Salamu kutoka Nepal!

Jifunze kuhusu watoto wa Baba wa Mbinguni ulimwenguni kote.

Vielelezo na Brenna Vaughan

Nepal ni nchi iliyo Kusini mwa bara la Asia. Takribani watu milioni 30 wanaishi huko.

Bendera Maalumu

Nepal ndiyo nchi pekee yenye bendera isiyo na umbo la mstatili! Ina jua na mwezi juu yake.

Mlima Evarest

Nepal ni makazi ya mlima mrefu zaidi ulimwenguni, ambao una urefu wa futi 29,032 (8,849 m). Zaidi ya watu 6,000 wameupanda mpaka kileleni.

Marafiki wa Kihindu

Watu wengi wa Nepal wanafuata dini ya Hindu. Katika dini hii, ng’ome ni wanyama watakatifu ambao hutendewa kwa heshima.

Dal Bhat

Kila siku watu hula mlo wenye dal (dengu) na bhat (wali). Mara nyingi hula vyakula vingine pamoja na chakula hicho, kama vile mchanganyiko wa mboga zenye pilipili na mboga zilizochachushwa.

Kitabu cha Mormoni

Kitabu kizima cha Mormoni kilichapishwa katika lugha ya Nepali kwa mara ya kwanza mnamo 2017. Waumini wa Kanisa huko walikuwa na furaha sana!

Shughuli

Gatti (Mchezo wa Mawe Matano)

Keti chini na kusanya mawe matano madogo mbele yako. Chukua jiwe moja na ulirushe inchi kadhaa. Likiwa bado angani, tumia mkono mwingine kuchukua jiwe lingine. Kisha daka jiwe ulilolirusha kwa kutumia mkono uleule. Endelea kufanya hivyo mpaka uwe umechukua mawe yote matano. Unaweza kucheza peke yako au pamoja na rafiki zako!

Maelezo ya upishi

Dal (supu ya dengu)

1. Mimina 1/8 kikombe cha mafuta kwenye chungu. Katakata kitunguu 1 na vitunguu saumu 2 na pika kwa joto la wastani kwa dakika chache.

2. Ongeza kijiko 1 cha chai za giligiliani ya unga, pilipili ya unga, binzari ya njano ya unga, mdalasini wa unga, na tangawizi ya unga. Koroga kwa dakika chache.

3. Ongeza vikombe 2 vya dengu (iliyooshwa) na vikombe 4 vya maji.

4. Pika kwenye joto la wastani kwa dakika 20 au mpaka dengu ziwe laini. Ikiwa utataka, katakata majani ya giligiliani ili uongeze mwishoni.

Hakikisha unapata msaada wa mtu mzima!

Kidokezi cha Afya

Mambo Mazuri ya Kufanya Mbali na Nyumbani

Kuwa kwenye asili ni njia nzuri ya kupata mazoezi na hewa safi. Jaribu kutembea au kupanda mlima ukiwa na familia yako kama sehemu ya shughuli ya kuburudisha, yenye kuleta afya!