Magkat-on

lightbulb-green

Unsay gustong paliton sa mga tawo?

Oras:I-set ang timer sa 60 minutos alang sa seksyon nga Magkat-on.

Basaha:Unsaon nato sa pagpili og mga negosyo nga mahimong magmalampuson? Kon kita duna nay negosyo, unsaon nato pagkahibalo nga mao kini ang husto?

business success map

Kini nga leksyon mag-focus sa seksyon nga Mga Kustomer sa Business Success Map.

Tan-awa:“Business on a Stick” (Walay video? Basaha ang pahina 26.)

Hisguti:Unsa ang imong nakat-unan gikan niini nga video?

Basaha:PANGUTANA SA SEMANA—Unsay gustong paliton sa mga tawo?

MGA BUHATUNON SA SEMANA—Makig-istorya ko sa mga tag-iya og negosyo ug sa mga kostumer ug mopili og produkto o serbisyo nga mosulbad sa mga problema sa mga kustomer.

Sa panahon niini nga miting, magkat-on ug magpraktis ka sa mga kahanas nga makatabang nimo sa pagtubag niini nga pangutana ug mopahigayon niini nga mga buhatunon. Kini nga video makatabang nimo sa pagsugod pinaagi sa pagpangutana sa husto nga mga pangutana.

Tan-awa:“Selecting the Right Business” (Walay video? Basaha ang pahina 28.)

Basaha:Basahon nato kini nga diagram ug praktison ang sunod nga pahina.

right business diagram

PAGPILI SA HUSTO NGA NEGOSYO

¹ Unsay gustong paliton sa mga tawo?

MGA KUSTOMER, MGA PRODUKTO

² Nga akong masangkap?

MGA KAHANAS, MGA INTERES, KASINATIAN

³ Nga motugot og “sayon nga pagsulod”?

KOMPETISYON, MGA TIG-SUPLAY, KAPITAL

⁴ Nga mopadako sa akong kinitaan?

IGO NGA KITA/GINANSYA

MAAYO NGA NEGOSYO ALANG KANAKO!

Unsaon nako sa pagpili sa husto nga negosyo?

Praktisa:Unsa nga matang sa negosyo ang inyong nahunahunaan: pagkaon, hospitality, health care, maintenance, konstruksyon, manufacturing, mga serbisyo, o uban pa?

Gamita ang upat ka mga pangutana diha sa diagram sa miaging pahina sa pagtabang kaninyo nga mapagamyan ang inyong mga opsyon. Tan-awa ang mga example nga naa sa tuo. Pagsulat og usa o duha ka matang sa mga negosyo nga nakapainteresado kaninyo:

Ang malampusong mga tag-iya og negosyo naghunahuna og dako pero nagsugod og gamay.

Example:

Pagkaon, Pamaligya

Uban sa tawo nga naa sa imong tupad, ipangutana ang mosunod nga mga pangutana sa pihong paagi. Isulat ang imong mga tubag.

1. Sa imong kaugalingong negosyo, o sa kategoriya sa negosyo nga nakapainteresado nimo, unsa nga pihong mga panginahanglan sa kustomer nga imong nakita? Unsay gustong paliton sa mga kustomer?

   Dessert o snack

   Barato nga pagkaon sa hapon, gabii

2. Unsa nga mga panginahanglan ang matubag sa imong negosyo? Unsa nga butang nga maayo ka, o unsa ang makapainteresado nimong buhaton?”

   Ganahan ko nga moandam og pagkaon

   Maayo ko sa pagbaligya

3. Unsa nga pihong negosyo nga sayon nimong masugdan, o unsaon nimo sa pagpalambo o pag-usab sa imong kasamtangang negosyo nga mas makaginansya? Hunahunaa ang kompetisyon, mga tig-suplay, ug ang kwarta nga gikinahanglan.

   Yano nga produkto

   Gamay nga galastuhan sa pagsugod

   Minos og kompetisyon

4. Sa unsang paagiha nga ang imong negosyo makapadako sa imong kinitaan ug mahimong mas self-reliant? Asa man ka makaginansya?

   Daghan kaayo nga mga kustomer

Karon, ilista ang pipila ka pihong mga negosyo nga gusto nimong mahibaloan:

Mabalhin-balhin nga pagkaon?

Ice cream? Prutas?

Butang nga makalingaw?

Unsaon man nako sa pagkat-on gikan sa mga tag-iya sa negosyo?

Basaha:Karon nga kita duna nay pipila ka mga ideya bahin sa atong kaugalingong mga negosyo, maghimo kita og market research aron sa pagtesting sa atong mga ideya ug makakat-on pa og dugang. Magbantay kita sa mga tawo, makig-istorya sa mga kustomer, makig-istorya sa mga kakompetensya, ug mosulay sa mga produkto. Ug makakita kita sa tinuod nga mga panginahanglan ug mga tubag.

Tan-awa:“Talking to Business Owners” (Walay video? Padayon sa pagbasa.)

Praktisa:Uban sa tawo nga naa sa imong tupad, praktisa ang mga pangutana nga imong ipangutana sa mga tag-iya og negosyo niining semanaha. Ipasabut sa usag usa ang inyong kaugalingong negosyo o matang sa negosyo nga gusto ninyong sugdan. Pagpuli-puli sa pagpaila sa inyong kaugalingon ug sa pagpangutana sa mga pangutana sa ubos. Hatagi og feedback ang usag usa ug sulayi pag-usab.

PASIUNA: Hello, ako si ____ (pangalan). Ug ikaw? Apil ko sa usa ka klase bahin sa negosyo ug naningkamot mi nga makat-on unsaon nga magmalampuson ang mga negosyo. Pwede ba kong makapangutana?

MGA PANGINAHANGLAN SA KUSTOMER, PRODUKTO

• Unsa man ang kasagarang paliton sa imong mga kustomer?

• Ngano sa imong pagtuo nga ang mga kustomer mopalit man sa unsay imong gibaligya?

• Kinsa ang imong mga kakompetensya? Unsa may nakapahimo sa imong negosyo nga mas maayo kay sa ilaha?

MGA TIG-SUPLAY, GINANSYA

• Asa man nimo kuhaa ang imong produkto? Duna bay laing mga tig-suplay?

• Sa imong hunahuna makakita ka ba og mas ubos nga presyo kon mopalit ka og daghan sa usa ka higayon?

• Unsa man ang imong presyo? Giunsa nimo pagdesisyon niini nga presyo? Makaginansya ka ba?

• Unsay mahitabo kon imong patas-an o paminusan ang imong presyo?

PAGBALIGYA

• Mga pila kaha ang mabaligya nimo kada adlaw?

• Unsaon man nimo pagpangita og bag-ong mga kustomer?

• Unsa kaimportante ang imong lokasyon?

• Unsa ang pipila ka mga yawe sa imong kalampusan? Kinadak-ang mga problema?

Hisguti:Sa higayon nga ang tanan makapraktis na og bisan kausa, hisguti uban sa grupo: Kon mogawas mo ug makig-istorya sa mga tag-iya og negosyo, unsa man ang inyong ipangutana? Isulat ang imong nakat-unan dinhi:

notebook icon

Basaha:

Kada adlaw niining semanaha, samtang makig-istorya ka sa mga tag-iya sa negosyo, isulat kon unsay imong nakat-unan diha sa imong notebook sa negosyo.

Tan-awa:Tan-awa kon giunsa nila ni Joseph ug John pagsugod og bag-ong negosyo. Tan-awa ang “Joseph and John: Medical Products.” (Walay video? Balhin ngadto sa sunod nga pahina.)

Unsaon nako sa pagkat-on gikan sa mga kustomer?

Basaha:Ang malampusong mga tag-iya og negosyo nagkat-on gikan sa ilang mga kustomer kada adlaw. Makakat-on kita og daghan pinaagi sa pag-obserbar sa atong mga kustomer ug pinaagi sa pagpakig-istorya kanila. Makahimo o makaguba sila sa atong negosyo. Maminaw ug magkat-on kita!

Ang malampusong mga tag-iya og negosyo nagkat-on gikan sa ilang mga kustomer kada adlaw.

Tan-awa:“Talking to Customers” (Walay video? Padayon sa pagbasa.)

Praktisa:Uban sa laing sakop sa grupo, praktisa ang mga pangutana nga imong ipangutana sa mga kustomer niining semanaha. Hunahunaa nga ang laing tawo mao ang imong kustomer. Hisguti ang pipila ka mga pangutana sa ubos ingon nga kini dunay kalabutan sa imong negosyo o ideya sa negosyo. Pagsulat! Dayon pagpuli-puli og mga tahas [role]. Hatagi ang matag usa og makatabang nga feedback ug praktisa ang bisan unsa nga mga kahuyang.

PASIUNA: Hello, ako si ____ (pangalan). Ug ikaw? Apil ko sa usa ka klase bahin sa negosyo ug nagkat-on mi bahin sa mga kustomer. Pwede ba kong makapangutana?

MGA PANGINAHANGLAN SA KUSTOMER, PRODUKTO

• Unsay imong gipalit gikan niini nga negosyo?

• Kon ikaw makahimo, unsay imong usbon bahin niini nga produkto? Bahin sa negosyo?

• Nakapalit ka ba niini nga produkto sa laing mga dapit? Mas maayo ba kadto o mas bati? Ngano man?

PAGBALIGYA, GINANSYA

• Unsay imong nagustuhan sa pagpalit niini nga produkto dinhi?

• Unsa may makapaaghat nimo sa pagpalit og dugang?

• Ang presyo sakto ra ba? Mopalit ka ba og dugang sa mas ubos nga presyo?

• Mopalit ba gihapon ka og ingon ka daghan kon ilang patas-an ang presyo?

• Importante ba ang lokasyon?

MGA OBSERBASYON (Ayaw ipangutana ang mosunod nga mga pangutana; bantayi ang mga kustomer aron mahibalo sa mga tubag.)

• Kasagaran ba nila mga babaye o mga lalaki o sagul?

• Mas batan-on ba sila o mas tigulang?

• Kon tan-awon sila duna bay daghang kwarta o gamay ra?

• Unsang orasa sa adlaw sila mopalit?

• Pila man ang ilang paliton?

notebook icon

Basaha:

Kada adlaw niining semanaha, samtang makig-istorya ka sa mga kustomer, isulat kon unsay imong nakat-unan diha sa imong notebook sa negosyo.

Hisguti:Unsa ang imong ipangutana sa mga kustomer karong semanaha? Isulat ang imong mga hunahuna dinhi o sa imong notebook sa negosyo.

Unsaon nako paggamit ang market research?

Basaha:Sa higayon nga himoon nato ang market research, kinahanglan natong i-evaluate kon unsay atong nakat-unan. Atong praktison ang proseso sa evaluation.

Praktisa:Pagpili og laing sakop sa grupo nga imong ikatrabaho. Tan-awa og kadali ang mga ginansya, kompetisyon, ug mga tig-suplay sa mosunod nga duha ka mga negosyo.

PRUTASAN [FRUIT STAND]		EVALUATION
Mga piraso nga nabaligya (average kada adlaw)	200	Mga unit / Bulan	5000
Presyo sa pagbaligya	5 kada piraso (average)	Halin / Bulan	25000
Galastuhan sa pagpalit	4 kada piraso (average)	Mga Galastuhan / Bulan	(20200)
Kompetisyon	6 ka prutasan	GINANSYA	4800
Mga Tig-suplay	2 ka mga tig-suplay, lagyo

SININA SA MGA BATA		EVALUATION
Mga item nga nabaligya (average kada adlaw)	20	Mga unit / Bulan	500
Presyo sa pagbaligya	100 kada item (average)	Halin / Bulan	50000
Galastuhan sa pagpalit	80 kada item (average)	Mga Galastuhan / Bulan	(40000)
Kompetisyon	Wala sa duol	GINANSYA	10000
Mga Tig-suplay	3 ka mga tig-suplay, dug-ol

Hisguti:Hain nga negosyo ang imong pilion? Ngano man?

Gikan sa atong nahisgutan karon, unsa pa nga laing mga pangutana ang inyong ipangutana bahin niining mga negosyo o sa ilang mga kustomer?

Basaha:Sa pagpadayon nato karong semanaha, mangandam kita nga modesisyon bahin sa atong negosyo! Atol sa semana, atong ribyuhon ang tanan natong nakat-unan ug mobalik sa sunod nga miting nga duna nay ideya sa negosyo (bag-ong negosyo o gipalambo nga negosyo). Kon kita duna nay negosyo, desisyunan nato kon kini ba ang pinakamaayong opsyon alang nato.