Exodo ng Israel mula Egipto at Pagpasok sa Canaan

Rameses Itinaboy ang Israel palabas ng Egipto (Ex. 12; Blg. 33:5).

Succoth Matapos lisanin ng mga Hebreo ang unang himpilang ito, sila ay pinatnubayan ng Panginoon sa pamamagitan ng isang ulap sa umaga at ng haligi ng apoy sa gabi (Ex. 13:20–22).

Pi-hahiroth Tinawid ng Israel ang Dagat na Pula (Ex. 14; Blg. 33:8).

Mara Pinagaling ng Panginoon ang mga tubig ng Mara (Ex. 15:23–26).

Elim Humimpil ang Israel sa lugar ng 12 bukal ng tubig (Ex. 15:27).

Ilang ng Sin Ipinadala ng Panginoon ang mana at pugo upang ipakain sa Israel (Ex. 16).

Rephidim Nakidigma ang Israel sa Amalek (Ex. 17:8–16).

Bundok ng Sinai (Bundok ng Horeb o Jebel Musa) Inihayag ng Panginoon ang Sampung Utos (Ex. 19–20).

Ilang ng Sinai Itinayo ng Israel ang tabernakulo (Ex. 25–30).

Mga Himpilan sa Ilang Pitumpung elder ang tinawag upang tulungan si Moises na pamunuan ang mga tao (Blg. 11:16–17).

Esion-geber Tinawid ng Israel ang mga lupain ng Esau at Ammon nang mapayapa (Deut. 2).

Cades-barnea Nagsugo si Moises ng mga tiktik sa lupang pangako; naghimagsik ang Israel at hindi nakapasok sa lupain; ang Cades ay nagsilbing punong himpilan ng Israel sa loob ng maraming taon (Blg. 13:1–3, 17–33; 14; 32:8; Deut. 2:14).

Silangang Ilang Iniwasan ng Israel na makipaglaban sa Edom at Moab (Blg. 20:14–21; 22–24).

Ilog Arnon Nilipol ng Israel ang mga Amorrheo na nakidigma sa kanila (Deut. 2:24–37).

Bundok ng Nebo Tinanaw ni Moises ang lupang pangako (Deut. 34:1–4). Ibinigay ni Moises ang kanyang tatlong huling pangaral (Deut. 1–32).

Kapatagan ng Moab Sinabi ng Panginoon sa Israel na paghati-hatian ang lupain at kunin ang pag-aari ng mga naninirahan (Blg. 33:50–56).

Ilog Jordan Tinawid ng Israel ang Ilog Jordan na tuyo ang lupa. Malapit sa Gilgal, naglagay ng mga bato mula sa kailaliman ng Ilog Jordan bilang sagisag ng pagkakahawi ng mga tubig ng Jordan (Jos. 3–5:1).

Jerico Sinakop at winasak ng mga anak ni Israel ang lunsod (Jos. 6).