1Ne hoko ai, mole he vagahau e Iesu e tau mena nai ti fakamatala ai e ia ki a lautolu e lanu tagata, ne fakamatala e ia e tau mena oti ki a lautolu, ko e tau mena lalahi katoa mo e tau mena ikiiki.

2Kua pehe age a ia, ko e tau tohi nai, ne nakai ha i ai ia mutolu, ne poaki mai e Matua ki a au ke tuku atu e au ki a mutolu, ha ko e mena ko e pulotu ia ki a ia ke tuku age foki e lautolu ke he tau atuhau a noiha.

3Ne fakamatala e ia e tau mena oti, tali mai he kamataaga a to hoko ke he magaaho ke haele mai ai a ia ke he haana a fofoga lilifu, hanai, pihia e tau mena oti ka hohoko mai ki luga he fuga kelekele pihia foki mo e tau mena kua tataka ha kua velagia ai ti viko ai e lalolagi tuga e tohi vakai ti mole agataha ai e lagi mo e lalolagi.

4Ato pihia atu foki ke he aho fakamui ne mua ue atu ka tutu ai e tau tagata oti, mo e tau magafaoa oti, mo e tau motu oti, mo e tau vagahau oti ki mua he Atua, ke fakafili a lautolu ke lata mo e ha lautolu a tau gahua, ke iloa ai ko e mitaki a lautolu po ke kelea.

5Kaeke ke mitaki a lautolu, to liu tutu mai a lautolu ke he moui tukulagi, ti kaeke ke kelea, to liu tutu mai he malaia, ha ko e mena o fakafehagaaki a laua nai ko e taha ke he taha lima ka ko e taha ke he taha lima foki ke lata ai moe fakaalofa noa, mo e fakafiliaga, mo e tapu ha ia Keriso ko ia ne ha ha i ai ke he kamataaga he lalolagi.

6Ko e magaaho nai, nakai ni maeke ke tohia ai ke he tohi nai e mena ke taha e mena ke teau aki he tau mena ne fakaako mooli atu ai e Iesu ke he tau tagata.

7Ka e kitia la, ha ha i ai ke he tau lapa maka a Nifai e loga he tau mena ne fakako atu e ia ke he tau tagata.

8Ti ko e tau mena nai kua tohi e au ko e mena tote mai he tau mena ne fakaako e ia ke he tau tagata; ti tohi e au e tau mena ia ko e kakano ke maeke ai ia lautolu ke ta mai foki ai ke he tau tagata nai, mai he tau Tagata Kehe ke lata ai mo e tau kupu ne vagahau ai e Iesu.

9Ti ka moua e lautolu e tau mena nai, kua aoga, ke moua fakamua ai e lautolu ke eke mo kamatamataaga ke he ha lautolu a tua, ti kaeke ke tua a lautolu ke he tau mena nai, to fakakite atu ki a lautolu e tau mena lalahi.

10Ti ka nakai tua a lautolu ke he tau mena nai, to pa e tau mena lalahi mai ia lautolu, kua eke e mena ia mo fakahalaaga ma lautolu.

11Kitia la, ne eke au ke tohi e tau mena ia, ko e tau mena oti ne kua fakamau ai ke he tau lapa maka a Nifai, ka e taofi ni he Iki, kua pehe mai: To kamatamata e au e tua he haaku a tau tagata.

12Ko e mena ia, kua tohi e au ko Moromona e tau mena ia ne poaki mai he Iki ki a au ke tohi. Ti kua fakaoti e au, ko Moromona e tau kupu haaku mo e liu ke tohi e tau mena ne poaki mai ki a au ke tohi.

13Ko e mena ia, kua loto au ke maama ia mutolu ne fakaako atu mooli he Iki e tau tagata, ke he magaaho kua lata mo e tolu e aho, ti mole atu e mena ia, ne fakakite atu ai e ia a ia ki a lautolu, ti laga loga e tofitofi e aleto mo e fakamonuina ai, mo e age ki a lautolu.

14Ne hoko ai ne fakaako mo e fekafekau atu a ia ke he tau fanau he lanu tagata ne kua ha ha i ai, ti vevete e ia e tau alelo ha lautolu a ti vagavagahau a lautolu ke he ha lautolu a tau mamatua taane e tau mena kua mua ue atu mo e ofoofogia, kua mua atu ni ke he tau mena ne fakakite atu e ia ke he tau tagata; ti vevete ai e ia e tau alelo ha lautolu ke maeke ai ia lautolu ke vagahau.

15Ne hoko ai, kua haele hake a ia ke he lagi — ko e laga ua haia ne fakakite au e ia a ia ki a lautolu, ti liu haele atu ke he Matua, he mole e fakamalolo e ia ha lautolu a tau tagta gagao mo e ha lautolu a tau tagata kulikuli, mo e fakamaama e tau mata he ha lautolu a tau tagata mata pouli, mo e fakamalolo e tau tagata teliga tuli, mo e taute atu loga foki e tau mena kehekehe kia malolo ai a lautolu, mo e fakamatike e taha tagata mai he mate, mo e fakakite atu ai haana a mana ki a lautolu ti haele hake ai ke he Matua —

16Kitia la, ne hoko ai, ko e pogipogi he aho hake ne fakamaopoopo fakalataha e lanu tagata ti kitia mo e logona ai e lautolu e tau fanau ia; hanai, ko e tau tama mukemuke haia ne vagahau e tau gutu ha lautolu e tau mena ke ofo ai ka e kua tapu e ha lautolu a tau mena ne vagahau nakai tohi he ha tagata e ha mena.

17Ne hoko ai, kua kamata he tau tutaki ne fifili e Iesu, mai he magaaho ia ke papatiso mo e fakaako atu ke he tau tagata oti ne o mai ki a lautolu, ti ko e tau tagata oti foki ka papatiso ke he higoa a Iesu kua puke a lautolu ke he Agaaga Tapu.

18Ne tokologa ia lautolu ne kitia tonu mo e logona ai e tau mena kua nakai lata ke talahau, mo e tau mena kua nakai tonu ke tohia ai.

19Ti fefakaakoaki a lautolu, mo e fetomatomaaki a lautolu, ko e taha kia taha, kua maama ki a lautolu e tau mena oti, kua tonu e fehagaiaga ha lautolu e tau tagata, ko e taha ke he taha.

20Ne hoko ai, ne eke ai e lautolu e tau mena oti nai tuga ni ne poaki mai e Iesu ki a lautolu.

21Ko lautolu ne papatiso ke he higoa a Iesu ne ui ai ko e Lotu a Keriso.