1. E teianei, te karanga atu nei au kia kotou, e kimi matatio kotou i teia au mea nei. E oronga atu au i tetai akaueanga kia kotou, e kia kimi marie ua kotou i teia au mea, e meitaki tikai te tuatua a Isaia.

2. Kua tuatua tikai aia i te au mea katoatoa, no runga i toku ra iti tangata, koia te ngutuare o Iseraela, no reira, e tau rai e kia tuatua aia ki te au Etene.

3. E ko te au mea katoa tana i tuatua ana, e te ka pera rai, kia tau oki ki te au tuatua tana ka tuatua.

4. No reira, e akarongo mai i taku nei tuatua, e tata oki i te au mea taku i akakite atu kia kotou, e kia tau oki ki te tuatau e te anoano o te Metua, e aere atu ei ki te au Etene.

5. E ko tei akarongo ki taku nei tuatua, e kua tataraara, e bapetizoia iora, ka ora ïa. Kua kimi ana i ta te au peroveta, e manganui oki ratou tei akakite mai i teia au mea nei.

6. E kia oti ta Iesu tuatua anga i teia au mea nei, e tana akamarama anga i te au tuatua katoatoa i tataia tei orongaia kia ratou, kua na ko iora aia kia ratou. I na, e tuatua tapu ke atu rai tetai, kare kotou i kite, ka inangaro au kia tata kotou.

7. Kua karanga atu ra aia kia Niphai. E apai katoatoa mai i te au papa taau i akono.

8. E kua apai katoatoa mai a Niphai i te au papa, e kua tuku ki mua i tona aroaro, kua akara iora tona mata ki runga i te reira, na ko maira,

9. Tika tikai taku e karanga atu kia kotou, kua akaue au i toku tavini ia Samuela te ngati Lamana, kia akakite ki teia au tangata, e kia tae ki te ra e akakaka ei te Metua i tona ingoa iaku nei, e tu mai ei te aronga tapu e manganui i mate ra, ka akakite atu ei ia ratou, ki te au tangata e manganui, e kua tuatua atu aia kia ratou. Kare ainei i tika?

10. Kua tuatua maira tana au pipi kiaia, Ae, e te Atu kua totou mai a Samuela mei taau tikai e tuatua mai na e kua tupu pouroa te reira.

11. Kua na ko autra Iesu kia ratou, Eaa oki i kore ei kotou e tata i teia au mea, e manganui te aronga tapu tei tu mai e kua akakite ia ratou ki te au tangata e manganui e kua matuapuru atu ia ratou?

12. Kua maara akera ia Niphai i teia mea tei kore i tataia.

13. Kua akaue iora a Iesu kia tataia, no reira kua tataia mei tana i akaue.

14. E kia oti ia Iesu i te akamarama i te au tuatua pouroa i tataia ra, kua akaue atura ia ratou e kia apii i te au mea katoa tana i akamarama kia ratou.