1. E teianei te karanga atu nei au kia kotou, kua tae te tuatau e tau i te pakari o te Atua, kia tukuia mai teia au tuatua ki te au Etene, mei tana rai i tuatua ana, ei reira kotou e kite ei, e ko te koreromotu ta te Metua i papau ki te tamariki a Iseraela no runga i te akaoki akaou anga mai ia ratou ki te enua o to ratou ipukarea, te akamata nei te reira i te tupu.

2. Ei reira kotou e kite ei e, te tupu nei te tuatua a te Atu, mei tei tuatuaia mai e te au peroveta tapu nana ra, e kare oki e tika kia karanga kotou e, kua tavarevare te Atua i te aereanga mai ki te tamariki a Iseraela.

3. E auraka oki to kotou ngakau e manako e, e mea puapinga kore ua tei tuatuaia mai, i na, ka akamaara rai te Atua i tana koreromotu tana i papau ki tona au tangata ki te ngutuare i Iseraela.

4. E kia kite kotou i te tae anga mai o teia au tuatua kia kotou na, kare i reira e tau ia kotou kia akavaavaa i te au angaanga a te Atua, tei roto oki i tona rima katau te koke o te akautungaanga, e i na, kia tae ki taua ra ra, e kia akavaavaa kotou i tana au ravenga ra, ka rokoia mou tikai kotou i taua au mea ra.

5. Aue oki aia tei akavaavaa i te au ravenga a te Atu, e tika, ka mate tikai aia te ka patoi i te Mesia e tana ra angaanga.

6. Ae, aue oki aia te ka patoi i te orama a te Atu, e tei karanga e, kare te Atu e angaanga akaou na roto i te orama, me kore ra, te totou, me kore ra, te oronga anga me kore ra, te reo ke ke, te akaoraanga, e te mana o te Vaerua Tapu.

7. Ae, e mate tikai aia te ka karanga a taua rā ra, kia rauka te puapinga ra, kare rava a Iesu Mesia semeio i rave ana, ko te ka rave i teia, ka riro aia ei tamaiti na te mate mutu kore, te ngai kare e aroa e rauka, mei ta te Mesia i tuatua mai.

8. Ae, auraka kotou e taitoito atu, me kore ra, akavaavaa, e i te ngati Iuda, me kore ra, ki tetai ua atu o te toenga o te ngutuare o Iseraela, e i na, ka akamaara rai te Atu i tana koreromotu ia ratou, e ka akono aia i te reira mei tana rai i taputou.

9. No reira, auraka kotou e manako e, ka rauka ia kotou kia taui ki te rima katau o te Atua ki te ngai o te rima kaui kia kore ei aia e akatupu mai i te koreromotu tana i papau ki te ngutuare o Iseraela.