1 Imatami Isaías, Amozpaj churi, Judámanda Jerusalénmandapash ricurca:

2 Yalishca jipa tucurimui punllacunapica, urcu jahuapi churashca Apunchijpaj huasi urcucunapa umashna canga, uchilla urcucunapaj jahuapi jatun alicachishca canga, tucui jatun llactacuna paipaman calpanga.

3 Tauca llactapuracuna ringa ningapash, shamuichi canguna, Apunchijpaj urcuman vichai jacuchi, Jacobpaj Diospaj huasiman; pai ñucanchiman paipaj ñangunamanda yachachinga, ñucanchica paipaj chaquiñangunapi purishun; Siónmanda catichunbacha saquishcacunaca llujshinga, Jerusalénmanda Apunchijpaj shimi.

4 Pai ricushpa chasquichinga tucui jatun llactacunamanda tauca llactapuracunata jarcashpa rimanga: paicunapaj espadacuna arado rejacunaman tigranga, paicunapaj lanzacuna cuchuna hocescunaman—jatun llactacuna espadata cutishuj jatun llactaman na vichai alsangachu, paicunapash na macanajunata ashtahuan ñana yachajungachu.

5 Oh Jacobpaj huasi, shamui canguna jacuchi purishpa Apunchijpaj michapi; ari, shamuichi, canguna tucuicuna pandarishca canguichi, shujllangaman paicunapaj na alita rurana ñangunapi.

6 Chaimanda, Oh Apunchij, quiquinba llactapuracunata jichushcangui, Jacobpaj huasita, paicunaca indi llujshiju ladopi jundashca can, Filisteocunashna yachajcunata uyan, paicunamandallata na rijsi runacunapaj huahuacunapi cushijun.

7 Paicunapaj pambapash culqui curipash junda can, paicunapaj tesorocuna na tucurinata charin; paicunapaj pambacunapash caballocuna junda, paicunapaj carretacunapash na tucurinata charin.

8 Paicunapaj llactacunapash yanga dioscuna junda can; paicunapaj maquicunahuan rurashcacunata paicuna adoran, imacunatami paicunapaj dedocunahuan rurashcacunata.

9 Yanga runaca na urai cumurin, jatun runaca na humillarin, chaimanda, paita ama perdonai.

10 Oh canguna na alita rurajcuna, rumiman yaicuichi, alpapi pacajuichi, Apunchijpaj manllaica ushai charijpa punchallacaica chugrichingami.

11 Yalishca jipa, runapaj jariyashca ricuica humillarishca canga, runacunapaj jatun jariyaicunaca urai cumuchishca canga, Apunchijca chai punllapi pailla jatun alicachishca canga.

12 Tucuita Mandaj Apunchijpaj punlla ña shamunga tucui jatun llactacunapa jahuapi, ari, shujllangaman; ari, jariyashcapaj jahuaman jatun jariyashcapa jahuamanbash, shujllangaman jahuaman pimi vichai alsarishca can, pai urai pushamushca canga.

13 Ari, Apunchijpaj punlla shamungami Líbanopaj tucui cedrocunaman, paicunaca jatunguna can vichai alsarishcapash; Basánpa tucui encinacunapaj jahuaman;

14 Tucui alto urcu jahuacunaman, tucui uchilla urcu jahuacunaman, tucui jatun llacta jahuacunaman chaicuna vichai alsarishcacuna can, tucui llactapuracunapa jahuamanbash;

15 Shujllangaman ninan jatun torre jahuaman, shujllangaman shinlliyachishca pircamanbash;

16 Mama cochapaj tucui barco jahuacunamanbash, Tarsispaj tucui barco jahuacunamanbash, tucui juyailla pintashca jahuacunamanbash.

17 Runapaj jariyaica urai cumuchishca canga, runacunapaj jatun jariyaipash urai churashca canga; Apunchijca chai punllapi pailla jatun alicachishca canga.

18 Yanga dioscunataca tucuilla tucuchinga.

19 Paicuna rumi utujucunaman ringa, alpa ucucunaman, Apunchijpaj manllaica paicunapaj jahuapi urmanga ushai charijpa punchalla caica chugrichinga, imaura pai jatarijpi manllanayaita alpa chujchunga.

20 Chai punllapica shuj runa shitanga paipaj culqui yanga dioscunata, curi yanga dioscunata, chaicunata paillata rurashca adorangapa; topocunaman, murciélagocunamanbash;

21 Huashajungapa rumicuna chilpirishcacunapi, huaicu jacacunapi, Apunchijpaj manllai paicunapaman shamunga ushai charijpa punchalla caica chugrichinga, imaura pai jatarijpica manllanayaita alpa chujchunga.

22 Saquichi runacunamanda, paipaj samai paipaj singapi; imapa ali cajpita yarinajunguichi?