Summary sa Kasaysayan

Ang mosunod nga kronolohiya naghatag og usa ka mubo nga pagkahan-ay sa kasaysayan sa mga pagtulun-an ni Presidente Lorenzo Snow nga gipakita niini nga basahon.

Abril 3, 1814	Natawo sa Mantua, Ohio, ngadto nila ni Rosetta Leonora Pettibone Snow ug Oliver Snow.
1832	Nakadungog ni Propeta Joseph Smith nga nagsangyaw sa Hiram, Ohio.
1835	Mibiya sa panimalay sa pag-eskwela didto sa Oberlin College sa Oberlin, Ohio. Nakahimamat ni Elder David W. Patten sa Korum sa Napulog Duha ka mga Apostoles diha sa dalan.
1836	Mibiya sa Oberlin College ug mibalhin ngadto sa Kirtland, Ohio, sa pagtuon og Hebreohanon. Midawat sa gipahiuli nga ebanghelyo ug gibunyagan ug gikumpirmahan sa pagka-Hunyo. Sa wala madugay gi-orden nga elder. Nakadawat og patriyarkal nga panalangin gikan ni Joseph Smith Sr. kaniadtong Disyembre.
1837	Nagsangyaw sa ebanghelyo didto sa Ohio.
Oktubre 1838 hangtud Mayo 1840	Nagserbisyo og lain nga misyon, nagsangyaw sa ebanghelyo didto sa Ohio, Missouri, Kentucky, ug Illinois ug nagtrabaho isip usa ka magtutudlo sa panahon sa tingtugnaw sa 1839–40.
Mayo 1840	Mibiya sa Nauvoo, Illinois, sa pagserbisyo og misyon sa England. Ubos sa direksyon sa Korum sa Napulog Duha ka mga Apostoles, nagdumala sa Simbahan sa London, England, ug sa naglibut nga mga dapit. Nagmantala og pamphlet nga giulohan og The Only Way to Be Saved.
Abril 12, 1843	Miabut sa Nauvoo, Illinois, uban sa 250 ka mga Santos sa Ulahing mga Adlaw nga mga kinabig gikan sa England.
Ulahi sa 1843 ug sayo sa 1844	Nagtudlo sa eskwelahan sa Lima, Illinois.
1844	Nagdumala og usa ka pangampanya didto sa Ohio sa pagpili ni Joseph Smith isip presidente sa Estados Unidos. Mibalik ngadto sa Nauvoo human nakahibalo sa pagkamartir ni Joseph ug Hyrum Smith, nga nahitabo sa Hunyo 27.
Enero 1845	Gitudlo ni Presidente Brigham Young sa pagbiyahe ngadto sa Ohio ug sa pagkolekta sa mga donasyon alang sa pagtukod sa Templo sa Nauvoo.
1845	Misulod ngadto sa dinaghan nga kaminyoon, nga kaniadto gihimo sa Simbahan, pinaagi sa pagpangasawa ni Charlotte Squires ug Mary Adaline Goddard.
Pebrero 1846	Mibiya sa Nauvoo uban sa mga sakop sa pamilya ug ubang mga Santos sa Ulahing mga Adlaw human makadawat og mga endowment ug mga sealing diha sa Templo sa Nauvoo.
1846 hangtud 1848	Nagpuyo uban sa iyang pamilya diha sa pamuy-anan nga gitawag og Mount Pisgah diha sa estado sa Iowa. Nagdumala sa pamuy-anan sa makadiyot nga panahon. Sa tingpamulak sa 1848, nangulo og grupo sa mga Santos ngadto sa Siyudad sa Salt Lake.
Pebrero 12, 1849	Gi-orden nga usa ka Apostol didto sa Siyudad sa Salt Lake.
1849	Nanguha sa mga donasyon alang sa Perpetual Emigrating Fund.
1849 hangtud 1852	Nagserbisyo og misyon sa Italya. Nagserbisyo usab sa England, diin siya nagdumala sa pagmantala sa Basahon ni Mormon sa pinulongan nga Italyan, ug sa Switzerland ug Malta. Nagmantala og pamphlet nga giulohan og The Voice of Joseph.
1852	Napili ngadto sa Utah State Legislature.
1853	Gitawag ni Presidente Brigham Young sa pagdumala og pamuy-anan sa mga Santos sa Ulahing mga Adlaw didto sa Box Elder County, nahimutang sa amihanang Utah. Nagngalan sa ulohang siyudad og Siyudad sa Brigham. Nagserbisyo sulod sa daghang mga tuig isip usa ka lider diha sa Simbahan ug sa komunidad.
Marso 1864 hangtud Mayo 1864	Uban sa grupo nga gipangulohan uban ni Elder Ezra T. Benson sa Korum sa Napulog Duha, nagserbisyo og mubo nga misyon sa mga Isla sa Hawaii.
Oktubre 1872 hangtud sa Hulyo 1873	Uban sa grupo nga gipangulohan ni Presidente George A. Smith, Unang Magtatambag sa Unang Kapangulohan, milibot sa Uropa ug sa Tunga-tungang Silangan, lakip ang Holy Land. Ang biyahe nahimo sa hangyo ni Presidente Brigham Young.
1882	Ang Kongreso sa Estados Unidos mipasa sa Edmunds Act, naghimo sa dinaghan nga kaminyoon nga usa ka supak sa balaod ug nagdili sa mga daghan og asawa sa pagbotar, paglingkod og opisinang pampubliko, o pag-apil sa pundok nga mohukom.
Agosto 1885 hangtud Oktubre 1885	Nagserbisyo og mga misyon diha sa mga American Indian sa amihanang kasadpan sa Estados Unidos ug sa estado sa Wyoming.
Marso 12, 1886, hangtud Pebrero 8, 1887	Napriso tungod sa dinaghan nga kaminyoon.
1887	Ang Kongreso sa Estados Unidos mipasa sa Edmunds-Tucker Act, lain nga supak sa balaod sa dinaghang asawa, nagtugot sa gobyernong federal sa pag-embargo sa kadaghanan sa yuta sa Simbahan. Ang balaodnon nahimong balaod kaniadtong Marso 3, 1887.
Mayo 21–23, 1888	Nagbasa sa pag-ampo sa pagpahinungod sa mga sesyon sa pagpahinungod sa Templo sa Manti Utah. Gipahinungod ni Presidente Wilford Woodruff ang templo kaniadtong Mayo 17.
Abril 7, 1889	Gipaluyohan isip Presidente sa Korum sa Napulog Duha ka mga Apostoles.
Mayo 19, 1893, hangtud sa Septyembre 1898	Nagserbisyo isip unang presidente sa Templo sa Salt Lake.
Septyembre 2, 1898	Nahimong senior nga Apostol ug tigdumala nga lider sa Simbahan panahon sa pagkamatay ni Presidente Wilford Woodruff. Nakadawat og balaanong pagpakita diha sa Templo sa Salt Lake, diin ang Ginoo nagtudlo kaniya sa pagpadayon sa paghan-ay pag-usab sa Unang Kapangulohan.
Septyembre 13, 1898	Gipaluyohan sa Korum sa Napulog Duha ka mga Apostoles isip Presidente sa Simbahan. Nagsugod sa pagserbisyo isip Presidente.
Oktubre 9, 1898	Gipaluyohan panahon sa kinatibuk-ang komperensya isip Presidente sa Simbahan.
Oktubre 10, 1898	Gi-set apart isip Presidente sa Ang Simbahan ni Jesukristo sa mga Santos sa Ulahing mga Adlaw.
Mayo 1899	Mibiyahe ngadto sa St. George, Utah, diin iyang nadawat ang pagpadayag sa pagsangyaw sa balaod sa ikapulo ngadto sa mga Santos. Misugod sa pagpakigbahin niini nga mensahe didto sa St. George ug nangulo sa paningkamot sa pakigbahin niini sa tibuok Simbahan.
Enero 1, 1901	Nagmantala og pahayag nga giulohan og “Greeting to the World” sa pagsugat sa ika-20 nga siglo.
Oktubre 10, 1901	Namatay sa Siyudad sa Salt Lake, Utah, sa edad nga 87.