1 Chai punllapica ningami: Oh Apunchij, ñuca quiquinda alicachisha; masqui ñucahuan fiñashca carcangui, quiquinba fiñai anchurishca, cushichihuashcangui.

2 Riqui, Dios ñuca quishpirina; ñuca yarishpa causasha, na manllashachu; Apunchij Jehová ñuca shinlli ñuca cantai can; ñucapa quishpichijmanbash tigrashca.

3 Chaimanda, quishpirina pujyumanda yacuta cushijuihuan llujchingui.

4 Chai punllapi ningui: Apunchijta alicachi, paipaj shutipi cayai, paipaj rurashcacunata llactapuracunaman yachachi, villachi paipaj shuti jatun alicachishca can.

5 Apunchijman cantai; paica alipacha cuzascunata rurashca can; caica tucui alpapi yachashca can.

6 Ninanda caparichi, Siónbi causajcuna; Israelpaj Achilca quiquinba chaupipica jatunmi can.