1 Yalishca jipa Acazpaj punllacunapi Jotamba churi, Uzíaspaj churi, Judápaj jatun mandaj, Rezín, Siriapaj jatun mandaj, Peca Remalíaspaj churi, Israelpaj jatun mandaj, Jerusalénman rirca macanajungapa, ashtahuangari na mishai usharca.

2 Caita villashca carca Davidpa huasiman, nishpa: Siria Efraínhuan tandanajushca can. Paipaj shungu chujchurca, llactapuracunapaj shungupash, bosque yuracuna huairahuan cuyunshna.

3 Jipaman Apunchij Isaíasman nirca: Ri tuparigri Acazta, can canba churi Sear-jasub, jahua yacu cochaman ricuchijuj tucurinapi tajshaj pambapa jatun ñanbi;

4 Paiman ni: Cuidado, casilla cai; ama manllai, shungupash ama juizu illa cachun cai ishcai cushniju japirijuj carbónmanda Rezínpaj millai fiñaimanda Siriahuan, Remalíaspaj churimandapash.

5 Siria, Efraín, Remalíaspaj churipash, na ali rurana nishcata japishca quiquinhuan macanajungapa, nishpa:

6 Jacuchi Judápaman llaquichishunbash, ñucanchipaj shuj uchilla yalinata rurashunchi, cai chaupipi shuj jatun mandajta churashun, ari, Tabeelpaj churita.

7 Apunchij Diosca shina nin: Caita na rurangachu na yalishca jipa cangachu.

8 Siriapaj umaca Damasco can, Damascopaj umaca, Rezín; sujta chunga picha huatacunapica Efraín faquirishca canga ñana llactapura cangacaman.

9 Efraínpaj umaca Samaria can, Samariapaj umaca Remalíaspaj churi. Canguna na crishpaca ciertopacha canguna na tianguichichu.

10 Ashtahuan, Apunchijca Acazman cutin parlarca, nishpa:

11 Mañai Apunchij quiquinba Diospaj shuj señalta; mañai urai ucu ucupi, na cashpa jahua vichaipi.

12 Ashtahuangari Acaz nirca: Ñuca na mañasha, Apunchijta na tentashachu.

13 Pai nirca: Uyahuaichi cunan, Oh Davidpaj huasi; cangunapaj nijushcapi runacunata fiñachina uchilla can, ashtahuangari ñuca Diostapash nijushcapi fiñachinguichicha?

14 Chaimanda, Apunchijca paimandallata shuj señalta cunga—Riqui, jarihuan na tacarishca cuitsagu vijsayu tucunga, shuj churita nacinga, paipaj shuti Emanuel canga.

15 Paica leche virata mishquita micunga, na alita na munanamanda alitalla ajllanata yachajungacaman.

16 Huahua nara na alita na munanamanda alitalla ajllanata yachajungacaman, quiquin millanayachij alpaca jichushca canga paipaj ishcai jatun mandajcunamanda.

17 Apunchijca quiquinbaman apamunga, quiquinba llactapuracunapaman, quiquinba taitapaj huasiman, punllacuna imaurapash na shamushcacuna Efraín Judámanda anchurishcamanda, Asiriapaj jatun mandaj.

18 Yalishca jipa chai punllaca Apunchijca chuspita silbanga caica Egipto caru pushtupi can, balun chuspita Asiria alpapi cajtapash.

19 Paicuna shamunga, tucui puchucunaca pipash illa pugru pambacunapi rumi utujucunapi, tucui casha jahuacunapi, tucui yura jahuacunapipash samanga.

20 Chai punllaca Apunchijca shuj culquipa mañashca navajahuan barbasta cuchunga, jatun yacu rijuj chaishu ladomandacunahuan, Asiriapaj jatun mandajhuan, umaca, chaqui ajchapash; barbaspash tucuilla cuchushca canga.

21 Yalishca jipa chai punllacunapi, shuj runa viñachinga shuj chicu huahuata ishcai llamatapash;

22 Yalishca jipa, ashtacapacha lecheta paicuna cujpi pai leche virata micunga; leche virata mishquitapash tucuicuna alpapira cajcuna micunga.

23 Cai yalishca jipa chai punllapi, shujllangaman pushtu tianga, maipi tiarca shuj huaranga uvas chagracuna shuj huaranga culqui ciclopa valishca chaica cardoscunapa cashacunapa saquiringa.

24 Flechacunahuan arcocunahuan runacuna chaiman yaicunga, tucui alpacuna cardacunaman cashacunaman tigranga.

25 Tucui uchilla urcucuna azadónhuan utujushcacunaca, na chaiman chayamungachu cardoscunata cashacunata manllaimanda; ashtahuangari caica bueycuna micuna jihua canga, sarushca cachun uchilla huagracunahuan.