2010–2019
Nuh ke Puhkah ac Faht, Leum, Muhta Yuruk!
Ohktopa 2019 toeni luhlahp
2:3

Nuh ke Puhkah ac Faht, Leum, Muhta Yuruk!

Sel Reyna I. Aburto

Mwet in Kahsruh Ahkluo ke Prestuhnsi Luhlahp luhn Rilif Sosaiti

Nga fahkwack lah “nuh ke pahkah ac faht” Leum El ac muhta yohrohsr, tuh “ma koluk [kuh in] sahyacn ma inge in sesseslah ke engan in Kraist.”

Sie on wolacna lasr ahkkahlwemye siyuck an “Nuh ke puhkuhnyeng ac faht, Leum, muhta yuruk!”1 Sie pacl ah nga oasr ke oak sohk soko ke el ohsun nuh ke pahkah luhlahp. Ke nga ngwetlah ke winto, nga kuh in liye pahkah lohsr ye kuht. Kahlwem ke faht puhtatlac reflect ke puhkuhyacng ah, ac oruh puhkuhkyacng in kahlwem yohk ke ohiyac sahromrom fokoko. Tiac paht, oak sohk sacn kihluhkuh nuh ten ke puhkuhnyacng ah, na kuht oasr ke acn lohsr ac tiac lwelah kuht in liye kuhtwena ma, finne kuht liye kahlwem yohk pacl fototo tari ah.2

Kahlwem ke faht puhtatlac
Pahkah lohsr

Puhkuhnyacng sralsral kuh in tuhkuh nuh ke moul lasr uh, ma ac kuh in kun kuht liki kahlwem luhn God ac srihfe kuht in nuhnkuh lah kahlwem se ingen wacngihnlac. Kuhtuh puhkuhnyacng ingen pa mwe ahsor yohk, anxiety, ac mwe upac sahyac ke mas mental ac emotional. Elos kuh in ahkkolukye ohiyac kuht liye kuht sifacna, mwet sahyac, ac finne God. Elos tuhkuh nuh sin muhtwacn ac mukul ke matwac nuh kwewa ac acn nuh kwewa fin facluh.

Oacna ma inge, puhkah koluk ke tahfuh luo kuh tuhkuh nuh sin mwet sahyac suc tiac kahlwem kain mwe upac inge. Oacna kuhtwena ip ke mahno, brain uh kuh in masack, eis trauma, ac chemical imbalances. Ke nuhnak lasr kweok, wona in som sokwack kahsruh sin God, sin mwet infulwacn kuht, ac sin mwet ono suhmaht ac mwet kahsruh mas luhn nuhnak kuh mental health professionals.

“Mwet nuh kwewa—mukul ac muhtwacn—oreklac ke luhman God. Kais sie pa tuhlihk mukul nguhn ac tuhlihk muhtwacn nguhn wolacna nuhtin pahpah ac ninac inkuhsrao, ac … kais sie eis luhman God ac in kuh in oacna God.”3 Oacna Pahpah ac Ninac Kiyacsr Inkuhsrao ac Mwet Lahngo lasr, oasr mahno4 ke ikoac lasr ac puhla mwe emtucng.5

Tahmtahel sacohk luhk, tiac ma koluk in puhla ahsor kuh elyah kais kuhtuh pacl. Puhla ahsor ac elyah pa ip ke mahno luhn facluh.6 Tuhsruhktuh, kuht fin puhla ahsor pacl nuh kwewa ac kweok lasr fin tulohkihn ohiyacsr in puhla luhngse luhn Pahpah tuhmasr Inkuhsrao ac Wen Nahtuhl ac mokleyuck luhn Nguhn Muhtahl, na sahp kuht ac kweok ke ahsor yohk, anxiety, kuh emotional mas sahyac.

Muhtwacn kiyuck el sihm: “Oasr pacl ah … [ke] nga ahsor nuh pwacye pacl nuh kwewa. Nga nuhnkuh in puhla ahsor pa ma se in mwekihn kac, ac wi pac ma se in ahkkahlwemye ohiyac muhnahs. Na nga us mwe ahsor luhk sifacna. … Nga puhla suhfal na upac.”7

Kawuck se ahkuhtweyac ke ohiyac se inge: “Ke pacl se nga fuhsr, nga puhlakihn suhfal, lohsr, sifacnalac, ac sahngweng ac nga nuhnkuh lah nga muhsahlah kuh tiac orkema wo. Nga oruh ma nuh kwewa nuh kuh in okanlah kweok luhk ac in tiac lwelah kuhtwena mwet in nuhnkuh nga tiac fokoko.”8

Kawuck sacohk luhk, ma se inge kuh in sikyuck nuh ke kuhtwena sesr—yohk, ke mwet luhlahlfongi ke plwacn in engan, kuht fihliyac ma toasr lusrohngtwen nuh ke kuht sifacna ke kuht nuhnkuh kuht enenuh in suwohswohslac ingena. Kain nuhnak inge kuh in puhla upac. In sun ohiyac suwohswohs pa ma se tuh sikyak ip nuh ke ip ac fah som ahluhkweluh moul se inge—ac enenuh kuhlwacng luhn Jisus Kraist.9

Ke ma sahyac, ke kuht ikacslah ke puhla upac lasr, fahkwack lah kuht tiac suwohs, kuht sang lwelah nuh sin mwet sahyac in akacsruhi mwe upac lalos. Tuhkweni kuht akihlen oasr finsrak ac kuht tiac enenuh kweok in sifacnalac.10

Finsrak ke Tuhkuh Ahkluo

Ke mwet tuhma lutlut luhn Jisus Kraist, oasr wuhlweacng yurin God lah kuht “kena in akacsruhi ke ma toasr luhn kais sie” ac “in ahsor weluhlos suc ahsor.”11 Sahp ma se ke ma inge pa in lutlut ke emotional illness, sokwack ma ma kuh in kahsruh elos suc muhnahs kac, ac sahflahiyac kahsruh kuht sifacna ac mwet sahyac in tuhkuh nuh sin Kraist, El suc pa Mwet Kol ke Ahkweye.12 Finne kuht nihkihn fuhkah in kahlwem ma mwet sahyac puhla, in ahkkahlwemye kweok lalos pwacye kuh in kahsruh ke ip se met in kahlwem ac sang ahkkweyeyuck.13

Ke kuhtuh sikyak sahyac, srihpacn depression kuh anxiety kuh in konweyuckyak, tuhsruhktuh ke pacl sahyac upac in liye.14 Brain lasr uh kuh in kweok15 ke srihpen puhla toasr kuh ullac,16 tuh kuhtuh pacl kuh in ahkkweyeyucklac ke eklac luhn kain mongo kanglah, mutul, ac ahsrosr. Ke pacl sahyac, kuhtuh pacl in therapy kuh ono sin kolyuck luhn mwet lahlmwetmwet enenweyuck.

Mas ke puhla kuh nuhnkuh ma tiacna eis kahsruh kuh in kol nuh ke puhluhn sefanna, tiac kahlwem, kuh kuhpasr kuhnauslah, kinet sifacna, kuh finne suicide. Nga etuh ma inge suwos, ke pahpah tuhmuhk el misac ke suicide ke yac ekasr met. Misac lal pa mwe lut ac kuhnaouslah insiyacn sucu luhk ac nga. Enenweyuck yac kuhtuh in orekmakihn ahluhkwelah ahsor luhk, ac tuh pacl fototo ah lah nga lotwelah lah sramsram ke suicide ke ohiyac wo kahsruh mwet in tiac oruh liki in elos in oruh.17 Nga ingena sramsram tiac mwekihn ke misac luhn pahpah tuhmuhk yurin tuhlihk nuhtihk ac fahk mwe loh ke onlwelah lah Mwet Lahngo kuh in sang ke kais sie acn luhn veil.18

Ahsor, mwet ekahsr suc kweok ke puhluhn toasr ac ahsor ahkloeslac elos sifacna liki Mwet Luhlahlfongi lalos mweyen elos puhla elos tiacna puhla oacna sie mwet inge. Kuht kuh in kahsrweyaclos in etuh ac puhla lah elos pwacyena enenuh in oasr yohrohsr. El pa yohk srihpac in akihlen lah puhluhn ahsor tiacna mweyen el muhnahs, oacyacpac el tiacna sikyak mweyen ma koluk.19 El “luhngse sefanna tuhsruhk sruhnga pahkomuhta.”20 Tuhkweni, kuht kuh in kuhtanglah puhkuhnyacng luhn muhkaimtacl ac nuhnak se in ahkmuhlahlah ma toasr luhn nuhnak toasr in muh lwelah onwelah in sikyak.

Ke kuhlwacnsap Lal fin facluh, Jisus Kraist onwelah mwet mas ac toasr, tuhsruhk kais sie mwet enenuh in orekmakihn luhlahlfongi Kacl ac orekma in eis onwelah Lal. Kuhtuh selos fahsr ke acn loes, kuhtuh sahyac sruohkiyac paholos in kahs nuknuk lal, ac kuhtuh pac enenuh in srihkackye nuh Sel in onwelah.21 Ke me inge pa oasr ke onwelah, tiac kuh enenuh El yohk? “Yac kuht nohfohn tiac mwet nguhsr?”22

Lwelah kuht in ukwe innek luhn Mwet Lahngo ac ahkyohkiyac pahkomuhta lasr, ahksrihkye kena lahsr in nuhnuhnkuh, ac tui mwet nuhnuhnkuh luhn ma luhn nguhn luhn mwet sahyac. Lohng ke luhngse ac pa mwe sang yohk oemet kuht kuh in sang, ac kuht kuh in kahsruh srihkwack ma toasr ma kapsra mwet luhngse ac kawuck lasr23 na in, ke luhngse lasr, elos kuh in sulpac puhla Nguhn Muhtahl ac akihlen kahlwem ma tuhkuh sin Jisus Kraist.

Finne kom oasr pacl nuhkwewa ke inmahsrlon “ohkohk in lohsr mayak,”24 forlah nuh sin Pahpah Inkuhsrao. Wacngihn ma kom puhlakihn kuh in eklac ma pwacye pahtpaht lah kom pa tuhlihk Nahtuhl ac lah El luhngse kom.25 Esam lah Kraist el pa Mwet Lahngo ac Mwet Molwelah lom, ac God pa Pahpah tumom. Elos kahlwem. Liye Elos fototo nuh sum, lohngwack ac akacsruhi kuh.26 “[Elos] fah ahkwoye kom ke ma upac lom.”27 Oruh ma nuhkwewa kom kuh, ac luhlahlfongi ke pahkomuhta in iwaclah luhn Leum.

Ma upac lom tiacna kom, tuhsruhk elos kuh in ahksuwosye kom.28 Mweyen sie “ituku nu in [mahno],”29 sahp oasr kuh sum in puhla pahkomuhta nuh sin mwet sahyac. Oacna kolyuck sin Nguhn Muhtahl, akacsruhi sramsram lom in “karihngihn el muhnahs, srihkwack pohnin el toasr, ac ahkkweye el muhnahs.”30

Nuh sin kias sie sesr suc toasr kuh karihngihn sie sahyac suc toasr, lwelah kuht in insese in ukwe masap luhn God kuht in eis Nguhn Lal ke pacl nuhwewa.31 Lwelah kuht in oruh “ma srihsrihk ac fihsrwacsr”32 pa ma inge use kuh luhn nguhn. Oacna Prestuhn Russell M. Nelson el fahk, “Wacngihn ma ikacslah kuhsrao oacna kapsra luhn yohkwelihk suwos, ahkos suwos, suk pwacye, mongo lwen nuhkwewa ke kahs luhn Kraist oasr ke Puk luhn Mormon, ac pacl ekahsr fin acn tempuhl ac ke mwe sramsram luhn sucu mahtuh.”33

Mwet Lahngo El Ahkkweye

Lwelah kuht nuhkwewa esam lah Mwet Lahngo lasr, Jisus Kraist, “[eislah] nuh facl mas [lasr], tuh insiacl in sesseslah ke pahkotwen, fal nuh ke mahno, tuh Elan kuh in etuh … ac kahsruh fuhkah [kuht] fal nuh ke mas [lasr].”34 El tuhkuh “in akkeyala insien mwet su munasla finsrak la, … in akwoyalos nukewa su asor; … in engan ac insewowo, ac tia asor, tuh elos in onkakin soko on in kaksak ac tia on in asor. Elos ac fah oana sak ma Luem God sifacna El yukwiya.”35

Tuhkuh Ahkluo An

Nga fahkwack lah “nuh ke pahkah ac faht” Leum El ac muhta yohrohsr, tuh “ma koluk [kuh in] sahyacn ma inge in sesseslah ke engan in Kraist.”36 ac “lah ke luhng kuhlwacng kuht moliyucklac, tukun ma nuhwewa ma kuht kuh in oruh.”37 Nga fahkwack lah Jisus Kraist ac fah fohlohk nuh facluh “unwelah oasr ke lulin pahol.”38 In fal, El “fah eela sroninmutalos nukewa. Ac fah wangin … keok”39 Nuh sin elos nuhwewa suc “tuhkuh nuh yurun Kraist, ac ahksuwohsyeyucklac Kacl,”40 “Len in asor lom ac fah safla; … Leum God, ac fah kalem lom new tok, Su ac oan paht liki faht ac malem.”41 Ke inen Jisus Kraist, amen.

Mwe Ahkkahlwemye

  1. “Abide with Me!” Hymns, no. 166.

  2. Ke kuht oasr ye puhkah an, kuht tiac kuh in nuhnkuh liye ma lohsr oasr ten, ac ke kuht oasr infulwacn ma lohsr, upac in nuhnkuh liye ke kahlwem luhn faht ma ahkkahlwemyeyuck kuhtuh fit ye kuht.

  3. “Sucu: Sie Mwe Fakwack nuh fin Facluh,” Liahona, Mei 2017, 145.

  4. Nguhn ac mahno pa nguhnin mwet uh (liye Doctrine and Covenants 88:15). “Monuwos pa tempuhl luhn nguhnuwos. Ac ohiyac kowos orekmakihn mahno lowos kuh in eklac nguhn lowos” (Russell M. Nelson, “Decisions for Eternity,” Liahona, Nohfuhmpuh 2013, 107).

  5. Liye, ke srihkasrak, Isaiah 65:19; Luke 7:13; 3 Nephi 17:6–7; Moses 7:28. In lotwelah fuhkah in akihlen puhla lasr kuh in kahsruh kuht in orekmakihn elos wo in eklac oacna Mwet Lahngo lasr, Jisus Kraist.

  6. Liye “Sadness and Depression,” kidshealth.org/en/kids/depression.html.

  7. Hermana Elena Aburto blog, hermanaelenaaburto.blogspot.com/2015/08. El oayacpac suhmuhslah:

    “Mwe sruhf ingen use nuh sihk pacl wo in orekmakihn luhlahlfongi luhk nuh ke pacl in molwelah. Mweyen nga etuh Pahpah tuhmuhk Inkuhsrao El luhngse yuc, ac oasr plwacn Lal nuh sihk, ac Kraist El kahlwem suwohs ma nga puhla ke pacl sacn.”

    “God El tiac ahkkolukye kom ke kom suhfal ke ma se. El engan in kahsruh kom wolac ac auliyak. El tiac kena kom in ahksuwohye ma nuhkwewa ke pacl sacnna. Kom tiac enenuh in sifacna oruh ma se inge” (iwillhealthee.blogspot.com/2018/09).

  8. Sramsram nuh sin mwet sac. El oacyacpac sihm: “Mwe ahkkweyeyucklac ke Iwaclah luhn Mwet Lahngo luhk use mihslac ac karihngihnyuck nuh sihk pacl nohfohn ke fuhfahsryucsr luhk. Ke nga puhla sifacnalac ke mwe upac luhk, nga ahkacsmakihnyeyucklac lah El puhla tari ma nga puhla in kahsruh yuc. … Oasr finsrak yohk in etuh lah mahno suwohswohs ac moul tohk fah tiac enenuh elyah ke mwe upac luhn moul se inge.”

  9. Liye Russell M. Nelson, “Perfection Pending,” Ensign, Nohfuhmpuh 1995, 86–88; Jeffrey R. Holland, “Be Ye Therefore Perfect—Eventually,” Liahona, Nofuhmpuh 2017, 40–42; J. Devn Cornish, “Am I Good Enough? Yac Ngwac Fal?” Liahona, Nohfuhmpuh 2016, 32–34; Cecil O. Samuelson, “What Does It Mean to Be Perfect?” New Era, Jacnweri 2006, 10–13.

  10. Yohk srihpac in sramsramkihn mwe upac inge yurin tuhlihk nahtuhsr, sucu lasr, ac kawuck lasr ke lohm sesr, ward lasr, ac acn lasr uh.

  11. Mosiah 18:8–9.

  12. Liye Russell M. Nelson, “Jesus Christ—the Master Healer,” Liahona, Nohfuhmpuh 2005, 85–88; Carole M. Stephens, “The Master Healer,” Liahona, Nohfuhmpuh 2016, 9–12.

  13. In etuh fuhkah in akihlen akucl ac symptoms ke ohiyac lasr ac luhn mwet sahyac kuh in kahsruh. Kuht kuh in oacyacpac lotwelah fuhkah in akihlen ohiyacn nuhnkuh stuh kuh tiac wo ac fuhkah kuh in eklac ma ingen nuh ke ohiyac pwacye ac wo likina.

  14. Puhla ahsor kuh depression kuh in tuhkuh ke eklac wo luhn moul uh—oacna pacl luhn isuslac luhn ahwowo kuh orekma sasuc an—ac kuh in tuhkuh ke ma wo oasr ke moul luhn mwet sac.

  15. Liye “Understanding Stress,” Adjusting to Missionary Life (2013), 5–10.

  16. Liye Jeffrey R. Holland, “Like a Broken Vessel,” Liahona, Nohfuhmpuh 2013, 40.

  17. Liye Dale G. Renlund, “Understanding Suicide” (video), ChurchofJesusChrist.org; “Talking about Suicide” (video), ChurchofJesusChrist.org; Kenishi Shimokawa, “Understanding Suicide: Warning Signs and Prevention,” Liahona, Ohktohpa 2016, 35–39.

  18. “Muhtwacwacack luhn ahkwoyeyucklac enenuh luhlahlfongi oacna tuhlihk uh in kahlwem suwohs lah Pahpah Lucng El luhngse kowos ac fah sang ohiyac in wolac. Wen Kuloh Nahtuhl, Jisus Kraist, El sang moul Lal in lwelah ahkkweyeyucklac in sikyak. Tuh wacngihn ohiyac sefanna, wacngihn ono sefanna in ahkkweye, oacyacpac inkacnek un tiac fihsrwacsr in fahsr kac. Ohiyac in ahkkweyeyucklac enenuh luhlahlfongi kuh nuh sin Jisus Kraist ac Ohiyacl pahtpaht in ahkkweye” (Richard G. Scott, “To Heal the Shattering Consequences of Abuse,” Liahona, Mei 2008, 42). Ke oasr elyah, luhngse lasr pa in ahkwoye. Tuhsruhktuh, kuth tiac enenuh porongo sefanna nuh ke ahkwoye kuht sifacna kuh mwet sahyac. Kuht tiac enenuh oruh ma nuh kwewa ke kuh lasr muhkwena. Ke pacl yohk liki pacl sifacna ke moul luhk, nga sokwack mwet therapist in kahsrweyuc ke pacl upac an.

  19. Liye John 9:1–7.

  20. Jane Clayson Johnson, Silent Souls Weeping (2018), 197.

  21. Liye Matthew 9:2–7, 20–22; 14:35–36; Mark 1:40–42; 2:3–5; 3 Nephi 17:6–7.

  22. Mosiah 4:19; oacyacpac liye Jeffrey R. Holland, “Are We Not All Beggars?” Liahona, Nohfuhmpuh 2014, 40–42.

  23. Liye Rome 2:19; 13:12; oacyacpac liye Jeffrey R. Holland, “Come unto Me” (Brigham Young University devotional, Mar. 2, 1997), speeches.byu.edu.

  24. 1 Nephi 8:23; oacyacpac liye 1 Nephi 12:4, 17; 3 Nephi 8:22.

  25. Liye Psalm 82:6; Rome 8:16–18; Doctrine and Covenants 24:1; 76:24; Moses 1:1–39.

  26. Liye Adjusting to Missionary Life, 20; Oacyacpac liye Micah 7:8; Matthew 4:16; Luke 1:78–79; John 8:12.

  27. Jacob 3:1; oacyacpac liye Ephesus 5:8; Colossae 1:10–14; Mosiah 24:13–14; Alma 38:5. Riti mwe insewowo luhn patriarch lom kuh siyuck ke mwe insewowo luhn pristut kom in muh kuh in lohng ac esam ohiyac yohk ma Pahpah Lucng El luhngse kom ac kena ahkinsewowoye kom.

  28. Liye 2 Corinth 4:16–18; Doctrine and Covenants 121:7–8, 33; 122:5–9.

  29. 2 Corinth 12:7.

  30. Liye Doctrine and Covenants 81:5; oacyacpac liye Isaiah 35:3.

  31. Liye Moroni 4:3; Doctrine and Covenants 20:77.

  32. Alma 37:6.

  33. Russell M. Nelson, “Fwackyuck nuh ke Alu, Fwackyuck nuh ke Moul Lasr,” Liahona, May 2018, 95.

  34. Alma 7:12; oacyacpac liye Isaiah 53:4; 2 Nephi 9:21; Mosiah 14:4.

  35. Isaiah 61:1–3; oacyacpac liye Luke 4:18.

  36. Alma 31:38; oacyacpac liye Alma 32:43; 33:23.

  37. 2 Nephi 25:23.

  38. Malachi 4:2; 3 Nephi 25:2.

  39. Fwackyuck 21:4.

  40. Moroni 10:32.

  41. Isaiah 60:20.