Kapitulu 30
I Gentiles i manatatte manma kumanda para u fanmañotsot yan u fanmatto gi Kristo ya u fanma kuenta gi gima’ Israel.
1 Ekungok, O hamyo Gentiles, ya en hingok i fino’ Jesukristo, i Lahen i lala’la’ na Yu’os, ni’ ha kumanda yu’ para bai hu kuentos put hamyo, sa’ atan ha kumanda yu’ para bai hu tuge’ este:
2 Ritira hamyo, Gentiles, ginen i che’cho’ baba; yan fanmañotsot ni’ che’cho’ mala, i dinagi, yan i putan-miyu, yan i sikretu na chinatli’e’, yan i dibusion-miyu nu i idolu siha, yan i pekno’-miyu, yan i embidian-miyu, yan i inaguaguat-miyu, yan ginen todu i bidan-miyu mala yan desagunao, ya fanmatto giya guahu, ya en fanma takpange gi na’an-hu, ya siempre en risibi mina’ase’ i isao-miyu, ya manhinatme hamyo nu i Espiritu Santo, ya en fanma kuenta yan i taotao-hu ni’ mangguma’ Israel.