Mga Kapanguhaan
Mas Dako nga Trak?
Pagpuli-puli og basa sa mosunod nga mga paragraph.
Duha ka tawo naghimo og partnership. Naghimo sila og gamay nga tindahan daplin sa busy nga dalan. Nagkuha sila og trak ug gidala kini ngadto sa umahan sa mag-uuma, diin namalit sila og usa ka trak nga melon nga usa ka dolyar kada melon.
Ilang gidala ang puno nga trak ngadto sa ilang tindahan daplin sa dalan, diin ilang gibaligya ang mga melon og usa ka dolyar kada melon.
Mibalik sila ngadto sa umahan ug mipalit og laing usa ka trak nga melon nga usa ka dolyar kada melon.
Gidala kini sa daplin sa dalan, gibaligya nila pag-usab kini nga usa ka dolyar kada melon.
Sa ilang pagbalik ngadto sa umahan aron mopalit pag-usab, ang usa ka kauban miingon ngadto sa lain, “Wala man kaayo ta makaginansya niining negosyo, di ba?”
“Wala, wa ta makaginansya,” tubag sa iyang kauban.
“Sa imong hunahuna nagkinahanglan ba kita og mas dako nga trak?” (Dallin H. Oaks, “Focus and Priorities,” Ensign, Mayo 2001, 82)
Balik sa pahina 34
Ayaw Isira ang Imong Negosyo
Pagpili og mga tahas ug i-drama ang mosunod.
JOSEPHINE: Unsay nahitabo, Grace? Morag wala ka malipay.
GRACE: Wala ko kahibalo unsay buhaton. Ang akong negosyo bag-o lang nakaginansya ug dayon nahitabo kini.
PRISCILLA: Unsay nahitabo?
GRACE: Ang tawo nga akong palitan og tubig mipataas sa iyang presyo kagahapon, ug karon kinahanglang sirhan nako ang akong negosyo.
PRISCILLA: Pasayloa ko, Grace. Ngano man?
GRACE: Well, makabaligya ra ko og tubig nga 10 ang botelya. Ang mga kustomer dili modugang og bayad. Ug mapalit nako kaniadto ang mga botelya og 7.
GRACE: Apan karon ang akong tig-suplay mipataas sa presyo ngadto sa 10. Ug wala nay ginansya! Unsa man ang akong buhaton?
PRISCILLA: Nakigsulti ka na ba sa imong tig-suplay? Ikaw ang usa sa labing importante niya nga mga kustomer.
GRACE: Wala pa. Tingali dili na ko makigsulti. Ang iyang presyo mao na ang presyo.
PRISCILLA: Dili. Kinahanglan kang makigsulti kaniya. Kinahanglan niyang makita nga mawad-an siya og importante nga kustomer. Mausab niya ang iyang presyo para magpadayon ka. Kinahanglan kang makigsulti sa mga tig-suplay aron makakuha ka og labing ubos nga presyo kutob sa mahimo.
GRACE: Well, okey. Sulayan nako.
JOSEPHINE: Ug kinahanglan usab nga duna kay laing mga opsyon. Duna koy nailhan nga mobaligya nimo og tubig nga 5. Pasayloa ko nga wala ko makasulti nimo og mas sayo. Wala ko kahibalo nga nagbayad ka og 7—ug karon 10! Ipaila-ila ko ikaw nianang tawhana.
GRACE: Mao ba? Oh, Josephine. Salamat. Oo, palihug ipaila-ila kami. Ug, Priscilla, salamat. Maningkamot pa ko aron makakuha og labing ubos nga presyo sa tubig nga akong paliton.
Balik sa pahina 36