Kuh in Kuhtanglah Mwet Lain Sac

Sel Elder Peter M. Johnson

Ke U luhn Mwet Itngucul

Kuht ac sokwack mihs inge, esam ohiyac pwacye lasr, ac kuhtanglah fuhkah ma tolu luhn mwet lain uh?

Tamuhlwel ac tahmtahel, kuloh nuh suwos ke ma nuhkwewa kowos oruh in ekihn, kahsruh mwet sahyac in ekihn, mwet tuhma lutlut pwacye luhn Jisus Kraist ac engankihn mwe insewowo luhn tempuhl muhtahl. Kuloh ke wowo lowos an. Kowos wolacna; kowos kahto.

Pruhe luhk pa kuht in akihlen mokle pwacye luhn Nguhn Muhtahl ke kuht kahlwem in suwohs muh kuht tuhlihk nuhtin God. “Sucu: Sie Mwe Fahkwack nuh fin Facluh” fahk muh: “Mwet nuhkwewa—mukul ac muhtwacn—oreklac ke luhman God. Kais sie pa tuhlihk mukul nguhn ac tuhlihk muhtwacn nguhn wolacna nuhtin pahpah ac ninac inkuhsrao, ac, kais sie eis luhman God ac in kuh in oacna God.”¹ Kuht pa “nguhn suleyucklac suc sruhkyuckyak in tuhkuh ke fohnlah luhn pacl uh in wi oakiyac pwelucng luhn orekma wolacna luhn lwen-sahflah.”² Prestuhn Russell M. Nelson el fahkwack: “Kowos lutiyuck ke facluh luhn nguhn in ahkoekowoslac ke ma nuhkwewa kowos ac fah sun ke sahflahiyacn lwen sahflah inge (see D&C 138:56). Mwe luti inge muhtweng in wi kowos!”³

Kowos wen ac acn sollac nuhtin God. Oasr kuh yuruwos in kuhtanglah mwet lain sac. Tuhsruhk mwet lain sac etwekowos. El etuh kowos tuhkuh sin inkuhsrao ac el suk in tulohkihnye kapwack fin facluh ac inkuhsrao ke el orekmakihn ma ip tolu:

• Kikiacp

• Mwe Losr

• Fuhlweack

Kikiacp

Mwet lain sac el orekmakihn kuhfa in kikiacp ke lwen lal Moses. Leum el fahk nuh sin Moses:

“Liye, kom tuhlihk nuhtihk. …

Oasr orekma luhk keim, … ac kom oacna luhman Wen Sefanna nuhtihk.”⁴

Tiac pacl paht liki aruhrruhma wolacna se inge, Setuhn el srike in kikiacp nuh sel Moses. Yohk srihpac kahs el sramsramkihn: “Moses, wen nuhtin mwet, ahkfuclwactyeyuc.”⁵ Kikiacp sac pa in tiac solsol muhkwena in ahkfuclwactye Setuhn tuhsruhk kikiacp sac pa ohiyac se el akuhtwelyac Moses el pa wen nuhtin mwet. Esam, Leum El tuhfahnna fahk nuh sel Moses muh el pa wen nuhtin God, oreklac ke luhman Wen Sefanna.

Wacngihn pahkotwen luhn mwet lain se in kikiacp nuh sel Moses, tuhsruhk Moses el tu kuh, ac fahk, “Som likiyuc, Setuhn, tuh God se inge muhkwena nga ac kaksak, suc pa God luhn wolacna.”⁶ Moses el esam ohiyac pwacye lal, wen se nuhtin God.

Kahs luhn Leum nuh sel Moses pa ma nuh suwos ac nuh sihk. Kuht oreklac ke luhman God, ac oasr orekma Lal kacsr in oruh. Mwet lain se srihke in kikiacpwekuht in muhlkunlah lah suc kuht. Fin kuht tiac kahlwem lah suc kuht, na upac in akihlen lah suc kuht kuh in eklac nuh ke.

Mwe Losr

Mwet lain sac el srihke pac in kol kuht in fahsr liki Kraist ac inkacnek in wuhlweacng Lal. Elder Ronald A. Rasband el fahk ma inge: “Plwacn luhn mwet lokoalok sac pa in oruh kuht in tiac lohacng nuh ke mwe lohoh sin nguhn, tuhsruhk kena luhn Leum pa in oruh kuht kahlwem ac wi orekma Lal.”⁷

Ke lwen lasr, oasr mwe ahk lusrongtwen na pucspucs, weacng pacna Twitter, Facebook, sritacl ke virtual reality, ac puhslac ma sahyac. Arulacna wo kapwack luhn technology lasr, tuhsruhktuh fin kuht tiac oaru, ma inge kuh in ahklusrongye kuht in sun kuh lucng lasr. Kuht fin orekmakihn ma inge in wo kuh in use kuh luhn inkuhsrao ac lwelah kuht in liye ma usrnguck ke kuht suk in oracni mwet Israel fahsrelihk ke kwewana siskac ke lihsrlihsr uh.

Lwelah kuht in oaru ac lain soaru ke kuht orekmakihn technology.⁸ Kalweni in suk ohiyac muh technology kuh in ahkfototoye kuht nuh sin Mwet Lahngo ac lwelah kuht in oruh orekma Lal ke kuht ahkolah ke Tuhkuh Ahkluo Lal.

Fuhlweack

Ke sahflah, mwet lain sac el kena kuht in puhla fuhlweack. Sahp kuht ac fuhlweack ke kuht kapsra kuht sifacna nuh ke mwet sahyac kuh puhla muhnahs ke kunohkohn, wi pac kunacsr.

Ke nga muhtwacwacack prokracm ke doctorate luhk, nga puhla fuhlweack. Prokracm se inge lwelah mwet ahkosr in wi ke yac sac, ac mwet sahyac arulacna suhmaht. Elos eis score wo likiyuc ac elos orekma yohk ke ip in senior manager, ac elos inse fuhlwact ke kuh lalos. Tukun wik luo emet ke prokracm, puhla in fuhlweack ac tahfuhluo muhtwacwacack—apkuhran ahktoasryeyuc.

Nga sulaclah lah fin ngac ahksahfyelah prokracm ke lusen yac ahkosr, nga enenuh in ahksahfyelah rit Puk luhn Mormon ke kais sie semester. Kais sie lwen ke nga rit, nga akihlen mwe fahkwack luhn Mwet Lahngo lah Nguhn Muhtahl e fah lutiyuc ma nuhkwewa ac kahsrweyuc in esam ma nuhkwewa.⁹ Ma inge ahkpwacye lah suc nga uh nga wen nuhtin God, ahkacsmakihnyeyuc in tiac kapsra nga sifacna nuh ke mwet sahyac, ac use puhlaik ke ip wolacna luhk in oraclah wo.⁹

Kawuck sacohk luhk, nuhnak muhnahs tiac lwelah oacna sie mwet in pihsrwelah engan lowos. Nikmet kapsra kom sifacna nuh sin mwet sahyac. Nuhnak muhnahs esam kahs in luhngse luhn Mwet Lahngo: “Nga filiyac misla yuruwos. Misla luk sifacna pa nga asot. Nga tia asot oana ke faclu asot. Nikmet fuhlwelah insiom in fosrnga ku toasr, oayapa nikmet sangeng.”¹¹

Oruh kuht e oruh fuhkah? Kuht ac fuhkah sokwack mihs inge, esam lah suc kuht, ac kuhtanglah ma tolu luhn mwet lain sac?

Ma se emet, esam muh masap se emet ac wo emet pa luhngse God ke insiacsr, kuhiyacsr, nguhnasr, nuhnak, ac kuh lasr kwewa.¹¹ Ma nuhkwewa kuht oruh enenuh kuht in oruh ke luhngse Kacl ac ke Wen Nahtuhl. Ke kuht ahkyohkye luhngse lasr nuh Selos ke ahkos masap Lalos, kuh lasr in luhngse kuht sifacna ac luhngse mwet sahyac ac fah kapkapwack. Kuht ac muhtwacwacack in kuhlwacnsuhpuh sucu, kawuck, ac mwet tuhlan ke srihpen kuht ac fah liyaclos oacna ke Mwet Lahngo El liyaclos—ke wen ac acn nuhtin God.¹³

Ma ahkluo, pruhe nuh sin Pahpah ke inen Jisus Kraist lwen nuhkwewa, lwen nuhkwewa, lwen nuhkwewa.¹⁴ Sin pruhe kuht kuh in puhla luhngse luhn God ac ahkkahlwemye luhngse lasr nuh Sel. Sin pruhe kuht sang kuloh ac siyuck ke kuh ac puhlaik in sang kena lasr nuh sin God ac kolyuck ke ma nuhkwewa.

Nga kwacfe nuh suwos in “pruhe nuh sin Pahpah ke kuhiyacn insiowos nohfohn, tuh kowos in kuh in sesseslah ke luhngse se inge, … tuh kowos in kuh in wen [ac acn] nuhtin God; tuh ke Elac fah sikme kuht fah oacna El.”¹⁵

Ma ahktolu, rit ac lutlutkihn Puk luhn Mormon lwen nuhkwewa, lwen nuhkwewa, lwen nuhkwewa.¹⁶ Pacl ke nga lutlutkihn Puk luhn Mormon pa wo ke nga rit ke kihsen siyuck insifuck. Ke kuht rit ke kihsen siyuck se, kuht kuh in eis fwackyuck ac akihlen muh Mwet Pahluh Joseph Smith el fahk ma pwacye ke el fahkwack, “Puk luhn Mormon [pa] puk se ma pwacye emet sin kuhtwena puk fin facluh, … ac sie mukul [kuh muhtwacn se a kuh] in fototoyang nuh sin God ke el muhta na ke mwe luti luhn ma inge, liki na kuhtwena puk sahyac.”¹⁷ Kahs luhn Kraist oasr ke Puk luhn Mormon ac kahsrwekuht in esam lah suc kuht.

Ma se sahflah, pruhe in ipeis ke sackracmacn wik nuhkwewa, wik nuhkwewa, wik nuhkwewa. Sin olwaclah ac ke akwuck luhn pristut, weacng pacna kuhfa luhn Leum, muh kuh luhn God ke muhtahl in God pa ahkkahlwemyeyuck ke moul lasr uh.¹⁸ Elder David A. Bednar el luti: “Akwuck luhn sackracmacn uh muhtahl ac kalweni suli in auliyak ke pwacye ac in ahksasucye nguhn. Mukwikwi ke ipeis ke sackracmacn, kac muhkwena, tiac eslah ma koluk. Tuhsruhk ke kuht nuhnkuh ahkolah ac wi ke akwuck muhtahl se inge ke inse muhsahl ac toasr in nguhn, na olwelah uh pa kuht in eis Nguhn luhn Leum in kuh in wi kuht pacl nuh kwewa.”¹⁹

Ke kuht inse puhsisacl in ipeis ke sackracmacn, kuht esam kweok Lal fin imac muhtahl sac pahngpahng Gethsemane ac kihsac Lal fin sahkseng soko. Kuht sang srui nuh sin Pahpah ke suhpwacma Wen Sefanna Nahtuhl, Mwet in Molwelah lasr, ac ahkkahlwemye insese lasr in liyacacng masap Lal ac in esamuhl pacl nuhkwewa.²⁰ Oasr etuh in nguhn in wi sackracmacn—ma ke kais sie, kuhlacna, ac enenweyuck.

Kawuck luhk, nga olwelah muh ke kuht kampare in luhngse God ke insiyacsr nohfohn, pruhe ke inen Jisus Kraist, lutlutkihn Puk luhn Mormon, ac pruhe in ipeis ke sackracmacn, oasr kuh yohrohsr, ke kuh luhn Leum, in kuhtanglah orekma in kikiacp luhn mwet lain sac, in ahksrihkye mwe losr muh ac fah ahksrihkye kuh lucng lasr, ac kuhtanglah fuhlweack muh ahksrihkye kuh lasr in puhla luhngse luhn Pahpah Tuhmasr Inkuhsrao ac Wen Nahtuhl. Kuht ac fah tuhkuh in kahlwem fohnlah lah suc kuht ke wen ac acn nuhtin God.

Tamuhlwel ac tahmtahel, nga akacsruhi nuh suwos luhngse luhk ac fahkwack loh luhk tuh nga etuh Pahpah Inkuhsrao El moul ac lah Jisus pa Kraist. Nga luhngse Elos. Alu luhn Jisus Kraist luhn Mwet Luhlahlfongi ke Lwen-sahflah pa Tohkohsrahi luhn God fin facluh. Oasr pacl se in ohsun lucnglasr in ahkolah mwet Israel ac ahkolah facluh ke Tuhkuh Ahkluo luhn Mesaia. Ke inen Jisus Kraist, amen.

Mwe Ahkkahlwemye

1. “Sucu: Sie Mwe Fakwack nuh fin Facluh,” Liahona, Mei 2017, 145.

2. Doctrine and Covenants 138:53; liye pac Doctrine and Covenants 138:54–56.

3. Russell M. Nelson, “Stand as True Millennials,” Liahona, Ohktohpa 2016, 48.

4. Liye Moses 1:4, 6.

5. Liye Moses 1:12.

6. Liye Moses 1:20; liye pac Moses 1:16–19, 21.

7. Ronald A. Rasband, “Lest Thou Forget,” Liahona, Nov. 2016, 115.

8. See Becky Craven, “Careful versus Casual,” Liahona, May 2019, 9–11.

9. Liye John 14:26.

10. Ip lucng lasr in orelac wo pa in eis moul ma pahtpaht sahyacn fin mwet se eis ma mwet fin facluh liye pa orelac wo. Nguhn Muhtahl ahkacsmakihnye kuht ke ip lucng lasr ac lah suc kuht kuh in eklac nuh ke ke kuht muhta ke inkacnek wuhlweacng ac kuhtanglah, ke kuh luhn Leum, mwe sruhf luhn mwet lain sac.

11. John 14:27; ahkuhtweyac wo ituckyang.

12. Liye Matthew 22:37–38.

13. Liye John 3:16; 1 John 4:19; Mosiah 2:17.

14. Liye 3 Nephi 18:18–21.

15. Moroni 7:48ahkuhtweyac wo ituckyang.

16. Liye Kevin W. Pearson, “Stay by the Tree,” Liahona, Mei 2015, 114–16.

17. Ikacslah ke Puk luhn Mormon.

18. Liye Doctrine and Covenants 84:20–21.

19. David A. Bednar, “Always Retain a Remission of Your Sins,” Liahona, Mei 2016, 61–62.

20. Liye Moroni 4:2–3; 5:1–2; Doctrine and Covenants 20:76–79. Nuhnak muhnahs esam muh kuht moul ke pacl se ke kuht arulacna enenuh Nguhn Lal in wi kuht pacl nuhkwewa.