1Ko e mooli, ko e mooli, ke tala atu e au kua finagalo au ke age e mutolu e tau mena fakaalofa ke he tau tagata nonofogati, ka ko mutolu, neke age ha mutolu a tau mena fakaalofa ki mua he tau tagata kia kitia ai e lautolu, ka pihia ti nakai fai taui a mutolu ke he Matua ha mutolu ha ha he lagi.

2Hanai, ka age e koe e tau mena fakaalofa, aua neke uulo e ko e e pu i mua haau, tuga ne eke he tau tagata fakavai ke he tau sunako moe tau puhala tu, kia nava ai e tau tagata ki a lautolu, ko e mooli, ke tala atu e au ki a mutolu, kua moua tuai e lautolu ha lautolu a taui.

3Ka age e koe e tau mena fakaalofa, aua neke kitia he haau a lima hema e mena kua eke he haau a lima matau.

4Kia fufu haau a tau mena fakaalofa, aua neke uulo e koe e pu i mua haau, tuga ne eke he tau tagata fakavai ke he tau sunako mo e tau puhala tu, kia nava ai e tau tagata ki a lautolu, ko e mooli, ke tala atu e au ki a mutolu, kua moua tuai e lautolu ha lautolu a taui.

5Ka age e koe e tau mena fakaalofa, aua neke kitia he haau a lima hema e mena kua eke he haau a lima matau.

6Kia fufu haau a tau mena fakaalofa, ko e haau a Matua, foki ko ia kua fioia e tau mena galo, to ta mai fakakite e ia e taui ki a koe.

7Ka liogi a mutolu, aua neke pola mau ha mutolu a tau kupu, tuga e tau motu kehe; ha ko e mena piko na lautolu, ko e tau kupu loga ha lautolu ke talia mai ai a lautolu.

8Hanai, aua neke tuga a lautolu a mutolu, ha ko e mena kua fioia he ha mutolu a Matua e tau mena kua nonofogati ai a mutolu, ka e nakai la ole atu a mutolu ki ai.

9Hanai, kia liogi pehe a mutolu, Ha mautolu a Matua na e, ha ha he lagi, kia tapu haau a higoa.

10Kia eke haau a finagalo ke he lalolagi, tuga ne eke ke he lagi.

11Kia fakamagalo e koe ki a mautolu ha mautolu a tau hala, tuga a mautolu ne fakamagalo atu ki a lautolu ne eke fakakelea mai ki a mautolu.

12Aua neke uta e koe a mautolu ke he kamatamata, ka e laveaki mai a e koe a mautolu he tau mena kelea.

13Ha ko e mena ha ha ia koe e kautu, mo e malolo, katoa mo e fakahekeaga tukulagi, Amene.

14Kaeke ke fakamagalo atu e mutolu ke he tau tagata e tau hala ha lautolu, ti fakamagalo mai foki a mutolu he Matua ha mutolu ha ha he lagi.

15Kaeke foki kua nakai fakamagalo atu e mutolu ke he tau tagata e tau hala ha lautolu, ti nakai fakamagalo foki ha mutolu a Matua ha mutolu a tau hala.

16Ka fakakanopogi a mutolu aua neke fakamatakelea a mutolu, tuga e tau tagata fakavai, ha kua fakakehe e lautolu ha lautolu a tau mata, kia kitia ai he tau tagata kua fakakanopogi a lautolu. Ko e mooli ke tala atu e au ki a mutolu, kua moua tuai e lautolu ha lautolu a taui.

17Ka ko koe, ka fakanopogi a koe, kia uku haau a ulu, mo e holoholo haau a mata;

18Kia nakai kitia he tau tagata kua fakakanopogi a koe, ka ko e haau a Matua ha ha he mena galo, to ta mai fakakite e ia e taui ki a koe.

19Aua neke tanaki e mutolu e tau koloa ma mutolu ke he lalolagi, kua ha ha i ai e moko mo e pala ke fakaoti ai, ha ha i ai foki e tau tagata kaiha ke keli atu mo e kaiha ai.

20Ka kia tanaki e mutolu e tau koloa ma mutolu ke he lagi, nakai ha ha i ai e moko mo e pala ke fakaoti ai, ha ha i ai foki e tau tagata kaiha ke keli atu mo e kaiha ai.

21Ha ko e mena ne ha i ai ha mutolu a tau koloa, ha ha i ai foki mo e tau loto ha mutolu.

22Ko e hulu he tino ko e tau mata haia, kaeke foki ke mitaki haau a tau mata, ti maama ai haau a tino oti.

23Kaeke kua kelea haau a tau mata, ti pouli, ai haau a tino oti. Hanai, kaeke ke pouli e maama ha ha ia koe, a ti lahi ue atu ai e pouli ia.

24Nakai maeke ia taha ke fekafekau ke he na iki ne tokoua, ha ko e mena to fakavihia e ia taha, ka e fakaalofa ke he taha, ka nakai pihia, ti pipiki atu a ia ke he taha, ka e fakateaga ke he taha. Nakai maeke ia mutolu ke fekafekau ke he Atua mo Mamone.

25Kua vagahau e Iesu e tau kupu nai ti kikite atu ai ke he toko hogofulu maua ne fifili e ia mo e pehe atu ki a lautolu. Kia tokaloto a e mutolu e tau kupu nai ne fakamatala atu e au. Ha ko e mena kitia la, ko mutolu, ko lautolu haia ne fifili e au ke fekafekau atu ke he tau tagata nai. Ko e mena haia ne tala atu ai au ki a mutolu, aua neke fakaatukehe a mutolu ke he tau momoui ha mutolu, ke he tau mena ke kai ai a mutolu, mo e tau mena ke inu ai a mutolu, po ke tau tino ha mutolu ke he tau mena ke tapulu ai a mutolu. Ka e nakai kia ko e mena mua e moui ke he mena kai, ti kua mua e tino ke he tapulu?

26Kia kitekite a mutolu ke he tau manu lele, nakai gana saito a lautolu po ke helehele saito, po ke tanaki ke he tau fale saito, ka e fagai ni a lautolu he Matua ha mutolu ha ha he lagi. Ka e nakai kia ko e mena mua ha mutolu a mitaki ki a lautolu.

27Ko hai kia taha ia mutolu ke maeke ia ia he haana a manamanatuaga ke fakaloa haana tuaga ke he kupita taha.

28Ti kua fakaatukehe he ha a mutolu ke he tau tapulu? Kua manamanatu a mutolu ke he tau talotalo he fonua, po ke tupu fefe, nakai gahua a lautolu, ti nakai iko filo a lautolu.

29Ka e tala atu e au ki a mutolu, ko Solomona mo e haana lilifu lahi nakai tapulu a ia poke taha he tau mena na.

30Kaeke kua fakatapulu pihia he Atua e motie he fonua kua moui mai he aho nai, ka e tolo a pogipogi ke he umu, to pihia foki a ia he fakatapulu a mutolu, kaeke ke nakai tote e tua ha mutolu.

31Hanai, aua neke fakaatukehe a mutolu, mo e pehe age, To kai a tautolu ha ha, po ke inu a tautolu ha ha, po ke tapulu a tautolu ha ha?

32Ha ko e mena fioia he matua ha mutolu ha ha he lagi kua aoga e tau mena oti ia ki a mutolu.

33Ka kia kumikumi fakamua a mutolu ke he kautu he Atua mo e haana a tututonu, a ti lafi atu ai e tau mena oti ia ki a mutolu.

34Hanai, aua neke manamanatu a mutolu ke he aho a pogipogi, ha ko e mena to manatu ni a pogipogi e tau mena ma e aho. Kua lata ni e aho taha mo e tau mena kelea kua ha ha i ai.