iVakaleka ni iTukutuku Makawa

Na ituvatuva vagauna oqo e vakarautaka e dua na itukutuku lekaleka makawa ni ivakavuvuli nei Peresitedi Lorenzo Snow ena nona ivola.

3 ni Epereli, 1834	Sucu mai Mantua, Ohio, luvedrau o Rosetta Leonora Pettibone Snow kei Oliver Snow.
1832	Rogoca na Parofita o Josefa Simici ni vunau mai Hiram, Ohio.
1835	Biuta na nodratou vale me laki vuli ki Oberlin College mai Oberlin, Ohio. Sotavi Elder David W. Patten ena Kuoramu ni iApositolo Le Tinikarua ena nona ilakolako.
1836	Biuti Oberlin College ka toso yani ki Kirtland, Ohio, me vuli ivalavala vaka Iperiu. Ciqoma na kosipeli vakalesuimai ka papitaiso ka vakadeitaki ena June. E muri sa qai mai tabaki me italatala qase. Ciqoma na veivakalougatataki vakapeteriaki mai vei Josefa Simici Levu ena Tiseba.
1837	Vunautaka na kosipeli mai Ohio.
Okotova 1838 kina Me 1840.	Kaulotu tale ka vunautaka na kosipeli mai Ohio, Missouri, kei Illinois ka cakacaka vaqasenivuli ena vulaibatabata ni 1839–40.
Me 1840	Biuti Nauvoo, Illinois me laki kaulotu ki Igiladi. Ena ruku ni veiliutaki ni Kuoramu ni iApositolo Le Tinikarua, e vakatulewa ena qaravi ni Lotu mai Lodoni, Igiladi, kei na veivanua volekata. Tabaka e dua na ivolalobi vakatokai na The Only Way to Be Saved.
12 ni Epereli, 1843	Yaco yani ki Nauvoo, Illinois, kei na 250 na Yalododonu Edaidai mai Igiladi.
Mua ni 1843 kina itekivu ni 1844	Veivakavulici e koronivuli mai Lima, Illinois.
1844	Liutaka na vunautaki mai Ohio me tu ena veidigidigi ni Peresitedi mai Amerika o Josefa Simici. Lesu ki Nauvoo ni sa rogoca ni rau sa vakamatei o Josefa kei Hyrum Simici ka a yaco ena ika 27 ni June.
Janueri 1845	Digitaki mai vei Peresitedi Brigham Young me lako yani ki Ohio ka soqona mai na isolisoli me laki tara kina na Valetabu mai Nauvoo.
1845	Vakamau vakavica vata, me vaka e a vakatara na Lotu, ena nona vakamautaki Charlotte Squires kei Mary Adaline Goddard.
Feperueri 1846	Biuti Nauvoo kei na matavuvale kei na so na Yalododonu Edaidai ena nona sa ciqoma oti na nona edaumeni kei na veivauci mai na Valetabu e Nauvoo.
1846 kina 1848	Bula voli kei na nona matavuvale ena dua na itikotiko mai na Ulunivanua o Pisgah na yasana o Iowa. Vakatulewa tiko ena itikotiko ena dua na gauna. Ena vula itubutubu ni 1848, e a liutaka yani e dua na ilawalawa Yalododonu ki Salt Lake City.
12 ni Feperueri, 1849	Tabaki me dua na iApositolo mai Salt Lake City.
1849	Vakumuna na ilavo ni Perpetual Emigrating Fund.
1849 kina 1852	Kaulotu ki Itali. Laki kaulotu talega ki Igiladi, na vanua e liutaka kina na tabaki ni iVola iMomani ena vosa vaka Itali kei Switzerland vakakina na Malta. Tabaka e dua na ivolalobi ka vakatokai na The Voice of Joseph.
1852	Digitaki kina Valenibose mai Utah.
1853	Kacivi mai vei Peresitedi Brigham Young me laki liutaka e dua na itikotiko ni Yalododonu Edaidai mai yasana o Box Elder County ka toka ena vualiku kei Utah. Vakatoka na kena koro levu me Brigham City. Veiqaravi me vuqa na yabaki ena Lotu kei na itikotiko.
Maji 1864 kina Me 1864	Kei na dua na ilawalawa liutaki mai vei Elder Ezra T. Benson ena Kuoramu ni Le Tinikarua, e laki veiqaravi vakalekaleka mai Awai.
Okotova 1872 kina Julai 1873	Kei na dua na ilawalawa liutaki mai vei Peresitedi George A. Smith, iMatai ni Daunivakasala ena Mataveiliutaki Taumada, sikovi o Iurope kei na Tokalau e Loma kei na Vanua Tabu. Qo e a lakovi ena kerekere nei Peresitedi Brigham Young.
1882	Sa vakalawataka na Matanitu o Amerika na Edmunds Act, ka sa vakatabuya na vakamau vakasivia ka ra vakatabui mai na veidigidigi o ira era cakava tiko, vakaitutu ena valenivolavola ni veiliutaki ni matanitu, se cakava e dua na cakacaka vakalawa.
12 ni Okosita 1885 kina Okotova 1885	Kaulotu vei ira na Idia ni Amerika ena vua-i-ra kei Amerika kei na yasana o Wyoming.
12 ni Maji, 1886, kina 8 ni Feperueri 1887	Vesu e valeniveivesu ni bulataka tiko na vakawati vakasivia.
1887	Vakalawataka na Matanitu o Amerika na Edmund Tucker Act, e dua tale na lawa ka saqata na vakawati vakasivia, ka solia vua na matanitu me vesuka na iyau e taukena tu na Lotu. Sa mai wili me lawa tudei na lawa vakatutu oqo ena ika 3 ni Maji, 1887.
21–23 ni Me, 1888	Wilika na masu ni vakatabui ni Valetabu mai Manti Utah ena vica na soqoni. Ea sa vakatabuya na Valetabu o Peresitedi Wilford Woodruff ena ika 17 Me.
7 ni Epereli, 1889	Vakatikori me Peresitedi ni Kuoramu ni iApositolo Le Tinikarua.
19 ni Me, 1893, kina Sepiteba 1898	Veiqaravi me iMatai ni peresitedi ni Valetabu e Salt Lake.
2 ni Sepiteba, 1898	Sa mai iApositolo qase duadua ni sa mate o Peresitedi Wilford Woodruff ka sa veiliutaki sara ena Lotu. Ciqoma e dua na raivotu ena Valetabu mai Salt Lake, ka a tukuna kina vua na Turaga me sa tosoya na kena vakacokotaki na Mataveiliutaki Taumada.
13 ni Sepiteba, 1898	Tokoni mai na Kuoramu ni iApositolo Le Tinikarua me Peresitedi ni Lotu. Tekivu me veiqaravi vaka-Peresitedi.
9 ni Okotova, 1898	Tokoni me Peresitedi ni Lotu ena koniferedi raraba.
10 ni Okotova, 1898	Vakatikori me Peresitedi ni Lotu i Jisu Karisito ni Yalododonu Edaidai.
Me 1899	Lako ki St. George, Utah na vanua e ciqoma kina na ivakatakila ni kena vunautaki na Lawa ni iKatini. Tekivu me wasea na itukutuku oqo mai St. George ka sa saga me vunautaki ena veivanua kece e tiko kina na Lotu.
1 ni January, 1901	Tabaka e dua na vakatutu vakatokai na “Greeting to the World” me kidavaki kina na ika 20 ni senitiuri.
10 ni Okotova, 1901	Mate mai Salt Lake City, Utah, ni yabaki 87.