1. I na oki, ka tae maira te ra, te ka ka mei te umu, e te aronga ngakau parau ravarai, e te aronga katoa i rave i te kino ra, ka riro ïa ei teita, e ka ka oki ratou, kia tae mai taua au ra ra, te tuatua maira Iehova Sabaota ra, kare rava e akatoeia te tumu e te rara katoa ra.

2. Ia kotou ra tei mataku mai i toku nei ingoa, ei reira e tu mai ei te Tamaiti a te Tuatua Tika ma te ora i tona ra peau, e ka aere kotou ki vao ka rererere aere ei mei te au punua puakatoro angaia ra.

3. E na kotou e takatakai i te aronga kino ki raro, e riro oki ratou te reu i raro ake i to kotou vaevae, i te ra e akatakaia e au ra, te tuatua maira Iehova Sabaota ra.

4. E akamaara kotou i te ture a toku tavini a Mose, taku i ikuiku kiaia i Horeba ra, na Iseraela katoatoa ra, te au akonoanga e te au tuatua tau.

5. I na e tono ana au i te peroveta ra ia Elia kia kotou na ka tae atu ei ki taua ra maata e te mataku o Iehova ra.

6. E nana e akaariu i te ngakau o te Metua ki te au tamariki, e te ngakau o te au tamariki ki to ratou au metua ra, ko te aere mai aea au e ko te taia aea e au te enua nei ki te taumaa.