30. Corinto

Punong-bayan ng lalawigan ng Romano ng Acaya. Ito ay matatagpuan sa isthmus na nagdurugtong sa Peloponeso sa pangunahing bayan ng Grecia, na may daungan sa silangan at kanlurang bahagi. Ito ay isang daungang-lunsod ng kayamanan at impluwensya.

Mahahalagang Pangyayari: Nanirahan si Pablo sa Corinto sa loob ng isang taon at anim na buwan at nagtayo ng Simbahan doon (Gawa 18:1–18). Sumulat si Pablo ng ilang liham sa mga kasapi ng Simbahan sa lugar ng Corinto, dalawa sa mga ito ay matatagpuan ngayon sa Bagong Tipan (1 at 2 Corinto).