Jerusalem Noong Kapanahunan ni Jesus

Golgota Pook kung saan maaaring ipinako si Jesus (Mat. 27:33–37).

Libingan sa Halamanan Inilibing si Jesus (Juan 19:38–42). Ang nagbangong Cristo ay nagpakita kay Maria Magdalena sa halamanan (Juan 20:1–17).

Muog ng Antonia Maaaring sa pook na ito pinaratangan, hinatulan, kinutya, at pinahirapan si Jesus (Juan 18:28–19:16). Si Pablo ay dinakip at muling isinalaysay ang kuwento ng kanyang pagbabalik-loob (Gawa 21:31–22:21).

Lawa ng Betesda Pinagaling ni Jesus ang isang lumpo sa araw ng Sabbath (Juan 5:2–9).

Templo Ipinangako ni Gabriel kay Zacarias na si Elisabet ay magsisilang ng anak na lalake (Lucas 1:5–25). Ang tabing ng templo ay napunit sa pagkamatay ng Tagapagligtas (Mat. 27:51).

Portiko ni Solomon Ipinahayag ni Jesus na siya ang Anak ng Diyos. Tinangka ng mga Judio na batuhin siya (Juan 10:22–39). Nangaral ng pagsisisi si Pedro matapos pagalingin ang isang pilay na lalaki (Gawa 3:11–26).

Pintuang-bayan na Maganda Pinagaling nina Pedro at Juan ang isang pilay na lalaki (Gawa 3:1–10).

Taluktok ng Templo Si Jesus ay tinukso ni Satanas (Mat. 4:5–7). (May dalawang kinaugaliang lugar para sa pangyayaring ito.)

Banal na Bundok (mga di matukoy na lugar)

1. Pinaniniwalaan na dito nagtayo si Abraham ng dambana para sa paghahain kay Isaac (Gen. 22:9–14).

2. Itinayo ni Solomon ang templo (1 Hari 6:1–10; 2 Cron. 3:1).

3. Winasak ng mga taga-Babilonia ang templo mga 587 B.C. (2 Hari 25:8–9).

4. Muling itinayo ni Zorobabel ang templo mga 515 B.C. (Ezra 3:8–10; 5:2; 6:14–16).

5. Nilawakan ni Herodes ang liwasan ng templo at itinayong muli ang templo simula noong 17 B.C. Iniharap si Jesus nang sanggol pa lamang (Lucas 2:22–39).

6. Sa gulang na 12, nagturo si Jesus sa templo (Lucas 2:41–50).

7. Nilinis ni Jesus ang templo (Mat. 21:12–16; Juan 2:13–17).

8. Nagturo si Jesus sa templo sa iba’t ibang pagkakataon (Mat. 21:23–23:39; Juan 7:14–8:59).

9. Winasak ng mga Romano ang templo noong A.D. 70 sa ilalim ni Tito.

Halamanan ng Getsemani Si Jesus ay nagdusa, ipinagkanulo, at dinakip (Mat. 26:36–46; Lucas 22:39–54).

Bundok ng mga Olibo

1. Ipinahayag ni Jesus ang pagkawasak ng Jerusalem at ng templo. Binanggit din niya ang tungkol sa Ikalawang Pagparito (Mat. 24:3–25:46; tingnan din sa JS—M).

2. Mula rito umakyat si Jesus sa langit (Gawa 1:9–12).

3. Noong ika-24 ng Oktubre 1841, inilaan ni Elder Orson Hyde ang Banal na Lupain para sa pagbabalik ng mga anak ni Abraham.

Bukal ng Gihon Pinahiran ng langis si Solomon bilang hari (1 Hari 1:38–39). Nagpahukay si Ezechias ng isang tunel upang dumaloy ang tubig mula sa bukal patungong lunsod (2 Cron. 32:30).

Pintuang-bayan ng mga Tubig Binasa at binigyang-kahulugan ni Ezra ang kautusan ni Moises sa mga tao (Neh. 8:1–8).

Lambak ng Hinnom Ang diyus-diyusang si Moloch ay sinamba, kabilang ang paghahain ng bata (2 Hari 23:10; 2 Cron. 28:3).

Bahay ni Caifas Dinala si Jesus sa harapan ni Caifas (Mat. 26:57–68). Ipinagkaila ni Pedro na kilala niya si Jesus (Mat. 26:69–75).

Silid sa Itaas Ang kinaugaliang lugar kung saan kumain si Jesus ng hapunan ng Paskua at pinasimulan ang sakramento (Mat. 26:20–30). Hinugasan niya ang mga paa ng Labindalawa (Juan 13:4–17) at tinuruan sila (Juan 13:18–17:26).

Palasyo ni Herodes Maaaring sa lugar na ito, dinala si Cristo sa harapan ni Herodes (Lucas 23:7–11).

Jerusalem (mga di matukoy na lugar)

1. Namahala si Melquisedec bilang hari ng Salem (Gen. 14:18).

2. Nasakop n1 Haring David ang lunsod mula sa mga Jebuseo (2 Sam. 5:7; 1 Cron. 11:4–7).

3. Nawasak ang lunsod ng mga taga-Babilonia mga 587 B.C. (2 Hari 25:1–11).

4. Napasa-marami ang Espiritu Santo sa araw ng Pentecostes (Gawa 2:1–4).

5. Sina Pedro at Juan ay dinakip at dinala sa harapan ng kalipian (Gawa 4:1–23).

6. Nagsinungaling sa Panginoon sina Ananias at Safira at nangamatay (Gawa 5:1–10).

7. Sina Pedro at Juan ay dinakip, subalit isang anghel ang nagpalaya sa kanila mula sa bilangguan (Gawa 5:17–20).

8. Pumili ang mga Apostol ng pitong kalalakihang makakatulong nila (Gawa 6:1–6).

9. Ang patotoo ni Esteban ay tinanggihan ng mga Judio, at pinagbabato siya hanggang sa mamatay (Gawa 6:8–7:60).

10. Si Santiago ay pinatay na martir (Gawa 12:1–2).

11. Pinalaya si Pedro ng isang anghel mula sa bilangguan (Gawa 12:5–11).

12. Nagpasiya ang mga Apostol tungkol sa usapin ng pagtutuli (Gawa 15:5–29)

13. Winasak ng mga Romano sa ilalim ni Tito ang lunsod noong A.D. 70.