1 Cazuhuaichi, canguna ali ruranata catijcuna. Ricuichi rumita maimanda canguna faquishca canguichi, rumi llujchina utujutapash maimanda allashca canguichi.

2 Ricui Abrahamda, cangunapa taita, Saratapash, pai canda nacirca; ñuca paitalla cayarcani, achilyachircanipash.

3 Apunchijca Siónda cushichinga, pai cushichinga tucui paipaj jichushca pushtucunata; paipaj jichushca pambacunata Edénman, paipaj jichushca chaquishca pambata Apunchijpaj jardínman tigrachinga. Cushi cai cushijuipash chaipi tianga, pagui nishpa cantanshna shimihuanbash.

4 Uyahuaichi, ñuca llactapuracuna, rinrita mañachihuaichi, Oh ñuca jatun llactacuna; shuj catichunbacha saquishca ñucamanda llujshinga, ñuca alicai tiachun llactapuracunapa shuj micha cachun.

5 Ñuca ali rurana ladopi can; ñuca jatun quishpirina cachashca can, ñuca rigra llactapuracunata ricushpa chasquichisha. Islacuna ñucapi shuyanajun, paicuna ñuca rigrapi crin.

6 Vichai alsai cangunapaj ñavicunata jahua pachacunaman, alpata ricui urai; imashpa jahua pachacunaca cushnihuanshna chinganga, alpaca shuj churajunashna maucayanga; chaipi causajcunaca shina laya huañunga. Ashtahuangari ñuca jatun quishpichina na tucurinacaman canga, ñuca ali ruranaca na anchuchishca cangachu.

7 Uyahuaichi, canguna ali ruranata yachajcuna, llactapuracuna picunapaj shungupi ñuca quilcashca cani ñuca catichunbacha saquishcacunata, ama manllaichichu runapaj rimashpa pingaichinata, paicunapaj rimaicunatapash ama manllashca caichi.

8 Polilla paicunata shuj churajunatashna micunga, puchatashna paicunata juru micunga. Ashtahuangari ñuca ali ruranacunaca na tucurinacaman canga, ñuca jatun quishpirinapash shuj miraimanda cutishuj miraicaman.

9 Rijchari, rijchari! Ushaita churajui, Oh Apunchijpaj rigra; rijchari punda punllacunapishna. Nachu quiquin cangui pimi cuchurcangui Rahabta dragóndapash chugrichircangui?

10 Nachu cangui pimi mama cochata chaquichircangui, jatun ucumanda yacucunata; pimi mama cocha ucu ucuta shuj ñanbi tigrachircangui quishpishcacuna yalichun?

11 Chaimanda, Apunchijpaj jatun causachishcacunaca tigramunga, cantashpa Siónman shamunga; mana tucurina cushijui achil canapash paicunapaj umacunapi canga; paicuna chasquinga cushijuita cushi canatapash; llaquirina ayai ninapash yalinga.

12 Ñuca pai cani; ari, ñuca cani pai pimi canda cushichin. Riqui, pita cangui, runata manllashca cangapa, pimi huañunga, runapaj churi, pimi jihuashna canga?

13 Cungangapa Apunchijta quiquinba ruraj, pimi jahua pachacunatapash chutashca can, cai pachatapash rurashpa shayachirca, manllajunalla punllacunapi llaquichijpa fiñaimanda, pai ña tucuchingapashna cajpi? maipita llaquichijpa fiñai can?

14 Huatai tucushcashna apai tucujca apuran, cacharishca cangapa, vichana ucupi ama huañungapa, nacashpaca paipaj tandapash ama illachun.

15 Ashtahuangari Ñuca cani Apunchij quiquinba Dios, pipaj caiman chaiman cuyurinshnacunapash millayanajurca; Tucuita Mandaj Apunchij ñuca shuti can.

16 Ñuca quiquinba shimipi ñuca shimi ninacunata churani, quiquinda quilpani ñuca maquipaj llanduhuan, ñuca shayachita jahua pachacunata ushangapa, cai pachatapash rurashpa shayachingapa, Siónmanbash ningapa: Riqui, quiquin ñuca llactapura cangui.

17 Rijchari, rijchari, shayari, Oh Jerusalén, Apunchijpaj maquimanda ufiashcangui paipaj fiñai copata—ufiashcangui manllai copata mapacunacaman—

18 Tucui churicunamanda pai nacichishcamanda pipash illan pushangapa; paita na maquimanda japingapa, tucui churicunamanda pai viñachishca.

19 Cai ishcai churicuna quiquinbaman shamushca, pimi quiquinmanda llaqui canga—quiquinba imapash illa canamanda tucuchinamandapash, ninan yarjaimandapash espadamanda—pihuanshi quiquinda cushichisha?

20 Quiquinba churicuna juizu chingarishcacuna carca, cai ishcaica na; paicuna sirinajunga tucui ñangunapaj callarinacunapi, shuj sacha jari huagrashna shuj redpi, paicuna junda can Apunchijpaj fiñaihuan, quiquinba Diospaj rimaihuan.

21 Chaimanda cunan caita uyai, quiquin llaqui yalishca, machashcapash, na vinohuan:

22 Quiquinba Apunchij caita nin, Apunchijca quiquinba Dios paipaj llactapuracunamanda randi shayarin; Riqui, ñuca quichushcani quiquinba maquimanda manllana copata, mapata ñuca fiñai copamanda; ashtahuan cutinga na ufianguichu.

23 Ashtahuangari ñuca churasha quiquinda llaquichijcunapaj maquipi; pimi nishca carca quiquinba almaman: Cunguri, ñucanchi jahuata ri ushangapa—quiquinba cuerpota sirichircangui alpatashna ñandashna paicuna jahuata yalichun.

24 Rijchari, rijchari, churajui quiquinba ushaihuan, Oh Sión; churajui quiquinba juyailla churajunacunata, Oh Jerusalén, Achil llacta; nimaurapash ñana shamungachu quiquinman circuncisiónda na rurashca mapallapash.

25 Chaspiri alpamanda, jatari, tiari, Oh Jerusalén; cachari quiquinmandallata huatashcacunata quiquinba cungamanda, Oh huatai tucushcashna Siónba ushi.