1 Pues pa’go atan, hu sangani hamyo na amanu na malago’ i Asaina, gi tinemtom-ña, na este siha na palabras debi di u fatto gi Gentiles konsiste gi fino’-ña, pues na en tingo’ na i kontratamiento ni’ ha fa’tinas i Tata yan i famagu’on Israel, put i restorasion-ñiha gi tano’ irensian-ñiha, esta ma tututuhon para ma kumple.

2 Yan siempre en tingo’ na i fino’ i Asaina, ni’ ma sangan ni’ mansagradu na prufeta siha, siempre ma kumple; ya ti en sangan na i Saina ha ditieni i finatto-ña gi famagu’on Israel.

3 Ya ti nisisariu en imahina gi kurason-miyu na i kuentos ni’ ma sangan tai bali, sa’ atan, i Saina siempre ha hasso i kontratamiento ni’ ha fa’tinas gi taotao-ña i gima’ Israel.

4 Ya yanggen en li’e’ este siha na sinangan mafatto giya hamyo, pues ti nisisariu na en faichanak i che’cho’ i Saina, sa’ i sapblen i hustisia-ña gaige gi agapa’ na kannai-ña; yan atan, guihi na diha, yanggen en faichanak i che’cho’-ña siha siempre ha sedi para u fangginacha’ hamyo.

5 Ai na nina’ma’ase’ i fumaichanak i che’cho’ i Saina; hunggan, ai na nina’ma’ase’ i muñega i Kristo yan i che’cho’-ña!

6 Hunggan, ai na nina’ma’ase’ i muñega i ribilasion i Saina, yan i umalok na i Saina ti ha usa i ribilasion gi che’cho’-ña, pat i prufisiha, pat i bendision, pat i hila’, pat i latto’, pat i alentos i Espiritu Santo!

7 Hunggan, yan ai na nina’ma’ase’ gui’ i sumangan guihi na diha, para u gai ganansia, na ti siña guaha milagru ginen i Jesukristo; sa’ i chumo’gue este siempre tumaiguihi i manganiti, ni’ para guiya taya’ mina’ase’ konsiste gi fino’ i Kristo!

8 Hunggan, ya ti nisisariu pare en chechet, yan faichanak, pat en fa’huegu i Judios, pat hayi na ritasos i gima’ Israel; sa’ atan, i Saina ha hasso i kontratamiento-ña giya siha, ya siempre ha cho’gue giya siha i ha hulat para u cho’gue.

9 Entonses munga ma suponi na siña en bira i agapa’ na kannai i Saina guatu gi akague, ya munga na u na’fatto sentensia gi kumplen i kontratamiento ni’ ha fa’tinas gi gima’ Israel.