Mo-report

Gituman ba nako ang akong mga commitment?

Oras:I-set ang timer sa 20 minutos alang sa seksyon nga Mo-report.

Basaha:Atong i-report ang atong mga commitment. Kadtong nakatuman sa ilang tanang mga commitment, palihug barug. (Pakpaki kadtong nakatuman sa ilang tanang mga commitment.)

Karon, ang tanan mamarug. Atong sublion og dungan ang atong mga theme statement:

“Ug mao kini ang akong katuyoan sa paghatag sa akong mga santos, kay ang tanan nga mga butang akò.”

Doktrina ug mga Pakigsaad 104:15

Uban sa hugot nga pagtuo diha sa Ginoo, magtinabangay kita aron mahimong self-reliant.

Basaha:Manglingkod kita.

Hisguti:Unsa ang imong nakat-unan samtang nag-obserbar ug nag-interbyu ka sa mga tag-iya og negosyo ug sa mga kustomer? Sa unsang paagiha kini makatabang sa imong negosyo?

Sa imong notebook sa negosyo, isulat unsay imong nakat-unan pinaagi sa pagtuman sa imong mga commitment.

Kon wala pa ka kapili og negosyo, unsa nga mga ideya sa negosyo nga naa ka? Kon mao pay pagkapili nimo og negosyo, unsa may imong gipili?

Kon ikaw duna nay negosyo, unsa nga mga kalamboan ang imong gipili?

Unsa ang imong nakat-unan pinaagi sa paghimo sa imong sinemana nga tumong sa negosyo?