangutana ni Samuel ug Lucia og usa lang ka pangutana: “Unsay akong matabang ninyo?” Unsay gibuhat ni Maria nga lahi niining higayuna aron makakuha og mas maayong resulta? Giunsa pagpakita ni Maria kang Silvia nga naminaw gyud siya?

Hisguti:Hunahunaa ang mga higayon nga adunay mikombinser kanimo sa pagpalit, bisan gani nga wala kay plano nga mopalit. Unsay gisulti nianang tawhana nga nakahukom ka nga mopalit?

Basaha:Ang chart sa ubos nagpakita sa lima ka matang sa mga paagi, uban sa mga example, nga mahimo natong gamiton sa pagkombinser sa atong mga kustomer nga mopalit sa atong mga produkto. Gitawag kini og “pagsiguro nga mahalinan [closing the sale].”

Praktisa:Pakig-uban og laing duha ka tawo sa grupo. Praktisa ang paggamit sa matag matang sa pagsiguro nga mahalinan ngadto sa usag usa. Sulayi pagbaligya ang imong produkto ngadto nila. Gamita ang table sa ubos sa pagsulat sa labing maayo nga pagsiguro nga mahalinan nga imong magamit sa imong mga kustomer. Pagsulat og bisan usa lang ka sugyot alang sa kada matang.

PAGSIGURO NGA MAHALINAN
1. Duha ka maayong kapilian	2. “Kon”	3. Importante nga higayon	4. Sampol	5. Uban pa
Gusto ba ka og saging o mangga?	Kon makuha ko kana nga presyo, gusto ka nga akoa na nga orderon?	Maandam ko na ni sa dili pa ang birthday sa imong asawa.	Sulayi kini. Mas ganahan siguro ka ani nga flavor.	Unsa kaha kon kuhaon nimo na ang duha ka parisan sa sapatos ug hatagan ko ikaw og diskwento?

Karon, mobarug ang tanan. Pagbalhin-balhin og pwesto aron sulayan ang inyong lain-laing mga paagi. Buhata kini sulod sa duha ka minuto.

Ang malampusong mga tag-iya og negosyo nagsiguro nga mahalinan.

Hisguti:Uban sa tibuok grupo, hisguti ang unsay inyong hunahuna nga maoy labing nindot nga paagi sa pagdani sa inyong mga kustomer nga mopalit gikan sa inyong negosyo. Nganong kini man ang labing maayong paagi alang sa imong mga kustomer?

Unsaon nako sa pagpasayon niini aron magsige og palit?

Basaha:Ang malampusong mga tag-iya og negosyo mohimong sayon ug makalingaw alang sa mga kustomer ang pagpalit gikan kanila.

Ang malampusong mga tag-iya og negosyo mopasayon sa pagpalit.

Praktisa:Pagkuha og partner ug ribyuha ninyo ang mosunod nga example.

Basaha ang kasinatian ni Paula sa Tindahan 1 ug dayon sa Tindahan 2. Dayon basaha ang iyang mga tubag sa iyang higala. Hisguti uban sa imong partner nganong girekomendar ni Paula ang Tindahan 1.

ANG MGA KASINATIAN NI PAULA SA PAGPAMALIT
	Tindahan 1	Tindahan 2
Ang kasinatian ni Paula	Nakaanhi na si Paula niini nga tindahan sa sobra 15 ka higayon. Ganahan siya sa mga presyo, sa mga kapilian, ug sa tag-iya.	Kausa ra nakaanhi si Paula niini nga tindahan. Lisuran siya sa pagpangita sa unsay iyang gusto. Wala siyay nakuha nga tabang sa dihang duna siyay mga pangutana.
Ang tubag ni Paula ngadto sa iyang higala	“Adto ta sa Tindahan 1. Permi ko nga moadto didto. Sayon ra kaayo pangitaon ang akong gusto. Ganahan ko niana nga dapit.”	“Dili ko ganahan sa Tindahan 2. Lisud kaayo pangitaon ang unsay akong gusto. Ug dili motabang ang mga tawo didto sa dihang duna koy mga pangutana.”

Basaha:Ang mga kustomer magbalik-balik sa mga negosyo kon ang tag-iya ug mga trabahante:

• Nakaila sa mga ngalan sa ilang mga kustomer

• Mopahiyum sa ilang mga kustomer

• Maminaw ug moresponde sa mga panginahanglan sa mga kustomer

Hisguti:Unsay kinahanglan ninyong buhaton sa inyong mga negosyo aron mas magbalik-balik ang inyong mga kustomer? Unsay inyong ikadugang sa lista sa ibabaw?