1 Ay picuna mandan na ali mandashcacunata, quilcanbash llaquichinajuchunllami paicuna mandashca cashcata;

2 Imatapash na charijcunata ricushpa chasquinamanda anchuchin, huajchacunapa privilegiota ñuca llactapuramanda quichun, sapalla huarmicuna paicuna macanajuipi japishca cachun, taita mama illacunata shuhuai ushangapa!

3 Imatashi rurangui llaquichina punllapica, carumanda tucuchina shamujpica? picunamanshi calpangui ayudata mañangapa? maipishi saquingui cangunapaj ushaita?

4 Ñuca illajpica paicuna prezu apajcunahuan ringa, huañuchi tucungapa. Tucui caicunamanda paipaj fiñai na tucurirca, ashtahuangari paipaj maqui chutashcara can.

5 Oh Asiriacuna, ñuca fiñaipaj vara, canba maquipi caspica paicunapa ninanda fiñai can.

6 Llulla jatun llactaman cachasha, ñuca fiñaipaj llactapuramanbash paicunapaj charishcacunata mingasha macanajuipi japishpa apachun, ñangunapaj yacu turutashna sarui.

7 Shina cajpipash paipaj munaica na caichu, paipaj shungupash na shina yajungachu; ashtahuangari paipaj shungupica tucuchinatalla anchuchi tucunatapash yuyan jatun llactacunata na huaquinllata.

8 Pai nin: Nachu tucui ñuca jatun mandajcuna ñuca príncipecuna can?

9 Nachu can Calno Carquemis laya? Nachu can Hamat Arfad laya, nachu can Samaria Damasco laya?

10 Imashna ñuca maqui yanga dioscunapaj reinocuna rurashca, imamanbash rijchata rurashca dioscuna Jerusalénda Samariatapash yalishca jatun can,

11 Nacha Jerusalénda paipaj yanga dioscunataca llaquichisha imashna Samariata shinallata paipaj yanga dioscunatapash llaquichircani?

12 Chaimanda yalishca jipa imaura Apunchijca paipaj tucui ruraita rurashca cashpa Sión Urcupi Jerusalénpipash, ñuca llaquichisha Asiriapaj jatun mandajpa ushai chari shungupa mirachishcata, paipaj jariyashca ricujuj punchalla caitapash.

13 Pai nin: Ñuca maquipaj shinllihuan ñuca jatun yachaihuanbash cai cuzascunata rurashcani; yachashca cani; llactapurapaj manñacunata apashcani, paicunapaj charishcacunata shuhuashcani, causajcunata shuj millai runashna millashcani;

14 Ñuca maqui tarin shuj tazindashna llactapurapaj charishcacunata; lulungunata jichushpa saquishcata tandachinshna shina tandachircani tucui alpamanda; na pipash tiarcachu alasta cuyuchishpa, shimita pascashpa, na cashpaca mitsarcachu.

15 Jachaca chai jachahuanllata chijtajuj runata yalishpa jariyai ushanllu? Sierraca chai sierrahuanllata cuyuchijujpi jatunyangacha? varapash chai varatallata apajujta jatarichi ushanllu, na cashpaca tauna caspi jariyai ushanllu na caspi caishna!

16 Chaimanda Apunchijca, Tucuita Mandaj Apunchijca, tzalallata viracunapaman cachanga; paipaj punchapamba caihuan japichinga shuj ninata japirijuj ninatashna.

17 Israelpaj michaca shuj nina canga, paipaj Achil shuj pucapamba nina, shujlla punllapi cashacunata cardocunatapash rupachinga tucuchingapash;

18 Tucuchinga paipaj juyailla bosqueta, ali fucuj pambatapash, ishcandi almata cuerpotapash; paicuna canga imaura shuj banderata apajuj juizu chingajpi urmaj laya.

19 Paipaj sachamanda puchushca yuracunaca huaquinlla canga, chaicunataca uchilla huahuapash yupai ushanga.

20 Yalishca jipa chai punllapi Israelpaj puchushcacuna, Jacobpaj huasimanda pacajushpa rishcacuna, cutinga ñana llaquichijcunapaj munaipi causangachu, ashtahuangari Apunchij, Israelpaj Achilpa, ciertopaj munaipi causanga.

21 Puchushcacuna tigramunga, ari, Jacobpaj puchushcacunapash, shinlli Diospaman.

22 Masqui quiquinba Israel llactapura canga jatun mama cochapaj tʼiyushna, shina cashpapash paicunapaj shuj puchushca tigramunga; tucuchina mandashcata ali ruranahuan jundashpa jicharinga.

23 Tucuita Mandaj Apunchij Diosca puchucanata ruranga, tucui alpapi na nishca shina.

24 Chaimanda, Tucuita Mandaj Apunchij Diosca shina nin: Oh ñuca llactapura Siónpi causajcuna, Asiracunata ama manllangui; shuj varahuan quiquinda chugrichinga, quiquinbaman caspita jatarichinga, Egiptopaj cashcata catishpa.

25 Ashata cashcaman, ninanda fiñai tucuringa, ñuca fiñai paicunapaj tucuchinapa.

26 Tucuita Mandaj Apunchij paipaman shuj astita jatarichinga Madiánpaj huañuchishpa tucuchishcashna Horebpa rumi jacapi; paipaj vara jatun mama cocha rishca laya shina pai alsanga Egipto cashcata catishpa.

27 Yalishca jipa chai punllapi paipaj llashachijujta anchuchishca canga quiquinba rigra jahuamanda, paipaj yugota quiquinba cungamanda, yugoca tucuchishca cangami ungimanda.

28 Ayatpaman shamun, Migrónman yalishca can; Micmaspi carretacunata saquishca can.

29 Paicuna chaquiñanda yalishcacuna can; Gebapi ashata samangapa shayarin; Ramá manllan; Saúlpaj Gabaa pacajushpa rishca can.

30 Shimita shinlli alsai, Oh Galimpaj ushi; Laiscaman uyashca cachun, Oh huajcha Anatot.

31 Madmena shujman apai tucushca can; Gebimpi causajcuna paicunapura tandanajun pacajushpa ringapa.

32 Nobpira pai canga chai punlla; paipaj maquita chaspinga Siónpaj ushipaj urcuman, Jerusalénpaj uchilla urcu.

33 Riqui, Apunchijca, Tucuita Mandaj Apunchijca ninan fiñaihuan racu malquita fitinga; jatun viñai cani yajcunapash uchillayangami; jariyajcunapash humilde tucunga.

34 Sachayashca bosquecunata hierrohuan cuchunga, Líbano urmanga shuj shinlli ushaita charijpa maquihuan.