1 Ari, Apunchijca shina nin: saquishcanichu quiquinda, nacashpaca jichushcanichu quiquinda na tucurinacaman? Apunchijca shina nin: Maipita can canba mamapaj divorciarina quilcashca fanga? pitami ñuca saquishcani, na cashpaca ñuca maijan acreedorcunaman canda jatushca cani? Ari, picunaman canda jatushcani? Riqui, canba na alita ruraicunamanda cangunamandallata jaturishcanguichi, cangunapa na alita rurashcacunamanda canba mama saqui tucushca can.

2 Chaimanda, imaura ñuca shamujpi, pipash illarca; ñuca cayajpi, pipash tigrachingapa illarca. Oh Israelpaj huasi, ñuca maqui uchillayashca canllu ama jatun causachingapa, nacashpaca na tianllu ñucapi ushai cacharichingapa? Riqui, ñuca rimaihuan mama cochata chaquichini, jatun rijuj yacucunatapash shuj jichushca pambaman ñuca tigrachini paicunapaj pijicunatapash ashnan yacucuna chaquishca caimanda, paicuna huañun yacunayaimanda.

3 Ñuca jahua pachacunata churachisha yanallahuan, ñuca tigrachisha yanallata paicunapaj churajunaman.

4 Apunchij Dios cuhuashca ali yachajushca shimirimaita, ñuca yachangapa imashna parlana shuj shimi villanata quiquinman, Oh Israelpaj huasi. Imaura can shaijushca cangui pai pacarimanda pacaricaman velan. Pai ñuca rinrita pascan uyachun ali yachaj laya.

5 Apunchij Diosca ñuca rinrita pascashca can, ñuca na cazuj na cashcani, huashamanbash na tigrashcani.

6 Ñuca saquircani ñuca huashata astijcunaman, ñuca ñavi chichucunata picunami barbasta aisajcunaman. Ñuca ñavita na pacarcanichu pingaichimanda tʼucamandapash.

7 Apunchij Diosca ayudahuangami, chaimanda na pandai tucushca cashachu. Chaimanda ñuca ñavita shuj shinlli rumitashna churashcani, yachanimi na pingai tucushca cashachu.

8 Apunchijca ladopi can, pai alicachihuashca. Pita ñucahuan fiñanajunga? Tandanajushunchi. Pita ñucapa na ricunayachij? Ñucapaman quimirimui, ñuca astisha ñuca shimipa shinllihuan.

9 Apunchij Diosca ayudahuangami. Tucui paicuna picuna ñucata imatapash nihuashcacuna, riqui, tucui paicuna maucayanga shuj churajunashna, polilla micushpa tucuchinga.

10 Pita cangunamanda Apunchijta manllaj tian, servij runapaj shimita cazuj, yanallapi purij michata na charij?

11 Riqui tucui canguna ninata japichin, rupajuj chispahuan cangunamandallata muyushca canguichi, purichi cangunapaj ninapaj michapi rupajuj chispapi canguna japichishcapi. Caita canguna chasquinguichi ñuca maquimanda—canguna llaquirinapi pambai tucunguichi.