Tukun Mwe Srihfe luhn Luhlahlfongi Lasr
Ke kuht ukwe puhsren God ac inkacnek in wuhlweacng Lal, El ac ahkkweyekuht ke mwe sruhf lasr.
Ke nga tuhlihk se, mempucr kuhlwacng se ke Alu uh, suli in kahsruh sucu luhk in som ke oak sohk okwacl ke acn Puerto Rico nuh ke acn Salt Lake City kuht in muh kuh in siliyucklac ke tempuhl, tuhsruhk ma upac muhtwacwacack in sikyak. Sie sin muhtwacn wiyuck, Marivid, masack. Tiac puhla wo kac, pahpah ninac kiyuck elos tuh pruhe lah mac elos ac oruh ac puhla tuh elos in srackna som. Elos luhlahlfongi lah elos fin ukwe moklweyuck luhn Leum ac som nuh ke tempuhl, sucu luhk ac karihngihnyuck ac ahkinsewowoyeyuck—ac pa inge ma sikyak.
Oacna sie ma upac kuht sun ke moul uh, kuht kuh in luhlahlfongi lah Jisus Kraist el ac fah ahkolah inkacnek se ke kuht fahsr ke luhlahlfongi ac oruh luhngse Lal. God el olwelah nuh sin mwet nuhkwewa suc moul in luhlahlfongi nuh ke wuhlweacng ma elos oraclah nuh Sel ac fah, ke pacl Lal, eis mwe insewowo nuhkwewa Lal. Elder Jeffrey R. Holland el luti, “Kuhtuh mwe insewowo uh sa in tuhkuh, kuhtuh pahtlac in tuhkuh, ac kuhtuh tiac tuhkuh ne ke inkuhsrao tuhkuh; tuhsruhk nuh sin suc sruokyacna wosasuc luhn Jisus Kraist uh, mwe insewowo uh tuhkuh.”1
Moroni el ahkuhtweyac “lah luhlahlfongi pa ma finsrakkihnyuck ac tiac liyeyuck; ohinge, nimet akuhkuhin ke srihpen kowos tiac liye, tuh kowos ac tiac eis mwe ahkloh kac ne ke na tukun srihkeyuck luhlahlfongi lowos an.”1
Kihsen siyuck lasr uh pa, Meac kuht enenuh in oruh in kuhtanglah mwe sruhf ma tuhkuh nuh sesr?
Ke pacl se met in sramsram ke Prestuhn luhn Alu, President Russell M. Nelson el luti: “Ekihn Prestuhn sasuc se, kuht luhngse muhtwacwacack ke sahflah luhn nuhnak. Ke srihpac se, kuht sramsram nuh sum mihsenge ke tempuhl. Sahflah se suc tuh kuht kais sie kwacfweacng in olwelah ke kuh lun lohm sin Leum, sil ekihn sucu, luhlahlfongi nuh ke olwelah oreklac lun tempuhl ma ahkoekuhtlac nuh ke mwe sang yohk luhn God—suc pa moul ma pahtpaht. Akwuck luhn tempuhl ac olwelah kom oraclah oasr ki in ahkkweye moul lom, pahyuck ac sucu lom, ac kuh lom in lain ma koluk. Ahkfuhlwact lom lun tempuhl ac kuhlwacnsap lom we kacn mwet mahtuh lom fah ahkinsewowoye kom ahkyohkyelihk fwackyuck lom sifacna ac mihs ac fah ahkkapye orekma lom in muhtana ke inkacnek in olwelah.”3
Ke kuht ukwe puhsren God ac inkacnek in wuhlweacng Lal, El ac ahkkweyekuht ke mwe sruhf lasr.
Fahlac se luhn sucu luhk nuh in tempuhl ke yac somlah ah arulwacna upac, tuhsruhk ke kuht sun tempuhl Salt Lake City, Utah, ninac kiuck, el seseslah ke engan ac luhlahlfongi, fahk, “Kuht e Wona; Leum lac liye kuhtyang.” Kuht siliyucki ekihn sucu se, ac tahmtahel luhk el sifilpac afyucfi. Ma inge sikyak tukun mwe sruhf luhn luhlahlfongi luhn pahpah ninac kiyuck ac ukwe kolyuck luhn Leum.
Srihkasrak se luhn pahpah ac ninac kiuck srwackna ahkkweye kuht ke moul lasr mihsenge. Srihkasrak se lalos inge luti kuht efuh olweacng luhn wosasuc ac kahsruh kuht in kahlwem ke mwe etuh, srihpac, ac mwe insewowo luhn wosasuc nuh sesr. In kahlwem ke efuh srihpac luhn wosasuc luhn Jisus Kraist kuh in kahsruh kuht kutanglah mwe srihfe lasr.
Ke sahflah, ma nuhkwewa God el suli ac sap kuht in oruh ma ke srihpen luhngse Lal nuh sesr ac luhngse Lal nuh sesr in use mwe insewowo nuh sin tuhlihk suwohs nahtuhl. Kuht tiac kuh in nuhnkuh lah tuhlihk nahtuhsr ac etwaclah in luhngse wosasuc ke wacngihn kahsruh; pa kunohkohn lasr pahpah ninac in lotwelos. Ke kuht kahsruh tuhlihk nahtuhsr etwaclah in orekmakihn sukohsohk in sulaclah lal ke wo, srihkasrak suwohs lasr kuh in kahsrwelos in sulaclah suwohs lalos sifacna. Moul suwohs lalos ac na kahsruh tuhlihk nahtuhltahl in etuh ke ma pwacye luhn wosasuc nuh selos sifacna.
Mukul fuhsr ac muhtwacn fuhsr, lohng mwet pahluh lasr mihsenge sramsram nuh sum. Suk in lotwelah wolwacna ma pwacye ac suk in kahlwem ke wosasuc sum sifacna. Prestuhn Nelson el luti: “Kuh oasr lahlmwetmwet ma wacngihn sum? … Ukwe srihkasrak luhn Mwet Pahluh Joseph. Konwacack acn mihslac. … Ahkinsepuhsisaclye kom ye muhtuhn God. Fahk ma oan insiyom nuh sin Pahpah tuhmom Inkuhsrao. Forlah nuh sel ke top.”4 Ke kowos suk kolyuck sin Pahpah tuhmom Inkuhsrao ke pruhe, porongo mwe luti luhn mwet pahluh moul ac liye srihkasrak wo luhn pahpah ninac suwohs, kom kuh pac in mwet fokoko luhlahlfongi la se ke sucu lom an.
Nuh sin pahpah ninac nuh sin tuhlihk suc forlah liki inkacnek in wuhlweacng, ac som nuh tok. Kahsrelos in kahlwem ke wosasuc pwacye. Muhtwacwacack ingena; tiac pahtlac in muhtwacwacack.
Srihkasrak lasr uh ke ohiyacn suwohs in moul kuh in oruh eklac wo. Prestuhn Nelson el fahk: “Ke Mwet Luhlahlfongi ke Lwen-Sahflah, kuht nuhnkuh pacl pucs lah ‘alu’ pa ma se ma sikyak fin acn lohm alu lasr muhkwena, ahkkweyeyuck ke ma sikyak lohm ah. Kuht enenuh in eklac atac se inge. Pa pacl se ke lohm-infulwacn Alu, ahkkweyeyuck ke ma sikyak fin acn lohm sin puranas, ward, kuh stek.”5
Ma suhmuhslah luti, “Luti nu sin sie tulik inkanek fal elan fahsr kac, na ke el matula el fah tia fahs liki.”6
Elos oacyacpac fahk, “Ac inge, ke luti luhn kahs uh ac kuh fokoko in kohllah mwet uh in oruh ma suc suwohs—ahok, ma inge moklweack yohk nuhnak luhn mwet uh liki na katlas, kuh kuhtwena ma sahyac, ma sikyak nuh selos—ke ma inge Alma el nuhnkuh muh fal tuh elos enenuh in srihke ma wo ke kahs luhn God.”7
Oasr sramsram soko ke muhtwacn se suc muhlat sin tuhlihk mukul se nahtuhl suc kanglah yohklac s Tiac kahsruh ke el kai tuhlihk sacn in tui, el kalweni kanglah na ma emwem. Ahngyahng, el sulaclah in us tuhlihk mukul se nahtuhl inge in som liye mukul lahlmwetmwet sac suc suhnakihnyuck.
El tuhkuh nuh sel ke inse puhsisacl ac fahk, “Pahpah, tuhlihk mukul nuhtihk el kanglah yohklac kacnte. Kuh kom kuh in kahsrwel sap elacn tui ke kangyac uh?”
El lihksreni na lohng ac el fahk nuh sin tuhlihk mukul se nahtuhl ah, “Som nuh in lohm sum ac fohlohk tukun wik luo.”
El us tuhlihk mukul se nahtuhl ah ac som nuh lohm selos, fohsack lah efuh el tiac siuck sin tuhlik mukul sac in tui tiac kang kacnte yohklac.
Tukun wik luo elos fohlohk. El ngwetwacng nuh sin tuhlihk mukul sac ac fahk, “Mukul, kom enenuh in tui ke kangyacn kacnte. El tiac ma wo ke mahnol.”
Tuhlihk mukul sac fahk ac olwelah muh el ac ahkos.
Ninac kiyacn tuhlihk mukul sac ngwetacng nuh sin mukul lahlmwetmwet sac ac siyuck, “Efuh kom tiac fahk nuh sel wik luo tari ac?”
Mukul lahlmwetmwet sac isrwacsr. “Wik luo tari ac nga sifacna srackna kang yohklac kacnte.”
Mukul se inge moul ke suwohs ac etuh lah kahs in kahsruh lal ac fokoko fin el moulkihn kahs lal sifacna.
Kaiyuck kuht sang nuh sin tuhlihk nahtuhsr fokoko liki ke elos liye kuht fahsr ke inkacnek wuhlweacng uh. Mwet pahluh ke Puk luhn Mormon, Jacob, el pa srihkasrak suwohswohs ke kain se inge. Tuhlihk nahtuhl Enos el suhmuhslah ke yohk srihpacyacn mwe luti luhn pahpah tuhmwacl:
“Nga, Enos, etuh ke pahpah tuhmuhk lah el mwet na suwohs se—tuh el lutiyuc ke kahs lal, ac oacyacpac ke karihngihnyuck ac kaiyuck luhn Leum—ac kaksakihn inen God luhk nuh kac. …
“… Ac kahs ma nga kwacna lohng pahpah tuhmuhk el sramsramkihn ke moul ma pahtpaht, ac engan luhn mwet luhlahlfongi, tihli loal nuh insiyuck.”8
Ninac luhn mukul mweun fuhsr elos moulkihn wosasuc, ac tuhlihk nahtuhlos fahkwack ke ohiyac kuh. Mwet kol lalos fahk:
“Elos tuh lutiyuck sin ninac kiyaclos, lah elos fin tiac ahlohloh, God El ac molweloslac.
“Ac elos kalweni nuh sihk kahs luhn ninac kiyaclos, fahk: Kuht tiacna ahlohloh tuh ninac kiyacsr etuh.”9
Enos ac mukul mweun fuhsr Laman elos ahkkweyeyucklac ke luhlahlfongi luhn pahpah ninac kiyaclos, ma kahsrwelos kuhtanglah mwe sruhf luhn luhlahlfongi lalos.
Kuht ahkinsewowoyeyucklac ke wosasuc fohlohkihnyuckyak luhn Jisus Kraist ke lwen lasr, ma sruhkkuhtyak ke kuht puhla ahsor kuh suhpwacr. Kuht ahkweyeyuck tuh orekma lasr ke eis fahko ma wo ke pacl luhn Leum fin kuht fahsr nuh met nuh ke mwe srihfe luhn luhlahlfongi lasr.
Muhtwacn kiyuck ac nga, wi Eria Prestuhnsi, welal Elder David A. Bednar nuh ke kihsaclah luhn Tempuhl Haiti Port-au-Prince. Tuhlihk mukul nahtuhsr Jorge, suc wi kuht, fahk ke puhla lal: “Wolacna, Papa! Pacl se ma Elder Bednar el muhtwacwack ke pruhe in kihsac lal, nga puhla acn se sesseslah ke kahlwem ac ma wo. Pruhe el sang mwe liye yohk nuh ke srihpen tempuhl uh. Pwacye tuh tempuhl pa lohm sin Leum.”
Ke Puk luhn Mormon ah, Nephi el luti kuht lah ke kuht kena in etuh luhngse luhn God, El ac ahkkweye kuht. El suhmuhslah, “Ac tukun ma inge na nga, Nephi, arulacna srack fuhsr … ac oacyacpac nga kena yohk in etuh ke ma lukmac luhn God, ohinge, nga tuh pruhe nuh sin Leum; ac liye El tuh tuhkuh nuh yuruk, ac tuh ahkfihsrwacsryelah insiyuck tuh nga tuh luhlahlfongi nohfohn kahs suc sruhmuhnyuck sin pahpah tuhmuhk; ohinge, nga tiacna lainuhl oacna tamuhlwel wiyuck.”10
Tamuhlwel ac tahmtahel, lwelah kuht kahsruh tuhlihk nahtuhsr ac mwet ma raunikuhtlac in ukwe inkacnek in olwelah luhn Leum in muh Nguhn kuh in lotwelos ac ahkfihsrwacsrye insiyaclos in kena in ukwacl ke moul lalos nohfohn.
Ke nga nuhnkuh ke srihkasrak luhn pahpah ninac kiyuck, nga akihlwen luhlahlfongi lasr ke Leum Jisus Kraist El ac ahkkahlwemye nuh sesr inkacnek in fohlohk nuh lohm sesr inkuhsrao. Nga etuh ma usrnguck tuhkuh tukun mwe srihfe luhn luhlahlfongi lasr.
Nga fahk luhlahlfongi ke Jisus Kraist ac kihsac in iwaclah Lal. Nga etuh El pa Mwet Lahngo ac Mwet in Molwelah lasr. El pa Pahpah tuhmasr Inkuhsrao suc tuhkuh ke spring luhn yac 1820 [tausin se alfoko longoul] nuh sel Joseph Smith fuhsr an, mwet pahluh ke fohlohkyak sac. President Russell M. Nelson el pa mwet pahluh ke lwen lasr. Ke inen Jisus Kraist, amen.