1 Pues matto i tiempo na anai ha sangan este siha na palabras si Jesus ha bira gui’ ta’lo guatu gi linahyan, ya ha baba i pachot-ña ta’lo, ya ilek-ña: Hu sangani hamyo, Munga manhusga, ya ti un ma husga.

2 Sa’ put hafa na en husga otro, siempre ma husga hamyo; ya hafa miniden-miyu, siempre ma midi hamyo ta’lo.

3 Ya hafa na en gef li’e’ i chasko gi matan i che’lon-miya, lao ti en konsidera i mina’lak i matan-miyu?

4 Pat taimanu en alok gi che’lon-miyu: Maila’ ya bai hu laknos i chasko gi matan-miyu ya atan, i mina’lak ni’ gaige gi matan-miyu?

5 Ai hipokritu, fine’nana laknos i mina’lak i matan-miyu; pues na siña en li’e’ klaru para en laknos i chasko gi matan i che’lon-miyu.

6 CHat-miyu munana’i i ga’lagu una kosa ni’ sagradu, pat en daggao i petlas-miyu gi babui, sa’ u ma gatcha’ ni’ patas-ñiha yan u ma bira siha ya u ma ataka hamyo.

7 Fanmanggagao, ya en fanmana’i; fanmanespiha, ya en fanmañodda’; fanmanya’ho, ya en fanma babayi.

8 Sa’ todu i manggagao u ma na’i; ya i manespiha, u fanodda’; ya i manya’ho u ma babayi.

9 Ya hafa na taotao giya hamyo, yanggen mamaisen i lahi-ña pan, u na’i acho’?

10 Pat yanggen mamaisen guihan, kao u na’i kulepbla?

11 Pues yanggen hamyo, achok ha’ ti manmaolek hamyo, en tingo’ muna’i i famagu’on-miyu ni’ manmaolek na kosas, kuanto mas si Tatan-miyu ni’ gaige gi langet para u na’i maolek siha ayu i manmanggagao nu guiya?

12 Entonses, todu i malago’-miyu gi taotao para u ma cho’gue giya hamyo, cho’gue lokkue’ taiguihi para siha, sa’ este i lai yan i prufeta siha.

13 Fanhalom gi estrecho na trangka; sa’ ancho i trangka, yan libianu i chalan para sasalaguan, ya meggai manmamomokkat guihi na chalan.

14 Sa’ estrecho i trangka yan i chalan, para i lina’la’ ya didide’ ha’ sumosodda’ este.

15 Adahi i mamfatso na prufeta siha, ni’ manfinattoigue hamyo nu i chininan kinilu, lao gi sanhalom-ñiha mandaddao na lobu.

16 Siempre en tingo’ ha’ siha ni’ frutan-ñiha. Kao ma rikokohi tituka’ na ubas, pat i kilites figus?

17 I maolek na trongko ha na’huyong maolek na fruta; lao i baba na trongko ha na’huyong baba na fruta.

18 I maolek na trongko ti siña ha na’huyong baba na fruta ya i baba na trongko ti siña ha na’huyong maolek na fruta.

19 Todu trongko ni’ ti ha na’huyong maolek na fruta manma utot, ya manma songge gi guafi.

20 Entonses, ginen i frutan-ñiha siempre en tingo’ siha.

21 Ti todu i sumangan giya guahu, Asaina, Asaina, u fanhalom gi rainon i langet, lao ayu ha’ i chomocho’gue i minalago’ i Tata-hu ni’ gaige gi langet.

22 Meggai siempre umalok nu guahu, Asaina, Asaina, kao ti in prufisiha gi na’an-mu, ya gi na’an-mu in yite’ huyong i manganiti, yan gi na’an-mu in che’gue meggai siha na buniton cho’cho’?

23 Pues bai hu sangani siha: Ti hu tungo’ hamyo; ritira hamyo ni’ manailayi.

24 Entonses, hayi humungok este siha i fino’-hu ya ha cho’gue, hu na’parehu yan i temtom na taotao, ni’ humatsa i gima’-ña gi hilo’ acho’ —

25 Ya tumunok i ichan, matto i milak, yan mangguaife i manglo’ gi gima’; lao ti basnak, sa’ ma hatsa gi hilo’ acho’.

26 Ya todu i humungok este siha i sinangan-hu ya ti ha cho’gue, parehu yan i tonto na taotao, ni’ humatsa i gima’-ña gi hilo’ unai.

27 Ya tumunok i ichan, matto i milak, yan mangguaife i manglo’ gi gima’; ya basnak, ya dangkolo i basnak-ña.