1 Shina cajpipash, llaqui yana ucuca na cangachu paipaj jatun llaqui cashcashna, imaura pai callaripi jahualla Zabulónpaj alpata llaquichirca, Neftalípatapash, jipamanga ashtahuan shinlli llaquichirca Puca Jatun Mama Cocha manña manña Jordán chaishu lado Galileapi jatun llactacunapaj.

2 Llactapuracuna yanallapi purinajcunaca punchapamba michata ricushca carca; paicuna huañuipaj llandupi causanajujcunapaj jahuapi, michaca punchapamba shitashca can.

3 Quiquin jatun llactata ashtacata mirachishcangui, cushijuita mirachishcangui—cushijunajun quiquinba ñaupapi fucushcacunapaj tandachishpa cushijujpishna; imashna runacuna cushijun paicunapaj charishcacunata chaupirishpa.

4 Quiquinba llashachijuj yugota faquishcangui, rigra jahuapi varata, llaquichijpa caspita.

5 Macanajuj soldadopaj shujllangaman macanajuica ushashca bullahuan can, churajunacunapash yahuarpi tigrai urmashca; ashtahuangari caica cangami rupanajujcunahuan nina japirinallacunahuanbash.

6 Ñucanchiman shuj huahuagu nacirishca can, ñucanchiman shuj churita cushca can; paipaj rigra jahuapi jatun mandana canga; paipaj shuti shutichishca canga, Juyaillapacha, Consejero, Shinlli Dios, Mana Tucurina Taita, Sumaj Causaipaj Príncipe.

7 Jatun mandana mirai sumaj causaipash na tucurina tianllu, Davidpaj jatun tiarina jahuapi, paipaj reinota mandan, ruran ricushpa chasquichinahuan alicaihuanbash cunanmanda, na tucurinacaman. Tucuita Mandaj Apunchijpaj jatun munaimanda cai rurashca canga.

8 Apunchijca Jacobman paipaj shimita villarca caica Israelpa jahuapi samarca.

9 Tucui llactapuracuna yachanga, Efraínbash Samariapi causajcunapash, jariyaipi shinlli shunguhuan caita nijta:

10 Ladrillocuna urmamushca can, ashtahuangari huasichishunchi llambu rumicunahuan; sicomorocuna apiyamushca can, ashtahuangari cedrocunata churashunchi.

11 Chaimanda Apunchijca Rezínba na ricunayachijcunataca paipaj contra ruranga, tandachinga paipaj na ricunayachijcunata pajtacachun;

12 Siriacuna ñaupaman Filisteocuna huashaman; Israelta shimi junda langashpa tucuchinga. Tucui caicunahuan paipaj fiñai na tucurirca, ashtahuangari paipaj maqui chutashcara can.

13 Llactapuracunaca na tigrarin pimi castiganman, Tucuita Mandaj Apunchijtapash na mascan.

14 Chaimanda Apunchijca Israelmanda umata chupatapash, malqui yurapaj caspitapash shujlla punllapi cuchunga.

15 Punda taitaca, uma can; achil villachij llullata yachachij, pai chupa can.

16 Cai llactapurapaj apajcuna pandachijcuna; paicuna picunatami apan tucuchishca can.

17 Chaimanda Apunchijca na cushijuita charingachu paicunapaj huambracunamanda, na llaquingachu taita mama illacunata sapalla huarmicunatapash; tucuilla llullacuna na alicunata rurajcuna, juizu illa shimicunata parlajcunata. Tucui caicunahuan paipaj fiñai na tucurirca, ashtahuangari paipaj maqui chutashcara can.

18 Na ali ruraicunaca ninashna rupachin; tucuchin cardocunata cashacunatapash, sacha junda chaupipi japichinga, cushni huairapi vitsiajunshna.

19 Tucuita Mandaj Apunchijpaj fiñaimanda alpaca yanalla can, llactapuracunaca nina japirinallashna canga; nipipash paipaj huauquipurallatapash na llaquiringachu.

20 Pai ali lado maquita ñapash huarcuringa; yarjaita sentinga; lluqui ladomandapash micunga na vijsa pajtanga; shujllangaman runacuna paipaj jahua rigrapaj aichatallata micunga—

21 Manasés, Efraín; Efraínbash, Manaséspash; paicuna tandanajushpa Judápaj contra canga. Tucui caicunahuan paipaj fiñai na tucurirca, ashtahuangari paipaj maqui chutashcara canga.