1Fanogonogo mai a mutolu e tau Tagata Kehe, ti logona e tau kupu ha Iesu Keriso, ko e tama he Atua moui, ne kua poaki mai ki a au ke vagahau atu e au e tau mena nai kua lata ia mo mutolu, ha ko e mena kitia la, kua poaki mai a ia ke tohi ai e au pehe:

2Kia liliu kehe mai a mutolu ma tau Tagata Kehe mai he tau puhala hepehepe ha mutolu; ti fakatokihala foki mai he tau mena kelea kua eke ai e mutolu, ko e tau pikopiko, mo e tau mahani fakahehe mo e tau mahani feuaki, mo e tau mahani kelea fakagalogalo ha mutolu, mo e tau mahani faivao, kelipopo tagata, mo e tau mahani fakataulatua, ko e tau mahani mahekeheke, mo e tau latau, mo e tau mahani kelea oti kana mo e fakalialia, ti o mai ai ki a au, mo e papatiso ai ke he haaku a higoa, ke moua ai e fakamagaloaga ke he tau hala, mo e fakapuke ai ke he Agaaga Tapu, mo e totou ai a mutolu fakalataha moe haaku a tau tagata kua eke ai ko e magafaoa a Isaraela.