1 Babiloniata llaquichina villaita, maijan Isaías Amozpaj churi ricurca.

2 Banderata shayachichi jatun urcu jahuapi, paicunaman shimita jatun alicachi, maquihuan ricuchichi, mandajcunapaj punguta paicuna yaicuchun.

3 Ñuca mandashca carca ñuca achilyachishcacunata, cayashcapash carca ñuca shinllicunata, ñuca fiñaica na paicunapaj jahuapichu picunami cushijun ñuca punchapamba caipi.

4 Ashtacacunapaj bulla urcucunapi, shuj jatun llactapuracunashna, tandanajushca reinocunapaj ninan shinlli bulla, Tucuita Mandaj Apunchijca tandachin macanajuj runacunata macanajuipa.

5 Paicuna shamun shuj caru llactamanda, jahua pacha tucurinamanda, ari, Apunchij, paipaj ninanda fiñaipaj macanajunacunapash, tucuilla alpata tucuchingapa.

6 Caparichi, Apunchijpaj punllaca ñami caillapi; Tucui Ushaita Charijpa shuj tucuchi laya shamunga.

7 Chaimanda tucui maquicuna ñana shinlli canga; tucui runacunapaj shungu irquiyanga;

8 Paicuna manllaita charinga; ninan nanaicunata llaquirinacunapash paicunata japinga; caishumanda chaishumanda manllarishpa ricuringa; paicuna ñavicuna rupajuj ninashna canga.

9 Riqui, Apunchijpaj punlla shamun, ninan na ali, millaihuan ninan fiñaihuan, alpata pipash illata saquinga; cai alpapi juchayucunata fichashpa saquinga.

10 Jahua pachapaj lucerocuna tandanajushca lucerocunapash na michata cunga; indica yanayanga shujshijushpa, lunaca paipaj michata na punchayachinga.

11 Ñuca cai pachata castigasha na ali ruraicunamanda, na alita rurajtapash paipaj juchacunamanda; jariyashcacunapaj tucuita yali cani yaicunata tucuchisha, ushaita charijcunapaj ninan jariyaicunatapash tucuchisha.

12 Runata rurasha ninan juyaillata fino curitapash yali; Ofirpaj curitapash yali runata.

13 Chaimanda, jahua pachacunata chujchuchisha, alpapash paipaj pushtumanda cuyuringa, Tucuita Mandaj Apunchijpaj fiñaipi, paipaj ninanda fiñashca punllapi.

14 Manllarishca taruhuashna canga, shuj llama michij illashna; shujllangaman paipaj llactapuracunapaman tigranga, calpanga paicunapalla alpaman.

15 Tucui jariyashcacunaca tujsi tucushca canga; ari, tucui na alita rurajcunahuan tandanajushcacuna espadahuan urmanga.

16 Paicunapaj huahuacunapash paicunapaj ñaupapillata caipi chaipi shitashca canga; paicunapaj huasicuna tiashcata apashca canga paicunapaj huarmicunapash violashca.

17 Riqui, Medocuna paicunapaj contra cachun tangachisha, paicuna culquita curitapash na valichingachu, nacashpaca paicuna na shujpata munanga.

18 Paicunapaj arcocuna huambra runacunata caiman chaiman chaspishpa faquinga; paicuna na llaquishpa ricungachu vijsapi viñanajujcunata; paipaj ñavicunapash huahuacunata na llaquingachu.

19 Babilonia, reinocunapaj punchalla cai, Caldeocuna alipacha juyailla, imaura Dios Sodoma Gomorrata tucuchirca shinallata canga.

20 Imaurapash ñana caipi causanga shuj miraimanda cutishuj miraiman na chaipi causanga: Árabeca na chaipi facha huasita shayachingachu; michijcunapash na paicunapaj llama corralta chaipi charingachu.

21 Ashtahuangari jichushca pambapaj sacha animalcuna chaipi sirinajunga; paipaj huasicuna llaquilla aullaj animalcuna junda canga; chushicuna chaipi causanga, chivocuna chaipi bailanajunga.

22 Islapaj sacha animalcuna aullanajunga paicunapaj pipash illa huasicunapi, dragóncuna paicunapaj juyailla jatun huasicunapi; chai punllaca ñalla shamunga, paipaj punllaca na shuyashca cangachu. Ñuca tucuchisha ñapash; ari, ñuca llactapuracunataca llaquishami, ashtahuangari na alita rurajcunataca tucuchishami.