អាពាហ៍ពិពាហ៍រវាងបុរសម្នាក់ និងស្ត្រីម្នាក់ត្រូវបានតែងតាំងឡើយដោយព្រះ

សេចក្ដីផ្ដើម

ព្រះវរបិតាបានបង្កើតគំរូដ៏ទេវភាពនៃអាពាហ៍ពិពាហ៍ជាមួយនឹងអ័ដាម និងអេវ៉ានៅក្នុងសួនច្បារអេដែន ។ នៅជំនាន់របស់យើង គណៈប្រធានទីមួយ និងកូរ៉ុមនៃពួកដប់ពីរនាក់ បានបញ្ជាក់ពីគំរូនេះ ដោយថ្លែងថា « អាពាហ៍ពិពាហ៍រវាងបុរស និងស្ត្រី គឺត្រូវបានតែងតាំងឡើងដោយព្រះ » ( « ក្រុមគ្រួសារ ៖ ការប្រកាសដល់ពិភពលោក » Ensign ឬ Liahona ខែ វិច្ឆិកា ឆ្នាំ ២០១០ ទំព័រ ១២៩ ) ។ ថ្វីបើ ច្បាប់របស់មនុស្សអាចនឹងព្យាយាមផ្លាស់ប្ដូរនិយមន័យនេះក្ដី ក៏ក្រឹត្យវិន័យរបស់ព្រះបន្តនៅដដែលជារៀងរហូត ។

ការអានពីសាវតា

ឌី ថត គ្រីស្តូហ្វឺសិន “Why Marriage, Why Family,” Ensign ឬ Liahona ខែ ឧសភា ឆ្នាំ ២០១៥ ទំព័រ ៥០-៥៣ ។
ដាល្លិន អេក អូក “No Other Gods,” Ensign ឬ Liahona ខែ វិច្ឆិកា ឆ្នាំ ២០១៣ ទំព័រ ៧២-៧៥ ។
សឺរី អិល ឌូវ “It Is Not Good for Man or Woman to Be Alone,” Ensign ខែ វិច្ឆិកា ឆ្នាំ ២០០១ ទំព័រ ១២–១៤ ។
“The Divine Institution of Marriage,” mormonnewsroom.org/article/the-divine-institution-of-marriage ។
Gospel Topics, “Same-Sex Marriage,” lds.org/topics ។

យោបល់សម្រាប់ការបង្រៀន

គោលលទ្ធិ និងសេចក្តីសញ្ញា ៤៩:១៥–១៧; ម៉ូសេ ៣:២១–២៤

អាពាហ៍ពិពាហ៍រវាងបុរសម្នាក់ និងស្ត្រីម្នាក់ត្រូវបានតែងតាំងឡើយដោយព្រះ

សូមសរសេរគោលលទ្ធិដូចតទៅនេះ នៅលើក្ដារខៀន ៖ « អាពាហ៍ពិពាហ៍រវាងបុរសម្នាក់ និងស្ត្រីម្នាក់ត្រូវបានតែងតាំងឡើយដោយព្រះ » ។ សូមសួរសិស្សថា ពាក្យ តែងតាំងមានន័យដូចម្ដេចនៅក្នុងប្រយោគនេះ ។ ( ចម្លើយដែលអាចមាន រួមមានដូចតទៅនេះ ៖ បង្គាប់ ចេញក្រឹត្យ ឬតាំង ដោយគុណធម៌នៃសិទ្ធិអំណាចដ៏ឧត្ដុង្គឧត្តម ) ។ សូមសួរសិស្សថា និយមន័យនេះជួយពួកគេឲ្យយល់ពីអត្ថន័យនៃគោលលទ្ធិដែលនៅលើក្ដារខៀនយ៉ាងដូចម្ដេចដែរ ។ សូមឲ្យសិស្សអានដោយស្ងាត់ៗនៅក្នុង គោលលទ្ធិ និងសេចក្ដីសញ្ញា ៤៩:១៥–១៧ ដើម្បីរកមើលការថ្លែងឡើងវិញក្នុងព្រះគម្ពីរអំពីគោលលទ្ធិនេះ ។

សូមសុំសិស្សម្នាក់ឲ្យអាន ម៉ូសេ ៣:២១–២៤ ឮៗ ។ សូមអញ្ចើញសិស្សរកមើលជំហានដ៏សំខាន់មួយណានៅក្នុងផែនការនៃសេចក្ដីសង្គ្រោះ ដែលត្រូវបានពិពណ៌នានៅក្នុងខគម្ពីរទាំងនេះ ។ ( ពេលសិស្សឆ្លើយតប សូមពន្យល់ថា សេចក្ដីយោងដល់ឆ្អឹងជំនីររបស់អ័ដាម គឺជានិមិត្តរូប—តាមពិតព្រះមិនបានដកយកឆ្អឹងជំនីររបស់អ័ដាមនោះទេ ។ អ្នកអាចនឹងចង់ឲ្យយោបល់សិស្សឲ្យសរសេរនិយមន័យនៃពាក្យ នៅជាប់នឹង នៅគែមព្រះគម្ពីររបស់ពួកគេ ដូចតទៅនេះ ៖ « បង្កើតនូវការរួបរួមគ្នាមួយដែលជិតស្និត ជាប់លាប់ និងឥតងាករេ » ) ។

តើអ្នកគិតថា ព្រះមានព្រះទ័យចង់បង្រៀនយើងអំពីអ្វី ដោយការពិពណ៌នាពីការបង្កបង្កើតខាងរូបកាយរបស់អេវ៉ា តាមរបៀបនេះ ? ( អែលឌើរ រ័សុល អិម ណិលសុន នៃកូរ៉ុមនៃពួកសាវកដប់ពីរនាក់ បានបង្រៀន ៖ « ឆ្អឹងជំនីរ ចេញមកដូចជាវានៅខាងចំហៀង ហាក់បីដូចជាចង្អុលប្រាប់ពីភាពជាដៃគូ ។ ឆ្អឹងជំនីរពុំមែនមានន័យថាអំណាចត្រួតត្រា ហើយក៏មិនមែនជាការនៅក្រោមអំណាចនោះដែរ ប៉ុន្តែជាទំនាក់ទំនងមួយស្មើភាពគ្នាក្នុងនាមជាដៃគូ ដើម្បីធ្វើកិច្ចការ និងរស់នៅទន្ទឹមគ្នា [ “Lessons from Eve,” Ensign ខែ វិច្ឆិកា ឆ្នាំ ១៩៨៧ ទំព័រ ៨៧ ] ) ។
តើយើងអាចរៀនអ្វីខ្លះចេញពី ម៉ូសេ ៣:២៤ ? ( អែលឌើ ឌី ថត គ្រីស្តូហ្វឺសិន នៃកូរ៉ុមនៃពួកសាវកដប់ពីរនាក់ បានមានប្រសាសន៍ថា ព្រះ « បានចងភ្ជាប់ [ អ័ដាម និងអេវ៉ា ] ជាស្វាមី និងភរិយា ។ … មិនថាយើង ឬមនុស្សជីវិតរមែងស្លាប់ណានោះទេ គឺពួកគេមិនអាចផ្លាស់ប្ដូរលំដាប់នៃអាពាហ៍ពិពាហ៍របស់ព្រះនេះបានទេ ។ វាមិនមែនជាការបង្កើតរបស់មនុស្សលោកនោះទេ » [ “Why Marriage, Why Family,” Ensign ឬ Liahona ខែ ឧសភា ឆ្នាំ ២០១៥ ទំព័រ ៥២ ] ) ។

សូមបង្ហាញសេចក្ដីថ្លែងការណ៍ខាងក្រោមដោយ អែលឌើរ ដាវីឌ អេ បែដណា នៃកូរ៉ុមនៃពួកសាវកដប់ពីរនាក់ ហើយសូមឲ្យសិស្សម្នាក់អានវាឮៗ ។ សូមសុំសិស្សក្នុងថ្នាក់ ឲ្យរកមើលការយល់ដឹងមួយដ៏ជ្រៅជ្រះ ទៅក្នុងមូលហេតុដែលព្រះបានតែងតាំងអាពាហ៍ពិពាហ៍នោះ ដែលកើតឡើងបានតែរវាងបុរសម្នាក់ និង ស្ត្រីម្នាក់ ។

« បន្ទាប់ពីផែនដីត្រូវបានបង្កើត អ័ដាមត្រូវបានដាក់ក្នុងសួនច្បារអេដែន ។ ប៉ុន្តែការសំខាន់នោះគឺ ព្រះទ្រង់បានមានព្រះបន្ទូលថា ‹ វាមិនល្អទេដែលបុរសនេះត្រូវនៅតែម្នាក់ឯង › ( ម៉ូសេ ៣:១៨; សូមមើលផងដែរ លោកុប្បត្តិ ២:១៨ ) ហើយអេវ៉ាបានក្លាយជាប្រពន្ធ និងដៃគូរបស់អ័ដាម ។ ការរួមគ្នាដែលមិនអាចប្រៀបផ្ទឹមបាននៃសមត្ថភាពខាងវិញ្ញាណ រូបកាយ គំនិត និងចិត្ត រវាងបុរស និងស្ត្រីជាកត្តាដ៏ចាំបាច់ដើម្បីធ្វើឲ្យផែនការនៃសុភមង្គលកើតឡើង ។ ‹ ប៉ុន្តែក្នុងព្រះអម្ចាស់ នោះបុរសមិនមែនជាឥតទីពឹងអាស្រ័យដល់ស្ត្រីឡើយ ហើយស្ត្រីកីមិនមែនជាឥតពឹងអាស្រ័យដល់បុរសដែរ › ( កូរិនថូស ទី១ ១១:១១ ) ។ បុរស និងស្ត្រីត្រូវបានបម្រុងទុកឲ្យរៀន ពង្រឹង ហើយបំពេញគ្នាទៅវិញទៅមក » ( “We Believe in Being Chaste,” Ensign ឬ Liahona ខែ ឧសភា ឆ្នាំ ២០១៣ ទំព័រ ៤១–៤២ ) ។

ផ្អែកលើការយល់ដឹងរបស់អ្នកអំពីផែនការនៃសុភមង្គលរបស់ព្រះវរបិតាសួគ៌ ហេតុអ្វីអាពាហ៍ពិពាហ៍រវាងបុរសម្នាក់ និងស្ត្រីម្នាក់ត្រូវបានតែងតាំងឡើយដោយទ្រង់ ?

ម៉ូសេ ៣:១៨; ៥:១–៥, ១២, ១៦

ស្វាមី និង ភរិយាគឺជាដៃគូស្មើគ្នា

តើវាមានតម្លៃប៉ុណ្ណាក្នុងការធ្វើតាមគំរូមួយ ពេលធ្វើអ្វីមួយដូចជាសំលៀកបំពាក់ ?
តើវាមានតម្លៃប៉ុណ្ណាក្នុងការសិក្សាពីគំរូដ៏វិសេសវិសាលនៃអាពាហ៍ពិពាហ៍ ?

សូមពន្យល់ថា អាពាហ៍ពិពាហ៍របស់អ័ដាម និងអេវ៉ា បង្ហាញគំរូរបស់ព្រះអម្ចាស់ អំពីអ្វីដែលជាអាពាហ៍ពិពាហ៍ ។ សូមសុំសិស្សម្នាក់ឲ្យអាន ម៉ូសេ ៣:១៨ ឮៗ ។

តើអ្នកយល់យ៉ាងណាអំពីវាក្យសព្ទ « ជំនួយមួយដ៏សម » ? ( « ជំនួយ » ត្រូវបានបកប្រែមកពីពាក្យឫសនៃភាសាហេព្រើរពីរផ្គុំគ្នា មួយមានន័យថា សង្គ្រោះ ហើយន័យមួយទៀតគឺរឹងមាំ ។ « ដ៏សម » ត្រូវបានបកប្រែមកពីពាក្យភាសាហេព្រើរ ដែលប្រាប់ថាជាសមរម្យ និងស្មើគ្នា ។ ហេតុដូចនោះហើយ « ជំនួយមួយដ៏សម » គឺជាដៃគូដែលសមរម្យ និងស្មើគ្នា ដែលមានអំណាចដើម្បីសង្គ្រោះ ។ សូមផ្ដល់យោបល់ដល់សិស្សឲ្យសរសេរនិយមន័យនេះនៅក្នុងព្រះគម្ពីររបស់ពួកគេក្បែរ ម៉ូសេ ៣:១៨ ។ សូមមើលផងដែរ ហាវើដ ដបុលយូ ហឹនធើរ “Being a Righteous Husband and Father,” Ensign ខែ វិច្ឆិកា ឆ្នាំ ១៩៩៤ ទំព័រ ៥១ ។
តើទំនាក់ទំនងបែបណា ដែលវាក្យសព្ទនេះប្រាប់ អំពីស្វាមី និង ភរិយា ? ( សូមសង្ខេបចម្លើយរបស់សិស្ស ដោយការសរសេរគោលលទ្ធិដូចតទៅនេះនៅលើក្ដារខៀន ៖ព្រះវរបិតាបានតែងតាំងថា ស្វាមី និងភរិយាគឺជាដៃគូស្មើគ្នា ) ។
តើអ្នកគិតថា វាមានន័យយ៉ាងណា ដែលស្វាមី និងភរិយាគឺជាដៃគូស្មើគ្នា ?

សូមបែងចែកសិស្សក្នុងថ្នាក់ជាក្រុមតូចៗ ប្រហែលជាបី ឬបួននាក់ក្នុងមួយក្រុម ។ សូមសុំសិស្សឲ្យអានត្រួសៗលើ ម៉ូសេ ៥:១–៥, ១២, និង ១៦ ដោយរកមើលរបៀបទាំងឡាយ ដែលអ័ដាម និងអេវ៉ា បានធ្វើជាមួយគ្នា ក្នុងនាមជាដៃគូស្មើគ្នាហើយពិភាក្សាពីការរកឃើញរបស់ពួកគេនៅក្នុងក្រុមពួកគេ ។

សូមបង្ហាញនូវសេចក្ដីថ្លែងការណ៍ខាងក្រោមដោយប្រធាន អ៊ែសរ៉ា ថាហ្វ ប៊ែនសឹន ( ឆ្នាំ ១៨៩៩–១៩៩៤ ) និងបងស្រី សឺរី អិល ឌូវ ជាអតីតទីប្រឹក្សានៅក្នុងគណៈប្រធានសមាគមសង្គ្រោះទូទៅ ។ សូមឲ្យសិស្សម្នាក់អានវាឮៗ ៖

« ចេញពីកំណត់ត្រាដ៏បំផុសគំនិតនេះ [ ម៉ូសេ ៥:១–២, ៤, ១២, ១៦ ] យើងឃើញថា អ័ដាម និងអេវ៉ា បានផ្ដល់ដល់យើងនូវគំរូដ៏វិសេសវិសាលអំពីទំនាក់ទំនងអាពាហ៍ពិពាហ៍ក្នុងសេចក្ដីសញ្ញាមួយ ។ ពួកគាត់បានធ្វើការរួមគ្នា ពួកគាត់បានមានកូនចៅជាមួយគ្នា ពួកគាត់បានអធិស្ឋានរួមគ្នា ហើយពួកគាត់បានបង្រៀនកូនចៅពួកគាត់នូវដំណឹងល្អ—រួមគ្នា ។ នេះជាគំរូ ដែលព្រះឲ្យបុរស និងស្ត្រីសុចរិតទាំងអស់ធ្វើតាម » ( Teachings of Presidents of the Church: Ezra Taft Benson [ ឆ្នាំ ២០១៤ ] ទំព័រ ១៨៣ ) ។

« សូមសញ្ជឹងគិតអំពីដំណើររឿងទាំងឡាយក្នុងព្រះគម្ពីរ អំពីអ័ដាម និងអេវ៉ា ហើយមើលពីអ្វីដែលព្រះអម្ចាស់នឹងបង្រៀនអ្នក ដែលនឹងពង្រឹងអាពាហ៍ពិពាហ៍ [ និង ] ក្រុមគ្រួសាររបស់អ្នក ។ … គំរូរបស់ព្រះវរិបតាយើងជួយយើងឲ្យចៀសវាងពីការបោកបំភាន់ ។ ដើម្បីស្វែងរកគំនិត និងឧត្ដមគតិអំពីបុរស និងស្ត្រី សូមសម្លឹងទៅកាន់ព្រះអម្ចាស់ មិនមែនទៅកាន់លោកិយទេ » ( សឺរី អិល ឌូវ “It Is Not Good for Man or Woman to Be Alone,” Ensign ខែ វិច្ឆិកា ឆ្នាំ ២០០១ ទំព័រ ១៤ ) ។

តើពេលណាដែលអ្នកបានឃើញ ដែលស្វាមី និងភរិយា ធ្វើការជាមួយគ្នាជាដៃគូស្មើគ្នា ?
តើអ្នកគិតថា ការយល់ពីគំរូដ៏ទេវភាពនៃអាពាហ៍ពិពាហ៍ អាចជះឥទ្ធិពលយ៉ាងណាដល់អនាគតរបស់អ្នក ?

សូមទុកពេលឲ្យសិស្សពីរបីនាទី ដើម្បីធ្វើបញ្ជីពីរ ៖ (១) ចរិតលក្ខណៈដែលពួកគេមានឥឡូវនេះ ដែលនឹងជួយនាំពួកគេទៅកាន់អាពាហ៍ពិពាហ៍ដែលត្រូវបានតែងតាំងដោយព្រះ និង (២) ចរិតលក្ខណៈដែលពួកគេអាចនឹងត្រូវការ ដើម្បីផ្លាស់ប្ដូរ ដើម្បីខិតកាន់តែជិតគោលដៅនោះ ។ សូមបញ្ហាញភាពជឿជាក់ថា ព្រះអម្ចាស់នឹងប្រទានពរដល់ពួកគេក្នុងការខិតខំរបស់គេ ។

មរមន ៩:៩

ការបង្រៀនរបស់ព្រះអម្ចាស់ទាក់ទងនឹងអាពាហ៍ពិពាហ៍ភេទដូចគ្នា

( កំណត់ចំណាំ ៖ សូមយោគយល់ចំពោះសិស្ស ដែលបង្ហាញយោបល់ខុសគ្នាលើបញ្ហានេះ ។ សូមផ្ដោតលើការពិភាក្សារបស់ថ្នាក់ លើសេចក្ដីថ្លែងការណ៍របស់អ្នកមានសិទ្ធិអំណាចទូទៅនៃសាសនាចក្រ ) ។

តើគំរូដែលត្រូវបានតែងតាំងរបស់ព្រះ អំពីអាពាហ៍ពិពាហ៍ ត្រូវបានជះឥទ្ធិពលយ៉ាងណា ពេលដែលរដ្ឋាភិបាលបានចេញប្រកាសមួយ ដែលធ្វើឲ្យស្របច្បាប់នូវការប្រព្រឹត្តដែលផ្ទុយពីគំរូនេះ ? ( ពេលដែលសិស្សឆ្លើយតប សូមប្រើប្រាស់ មរមន ៩:៩ ដើម្បីបង្ហាញថា ព្រះ និងក្រឹត្យវិន័យរបស់ទ្រង់មិនផ្លាស់ប្ដូរឡើយ ។ ធម្មជាតិដែលមិនផ្លាស់ប្ដូររបស់ព្រះ ជួយយើងឲ្យមានទំនុកចិត្ត និងសេចក្ដីជំនឿលើទ្រង់ ) ។

សូមចែកដល់សិស្សនូវច្បាប់ចម្លងនៃសេចក្ដីថ្លែងការណ៍ខាងក្រោម មកពីគណៈប្រធានទីមួយ និងកូរ៉ុមនៃពួកសាវកដប់ពីរនាក់ ហើយអញ្ជើញសិស្សឲ្យរកមើលមូលហេតុ ដែលថ្នាក់ដឹកនាំសាសនាចក្រ បានមានប្រសាសន៍អំពីអាពាហ៍ពិពាហ៍ភេទដូចគ្នា ៖

« ដំណើរការផ្នែកច្បាប់ និងសកម្មភាពខាងនីតិបញ្ញត្តិនៅក្នុងប្រទេសមួយចំនួន បានផ្តល់នូវការទទួលស្គាល់ជាសាធារណៈទៅដល់ទំនាក់ទំនងអាពាហ៍ពិពាហ៍ភេទដូចគ្នា ហើយសំនួរអំពីអាពាហ៍ពិពាហ៍ភេទដូចគ្នាត្រូវបានបន្តពិភាក្សាវែកញែកយ៉ាងទូលំទូលាយ ។ នៅពេលយើងជួបបញ្ហានេះ និងបញ្ហាដទៃទៀត យើងសូមលើកទឹកចិត្តអ្នកទាំងអស់គ្នាឲ្យចាំក្នុងគំនិតយើងនូវព្រះរាជបំណងរបស់ព្រះវរបិតាសួគ៌ក្នុងការបង្កើតផែនដី និងការផ្តល់ដល់យើងនូវជីវិតរមែងស្លាប់ រួមទាំងបទពិសោធន៍នៅទីនេះក្នុងនាមជាបុត្រាបុត្រីរបស់ទ្រង់ [ សូមមើល លោកុប្បត្តិ ១:២៧–២៨; ២:២៤ ] ។ … អាពាហ៍ពិពាហ៍រវាងប្រុសម្នាក់ និងស្ត្រីម្នាក់ គឺត្រូវបានតាំងឡើងដោយព្រះ ហើយគឺសំខាន់ចាំបាច់ណាស់ក្នុងផែនការរបស់ទ្រង់សម្រាប់បុត្រាបុត្រីរបស់ទ្រង់ និងសម្រាប់សុខុមាលភាពនៃសង្គម ។ ក្រុមគ្រួសារដែលរឹងមាំ ដែលត្រូវបានដឹកនាំដោយឪពុក និងម្តាយជាទីស្រឡាញ់ ដែលបម្រើជាស្ថាប័នដ៏សំខាន់ក្នុងការចិញ្ចឹមបីបាច់កូនចៅ ការបណ្តុះសេចក្តីជំនឿ និងការផ្ទេរដល់មនុស្សជំនាន់ក្រោយនូវកម្លាំងផ្នែកសីលធម៌ និងគុណតម្លៃទាំងឡាយ ដែលវាមានសារៈសំខាន់ចំពោះអារ្យធម៌ និង ចាំបាច់ចំពោះសេចក្តីសង្គ្រោះដ៏អស់កល្បជានិច្ច ។

« ការផ្លាស់ប្ដូរក្នុងច្បាប់ស៊ីវិល មិនអាចផ្លាស់ប្ដូរក្រឹត្យវិន័យខាងសីលធម៌ ដែលព្រះបានបង្កើតឡើយ ។ ព្រះរំពឹងឲ្យយើងគាំទ្រ ហើយរក្សាព្រះបញ្ញត្តិទ្រង់ មិនថាទស្សនៈ និងនិន្នាការក្នុងសង្គមមានភាពខុសគ្នាយ៉ាងណានោះទេ ។ ច្បាប់ព្រហ្មចារីភាពរបស់ទ្រង់បានបញ្ជាក់យ៉ាងច្បាស់ ៖ ទំនាក់ទំនងខាងផ្លូវភេទដែលត្រឹមត្រូវ មានតែរវាងបុរសម្នាក់ និងស្ត្រីម្នាក់ ដែលបានរៀបការស្របតាមច្បាប់ជាប្ដីប្រពន្ធប៉ុណ្ណោះ » ( បានដកស្រង់ពី Gospel Topics, “Same-Sex Marriage,” lds.org/topics ) ។

តើការយល់ពីផែនការ និងគោលលទ្ធិរបស់ព្រះ ជួយយើងឲ្យដឹងពីសារៈសំខាន់នៃអាពាហ៍ពិពាហ៍រវាងបុរសម្នាក់ និងស្ត្រីម្នាក់យ៉ាងដូចម្ដេចខ្លះ ?

សូមចែកឲ្យសិស្សម្នាក់ៗនូវច្បាប់ចម្លងនៃសេចក្ដីថ្លែងការណ៍ខាងក្រោម ដែលបានមកពីឯកសារដែលត្រូវបានបោះពុម្ពដោយសាសនាចក្រ ដែលមានចំណងជើងថា « The Divine Institution of Marriage » ។ សូមសុំសិស្សឲ្យរកមើលមូលហេតុទាំងឡាយ ដែលនិយមន័យនៃអាពាហ៍ពិពាហ៍រវាងបុរសម្នាក់ និងស្ត្រីម្នាក់ គប្បីត្រូវបានថែរក្សានៅក្នុងច្បាប់ និងគោលនយោបាយទាំងឡាយ ៖

« អាពាហ៍ពិពាហ៍គឺលើសពីកិច្ចសន្យាមួយរវាងបុគ្គលទាំងឡាយ ដើម្បីឲ្យសច្ចានុមតិអំពីសេចក្ដីស្រឡាញ់របស់ពួកគេ ហើយផ្ដល់នូវកាតព្វកិច្ចទាំងសងខាងទៅទៀត ។ ផ្ទុយទៅវិញ អាពាហ៍ពិពាហ៍ និងក្រុមគ្រួសារ គឺជាស្ថាប័នដ៏សំខាន់បំផុតមួយ សម្រាប់ការចិញ្ចឹមបីបាច់កូនចៅ ហើយបង្រៀនពួកគេ ឲ្យក្លាយជាមនុស្សពេញវ័យដែលមានទំនួលខុសត្រូវ ។ ក្នុងប្រវត្តិសាស្ត្រ រដ្ឋាភិបាលគ្រប់ប្រភេទបានទទួលស្គាល់ថា អាពាហ៍ពិពាហ៍គឺជាការដ៏ចាំបាច់ ក្នុងការរក្សាឲ្យមានស្ថេរភាពសង្គម និងរក្សាជីវិតរបស់វាឲ្យនៅគង់វង្ស ។ ដូច្នេះហើយ មិនថាអាពាហ៍ពិពាហ៍នោះ ត្រូវបានធ្វើឡើងបែបជាពិធីសាសនា ឬបែបស៊ីវិលនោះទេ អាពាហ៍ពិពាហ៍ស្ទើរតែនៅក្នុងគ្រប់វប្បធម៌ ត្រូវបានការពារ និងយល់ស្របដោយរដ្ឋាភិបាល ជាចម្បង គឺដើម្បីថែរក្សា និងបីបាច់ស្ថាប័ន ដែលសំខាន់បំផុតក្នុងការចិញ្ចឹមបីបាច់កូនចៅ និងបង្រៀនពួកគេអំពីគុណតម្លៃនៃសីលធម៌ ដែលគាំទ្រដល់អារ្យធម៌ ។ …

« ដោយសារទំនាក់ទំនងដ៏ជិតស្និតដែលមានជាយូរមកហើយ រវាងអាពាហ៍ពិពាហ៍ ការបង្កើតកូន ភេទ និងការធ្វើជាឪពុកម្ដាយ នោះអាពាហ៍ពិពាហ៍ភេទដូចគ្នា ពុំអាចត្រូវបានចាត់ទុកជាការផ្ដល់ឲ្យនូវ ‹ សិទ្ធិ › ថ្មីនោះទេ ។ វាគឺជាការឲ្យនិយមន័យឡើងវិញ ដែលហួសពេកពីធម្មជាតិនៃអាពាហ៍ពិពាហ៍ផ្ទាល់ ។ វាគូសសម្គាល់នូវការផ្លាស់ប្ដូរគ្រឹះនៅក្នុងស្ថាប័នអាពាហ៍ពិពាហ៍ នៅក្នុងរបៀបទាំងឡាយដែលផ្ទុយពីគោលបំណងរបស់ព្រះ សម្រាប់បុត្រាបុត្រីទ្រង់ ហើយធ្វើឲ្យខូចប្រយោជន៍ដ៏យូរអង្វែងរបស់សង្គម » ( “The Divine Institution of Marriage,” mormonnewsroom.org/article/the-divine-institution-of-marriage ) ។

តើមូលហេតុមួយចំនួនអ្វីខ្លះ ដែលសង្គមជាច្រើនបានយល់ស្របជាប្រពៃណី ហើយបានការពារដល់អាពាហ៍ពិពាហ៍រវាងបុរសម្នាក់ និងស្ត្រីម្នាក់ ?
តើមនុស្សម្នាក់អាចដឹងពីសេចក្ដីពិតអំពីជំហររបស់សាសនាចក្រ អំពីបញ្ហាដ៏សំខាន់នេះ ដោយរបៀបណា ?

សូមលើកទឹកចិត្តសិស្សឲ្យពិចារណាពីរបៀបដែលយោបល់របស់ពួកគេខុសគ្នា ឬដូចគ្នាទៅនឹងការបង្រៀនរបស់ព្រះ អំពីអាពាហ៍ពិពាហ៍ ដូចដែលបានបង្រៀនដោយថ្នាក់ដឹកនាំសាសនាចក្រ ។ សូមចែកចាយទីបន្ទាល់របស់អ្នកថា ការជឿលើ និងការគាំទ្រគំរូរបស់ព្រះសម្រាប់អាពាហ៍ពិពាហ៍ នឹងនាំមកនូវពរជ័យដ៏អស់កល្បជានិច្ច ។

ការអានរបស់សិស្ស

មរមន ៩:៩; គោលលទ្ធិ និងសេចក្ដីសញ្ញា ៤៩:១៥–១៧; ម៉ូសេ ៣:១៨–២៥; ៥:១–១៦ ។
“The Divine Institution of Marriage,” mormonnewsroom.org/article/the-divine-institution-of-marriage ។