Mwet Loh, U luhn Aaronic Pristut, ac Kuhlahs luhn Muhtwacn Fuhsr
Eklac ma kuht sulkackihn ingena inge ma oruh in kahsruh mukul fuhsr ac muhtwacn fuhsr an in ahkkapye ohiyac muhtahl lalos sifacna.
Tamuhlwel ac tahmtahel sacohk, arulacna wo in sifilpac wi kowos ke toweni luhlahp se inge. Ke muhtuhn wik se inge, mwe sulkackihnyuck tuh oreklac nuh sin mempucr luhn Alu uh ke ma eklac ke masap lah suc kuh in kuhlwacnsap ekihn mwet loh nuh ke akwuck luhn pacptais ac sili akwuck. Nga kena ahkkahlwemye ip tolu ingacn.
-
Orekma pacptais ke mwet misac an kuh in ahklohyeyuck sin oacna sie mwet suc sruok pwepuh in lwelah nuh tempuhl, weacng pac pwepuh in lwelah nuh tempuhl nuh ke orekma-srihsrihk.
-
Kuhtwena mempucr suc eis mwe sang muhtahl an ma oasr la pwepuh in lwelah nuh tempuhl an kuh in kuhlwacnsap ekihn sie mwet loh nuh ke akwuck luhn sili, nuh selos suc moul ac ke orekma ke mwet misac.
-
Kuhtwena mempucr suc pacptaislac ke Alu uh kuh in kuhlwacnsap ekihn sie mwet loh ke pacptais luhn sie mwet moul. Eklac se inge ma nuh ke pacptais nuhkwewa lihkihn tempuhl uh.
Ma eklac ke masap inge ma nuh ke mukwikwi ke akwuck. Ke ma kahlwem ke doctrine and covenant uh tiac eklac. Elos oacna sie ke akwuck nohfohn ma orekmakihnyuck tari. Ma eklac inge ac ahkyohkye ke sucu an ac tuhkweni oruh akwuck inge.
Nga ke pac sramsram nuh suwos ke pacl se inge in ahkkahlwemye eklac nuh sin mwet fuhsr ac mwet kol lalos an.
Kom ac esam ke nga tuh suli mwet fuhsr luhn Alu luhn Jisus Kraist luhn Mwet Luhlahlfongi ke Lwen Sahflah in som welah un mwet fuhsr luhn Leum in wi orekma ke ma yohk srihpac se emet fin facluh misenge—fahsrweni luhn Israel.1 Nga tuh oraclah solsol se inge nuh sin mwet fuhsr lasr uh ke srihpen elos suhmaht ke saplakyang nuh sin mwet sahyac ac akacsruhi ke ma elos luhlahlfongi ke ohiyac na wo. Srihpen fahsrweni uh pa sie ip yohk srihpac ke kahsruh in ahkolah facluh ac mwet la an nuh ke Tuhkuh Ahkluo luhn Leum.
Ke kais sie ward, un mwet fuhsr luhn Leum an kolyuck sin pisap, sie mwet kuhlwacnsap insacnweacng luhn God. Kunohkohn se emet ac yohk srihpac emet lal an pa in karihngihn mukul fuhsr ac muhtwacn fuhsr ke ward lal an. Pisap ac mwet in kahsruh lal an kol orekma ke u luhn Aaronic Pristut ac kuhlahs luhn Muhtwacn Fuhsr ke ward an.
Eklac ma kuht sulkackihn ingena inge ma oruh in kahsruh mukul fuhsr ac muhtwacn fuhsr an in ahkkapye ohiyac muhtahl lalos sifacna. Kuht kena pac in ahkkweye u luhn Aaronic Pristut ac kuhlahs luhn Muhtwacn Fuhsr an ac sang kahsruh nuh sin pisap ac mwet kol mahtuh sahyac an ke elos kuhlwacnsuhpuh fihl mahtuhyak se inge.
Elder Quentin L. Cook el ac ingena sramsramkihn eklac ma kapsra nuh sin mukul fuhsr an. Ac ofong, ke toweni luhlahp luhn muhtwacn an, Tahmtahel Bonnie H. Cordon, Prestuhn Fuhlwact luhn Muhtwacn Fuhsr, el ac sramsramkihn eklac ma kapsra nuh sin muhtwacn fuhsr an.
Prestuhnsi Se Met ac U luhn Singucul Luo an elos insese in ahkkweye akwuck inge in ahkfokokoye mwet fuhsr lasr uh. We, fuhkah kuht luhngse elos ac pruhe kaclos! Elos pa “Finsrak luhn Israel, un mwet mweun luhn Saion, tuhlihk ke lwen wihlwihl.”2 Kuht fahkwelihk luhlahlfongi lasr uh ke tuhlihk fuhsr lasr uh ac kuloh lasr nuh selos. Ke ine muhtahl luhn Jisus Kraist, amen.