1 Cunanga, ñuca Nefi Achil villachishcacunamanda parlani caicunaca ñuca Taita ña parlashca, Josémanda, pimi Egiptoman apai tucushca carca.

2 Riqui, pai tucuilla paipaj cati aillucunamanda Achil villachircapachami. Pai quilcashca achil villachishcacuna, ashtahuan jatun na tianllu. Ñucanchimanda achil villachircapachami, ñucanchipaj cati aillucunamandapash; chaicunaca bronce jirru fangacunapi quilcashca can.

3 Chaimanda, ñuca Taita Josépa Achil villashcacunata parlashca jipaca, pai cayarca Lamánpaj huahuacunata, churicunata, ushicunatapash, paicunaman nirca: Riqui, ñucapa churicuna, ushicuna, ñuca rucu churipa churicuna, ushicuna, ñuca munaiman ñucapa nishcacunata rinrita mañachichun.

4 Apunchij Diosca nishcami: Ñuca rurachunbacha saquishcacunata rurashpaca, cai pambapi ali miranguichimi; rurachunbacha saquishcacunata na rurashpaca ñuca ñaupamanda anchuchi tucushcami canguichi.

5 Shinapash riqui, ñuca churicuna, ñuca ushicunapash. Ñuca na huañui ushashachu nara quiquingunata achil yachishpaca, riqui, yachanimi ali ñanda catinatapacha yachachi tucushpaca; na chaimanda caruyanguichichu.

6 Chaimanda llaquichi tucushpaca, riqui quiquingunapa jahuapi saquinimi achil yachita, llaquicuna anchurishca cachun, Taitacunapaj umapi urmachun.

7 Chaimada, ñuca Achil yachishcamanda Apunchij Dios na tucurichun saquingachu; chaimanda, pai quiquingunamanda llaquinga cati aillucunamandapash llaquinga na tucurinacaman.

8 Yalishca jipa ñuca Taita parlashcacunata tucuchishca jipa Lamánpaj churicuna, ushicunatapash Lemuelpaj churicuna ushicunatapash paipaj ñaupaman cayacacharca.

9 Paicunaman parlashpa, nirca, riqui ñuca churicuna, ñuca ushicuna, ñuca cati churipa churicuna ushicuna; riqui ñuca cangunaman saquini Lamánpaj churicunapa ushicunapa chai achilyachiscacunatallata; chaimanda, mana tucuilla tucuchi tucunguichichu ashtahuangari cangunapaj cati aillucuna jipaman achil yachishca cangami.

10 Yalishca jipa ñuca Taita paicunaman parlashca jipaca, riqui Ismaelpaj churicunaman parlarca, ari tucui paipaj huasi ucucunapi causajcunamanbash.

11 Paicunaman parlashca jipaca, pai parlarca Samta nishpa; can canbaj cati aillucunanatapash; Achilyachishca caichi; quiquinbaj huauqui Nefishna llactata chasquinguimi; canbaj cati aillucunaca Nefipaj cati aillucunahuan yuparinga, canba huauquishnallami cangui, canba cati aillucunaca paipaj cati aillucunashnami canga; canba tucui punllacunapi Achilyachishcami cangui.

12 Yalishca jipa ñuca Taita Lehi paipaj huasipi causajcunamanman parlashca jipa, paipaj shungupi yuyaicunamanta, Apunchijpaj Espíritu paipi carcami. Lehi rucuyarca. Yalishca jipa huañurca, pambai tucurca.

13 Yalishca jipa, Lamán, Lemuel Ismaelpaj churicunapash ñucahuan fiñarirca Apunchijpaj shinlli tacurishcacunamanda.

14 Ñuca Nefi tangai tucushpa paicunaman parlarcani Achil shimi nishca shina; ñucaca ashtaca cuzascunata paicunaman parlarcani, ñuca Taitapash nara huañushpallata; ashtaca chai nishcacuna ñucapaj shuj jirru fangacunapi quilcashcami; chaicunapica imashna causashcatami ashtahuan quilcashca can ñucapaj cutishuj jirru fangacunapi.

15 Caicunapaj jahuapi ñuca quilcani imacuna ñucapa almamanda ashtaca achil quilcashcacunapash bronce jirru fangacunapimi quilcashca. Ñuca almaca Achil quilcashcacunapi cushijun; chaicunataca shungupi aliguta yarijunilla; chaicunaca ñuca huahuacuna ali yachajushpa ali cachun quilcani:

16 Riqui, ñuca alma Apunchijpaj cuzascunapi cushijun; ñuca shungu chai cuzascunata aliguta yarijunlla chai ñuca ricushcata uyashcatapash.

17 Shinapash, ashtahuangari Apunchijpaj jatun alicaita ñucaman ricuchijpipash paipa jatun juyailla ruraicunata, ñuca shungu shina caparin: Ay llaquinayai jari cani! Ari, ñuca shungu ñuca aichamanda llaquiyan; ñuca alma ñucapaj na ali ruraicunamanda llaquiyan.

18 Ñuca chaupipi churashca cani, tentacióncunahuan juchacunahuanbash chaicuna ñucata urmachinalla.

19 Ñuca cushijungapa munajpica, ñuca shunguca ñuca juchacunamanta jatunda llaquiyan. Shina cashpapash, ñuca yachani pimanmi shunguta churashpa shuyashcani.

20 Ñuca Dios ñucata shinllichij cashna; jichushca pambapi llaquicunamanda, pushahuarca; ninan jatun yacupipash ama pambarichun alchishpa charihuarca.

21 Paipa juyaihuan ñucata jundachirca, ñuca aicha tucuringacaman.

22 Pai ñucata na ricunayachijcunata pandachirca ñuca ñaupapi chujchuchingacaman.

23 Riqui, pai ñuca punllapi caparijta uyarca, tuta Achil muscuicunapi rijsichicunata cuhuarca.

24 Punllapi ñuca shinllitucuni tucui ushaihuan ninanda achil mañashpa paipaj ñaupapi, ari ñuca shimi nishca jahua caman vitsiarca ángelcuna uriajumushpa yachachihuarca.

25 Paipaj Espíritu alascunapi ñuca tullu aicha jahua urcucunaman apai tucurca. Ñuca ñavicuna jatun cashcacunata ricurca, ari jatunbachami jaricunapaca chaimanda nihuarca chaicunata ama quilcaichu.

26 Chaica, ñuca jatun cashcacunata ricushca cashpaca, Apunchijpaj Achil juyaipi runacunapaj huahuacunaman ricurimurca paicunaman ashtaca llaquirishpa, imashpata, ñuca shungu huacan ñuca almaca llaquirina pugrupambapi shuyan, imashpa ñuca aicha tucurimujun, imashpa ñuca shinlli cai tucurimujun ñucapaj llaquicunamanda?

27 Imashpata juchacuna yalichun saquini ñuca aichamanda? Ari, imashpata saquisha tentacióncuna yalichun, shinashpa aya ñuca shungupi tiarichun ñuca sumaj causaita tucuchichun ñuca almata llaquichichun? Imashpata ñuca na ricunayachijcunamanda fiñarini?

28 Rijchari, ñuca alma! Ama juchapi irquiyai. Cushijuri ñuca shungu, ama tiarichun saquichu ashtahuan ñuca almapa na ricunayachijcunata.

29 Ama cutin fiñarichu ñucapa na ricunayachijcunamanda. Ama tucurichun ñuca shinllicai ñuca llaquicunamanda.

30 Cushijuri, ñuca shungu, mañaipash Apunchijta, shina ni: Apunchij, ñuca sumajta alicachijushallamari quiquinda na tucurinacaman; ari, ñuca alma cushijuringami quiquinbi, ñuca Dios, ñuca quishpichij rumimi cangui.

31 Apunchij, ñuca almata jatun causachigringichu? ñucata na ricunayachijcunapaj maquimanda cacharigringichu? juchacuna ricurimujpi Chujchuchigringichu?

32 Ucu pacha pungucuna vichashcalla cachun munani ñuca ñaupapi, chaimanda ñuca shungu faquirishca ñuca Espíritu cazuj amujlla can! Apunchij, quiquinba ali ruranapaj pungucunata ama vichaichu ñuca ñaupapi, ñuca purichun ucu pugru ñanda, jahua pambapi ricushpa purichun.

33 Apunchij, pilluchihuai quiquinba tucui ali pillurinahuan! Apunchij ñanda ricuchi quishpiringapa ñucapa na ricunayachijcunamanda! Rurapai ali ñanda ñuca ñaupapi! Ama churaichu urmachinacunata ñuca ñanbi, ashtahuangari munani anchuchichu ñuca ñanmanda ñuca ñaupamanda; ama jarcaichu ñuca ñanda, ashtahuangari ñucapa na ricunayachijcunapataj.

34 Ay Apunchij, quiquinbimi ñuca shunguta churashpa shuyani na tucurinacaman. Na churashachu shunguta aichapaj rigrapi; yachanimi llaquichishca canga maijanbash shunguta churashpa shuyan aichapaj rigrapi. Ari, llaquichishca canga maijanbash shunguta churashpa shuyan runacunapi, nacashpa aichamanda ruran paipa rigrata.

35 Ari, ñuca yachani Dios na mitsashpa ashtacata cunga paita mañajpica. Ari, ñuca Dios ñucaman cunga alitalla mañajpi; chaimanda ñuca shimi nishcata jahuayachisha quiquinma; ari, ñuca mañashami quiquinda ñucapaj Dios, ali ruranapaj rumi. Riqui, ñuca shimi nishcata vitsiachisha quiquinma na tucurinacaman, ñuca rumi na tucurinacaman na tucurij Dios. Shinacapashcachun.