Masap Wolwacna Luo
kuht enenuh in srihke in karihngihn kwewana masap wowo. In oruh, kuht kuh in fahsr ke inkacnek ke masap ac luhngse.
Tamuhlwel wolwacna luhk ke wosasuc luhn Jisus Kraist, nga pain kom ke ninac ac pahpah ma utuckot nuh sum ke sucu ma pahtpaht. Prestuhn Russell M. Nelson el luti kuht, “Alu se inge fohlohkihnyuckyak in kuh in oruh sucu uh in oreklac, seal, ac in nuh tok ma pahtpaht.”1 Mwe luti sac oasr yohk srihpaciyac in kahlwem sin mwet uh lah suc selos lesbiacn, mukul luhngse mukul, etweyuck muh pa LGBT.2 Prestuhn Nelson el oacyacpac ahk acsmakihnye kuht lah kuht tiac “enenuh in insese [pacl nuh kwewa] nuh sin sie sin sie kuh inluhngse sie sin sie.”3 Mwe luti luhn in mwet pahluh uh arulwacna yohk srihpac nuh sin sucu in sramsramkihn in topuk kihsensiuck nuh sin tuhlihk srihsrihk ac tuhlihk fuhsr. Nga pruhe in suk kolyuck in sramsramkihn sin mwet uh mweyen kom e oasr ke ahkkolukyeyuck ke kihsensiyuck inge, suc suwohslacna kuh tiac suwohslacna in ahkkolukye sucu nuhkewa ke Alu uh.
I.
Nga muhtwacwacack ke meac Jisus el luti muh masap wolwacna luo uh.
“Ac Jisus El fahk, Kom fah lungse Leum God lom ke insiom kewa, ac ke ngunum kewa, ac ke nunkom kewa.
“Pa inge ma sap se ma yohk oemeet ac yohk sripa oemeet.
“Ma Sap se ahk luo yohk sripa oapana ma se meet an, ‘Kom fah lungse mwet tulan lom oana kom lungse kom sifana.”4
Kalmacn ma inge pa kuht kolyuck in luhngse mwet nuhkwewa, ke na Jisus el oruh puhpuhlyuck lal ke mwet wo Samaria ke el luti mwet nuhkwewa suc pa mwet tuhlan lasr.5 Tuhsruhk ma kuht e oruh in sruokyacn masap se ahkluo inge pa in tiac ahkkolukye kuht in muhlkuhnlah ma se meet ah, pa in luhngse God ke insiacsr kwewa, nguhnasr kwewa, ac nuhnkwacsr kwewa. Kuht oruh in kahlwem luhngse lasr uh pa in “karih[ngihn] masap [Lal].”6 God el luhngse kuht in ahkos masap Lal mweyen kena ahkos, weacng auliyak, kuh kuht kuh in fohlohk ac Weluhl muhta ac
Ke sramsram lal met nuh sin mwet fuhsr luhn Alu, Prestuhn Russell M. Nelson el sramsramkihn lah meac el pahngon muh “fokoko ke luhngse luhn God in sramsram nuh Sek.”7 Masap ma fal nuh ke elyah se inge ma elos suc oraclah muh elos pa LGBT pa masap luhn God ke Macruht ac masap luhn tahfweyom pa in tiac kosro. Kwewana enenweyuck nuh ke Placn in molwelah lal Pahpah Tuhmasr Inkuhsrao ac tuhlihk Nahtuhl. Ke Prestuhn Nelson el luti, “masap luhn God uh moklweyuck yohk ke luhngse pwacye Lal nuh sesr ac ma El enenuh sesr uh pa in oacna ma nuhkwewa ma kuht kuh in oacna.”8
Prestuhn Nelson el luti: “Muhtuhnfacl pucspucs … oruh tilac mwe masap se pa in macruht sin muhtwacn se nuh sin muhtwacn se kuh mukul se nuh sin mukul se. Ke mempucr ke Alu uh, kuht ahkos masap ke acn uh … , weacng pacna facsin luhn macruht ke acn se. Ma pwacye uh pa, finne, la ke muhtwacwacack … macruht uh ma akmuhsralah sin God! Ac ke len se inge el ahkkuhtweyucki Sel muh ekihn mukul se ac muhtwacn se. God el tiac eklac Lal kalmac ke macruht.”
Prestuhn Nelson el kalweni: “God el tiac ekuhllah masap ke tiac kosro. Ma enenweyuck in ilyak nuh ke tempuhl tiac eklac.”9
Prestuhn Nelson el ahk acsmakihnye kuht nohfohn lah “lwemlwem lasr oasr Mwet Tuhma Lutlut in luti ma pwacye. Ma lwelwem se inge oruh uh pa tiac use nuh [sin Mwet Sap] kuh in ahkkuhtweyac wolwacna luhn masap.”10 Oruh, tahmtahel wiyuck, mwet kol ke Alu uh enenuh in pacl nuhkwewa luti yohk srihpaciyacn macruht luhn mukul se ac muhtwacn se ac masap ke tiac kosro.
II.
Orekma ke Alu Luhn Jisus Kraist ke Mwet Luhlahlfongi ke Lwen Sahflah pa in sramsramkihn in sahflah in ahkolah tuhlihk nuhtin God nuh ke tohkohsrahi luhn Celestial, ac yohk srihpac emeet pa tohkohsrahi se suc fuhlwactlacna, God kuh moul ma pahtpaht. Ma finsrakiyuck yohk se inge pa in tiac elyah se pa macruht nuh tok ma pahtpaht.11 Ac fuhnuh nuh ke moul lasr in Lweum, muhtwacn el tia kuh in sifacna fin wacngihn mukul12—meac sikyak ingena ke fwackyuck ma ahkuhtweyac muh pa “tuhtahflah luhn fihtac nuh tok ac ma pahtpaht.”13
Ke sramsram lal nuh sin mwet fuhsr, Prestuhn Nelson el luti, “Fahlacna in wacngihn eklac ke masap luhngse luhn God karihngihn kom in sef ke kom e ahkfahsrye kom nuh yurin God.14—ma inge, in eklac in oacna God, ke moul ma pahtpaht ac ohiyacn wolacna luhn Pahpah ac Ninac kiyacsr Inkuhsrao. Pa inge ma finsrakiyuck kuht in luhngse kwewa el suc kuht luhngse lacna. Mweyen ke luhngse se inge, kuht tiac kuh in fuhlwelah luhngse lasr in ekuhllah masap ac placn ac orekma luhn God, suc kuht etuh kuht e use elos suc kuht luhngse ke engan luhlahp.
Tuhsruhk arulwacna pohs el suc kuht luhngse, wi pacna elos suc fohlohkuhnwack wosasuc, suc tiac luhlahlfongi kuh sulwaclah in tiac ukwe masap luhn God ke macruht kuh masap ke tiac kosro. Ac elos?
Mwe luti luhn God el ahkkahlwemye lah kuht nuhkwewa tuhlihk Nahtuhl ac lah El orekuhtlac mwet uh in kuh in moul, tuh elos in kuh in engan.15 Fwackyuck ingena uh luti kuht lah God el ahkolah placn lal nuh ke moul in suhkawihl ke ohiyac ke ma muh kuh in sulweyucklac ke ahkostwen in suk Mwe insewowo Lal ma fuhlwact kuh in oraclah sulwaclah ma e kohlohl nuh ke sie tohkohsrahi srihsrihk.16 Ke srihpen luhngse luhn God ke tuhlihk srihsrihk nahtuhl nohfohn, tohkohsrai inge pa srackna wolwacna yohk kuht in kahlwem kac uh.17 Ke Iwaclah Lal Jisus Kraist oruh ma inge kwewa kuh in sikyak, oacna ke El “kaksakihn Pahpah, ac likiyackwewa orekma nuh in pacol.”18
III.
Nga sramsramkihn tari ke masap se met, tuhsruhk meac se ahk luo? Kuht e karihnihn masap in luhngse mwet tuhlan lasr? Kuht suk in siuck mempucr lasr lah suc suk in ukwe in lesbian, mukul luhngse mukul, kuh muhtwacn luhngse muhtwacn, in luti ac orekma lalos in ahkwoyeyuck ke luhngse luhn Mwet Lahngo in oruh mwet tuhlan lasr in liye. Na, ke pahyuck luhn mukul nuh ke mukul kuh muhtwacn nuh sin muhtwacn uh lwelah ke acn United States, Prestuhnsi Se Met ac U luhn Mwet Sap Singucul Luo fahkwack: “Wosasuc luhn Jisus Kraist luti kuht in luhngse ac oruh in oacna sie nuh sin mwet nuhkwewa ke kuhlwacng ac in luhngse el suc kom sruhnga—finne kuht tiac insese. Kuht inseselac lah elos suc kuhlwacnsuhpuh sel sifacna ke masap kuh masap in court kuht sang kuh se in insesekihnyucklac muh muhtwacn pahyuck sin muhtwacn kuh mukul pahyuck sin mukul uh in tiac srihkkihnyuck.”19
In tahfwelah, kuht tiac enenuh in sruokyac muh wo nuh selos suc tiac akacsruhi ke luhlahlfongi lasr uh ac olwelah lasr.20 Ahsoriyac, kuhtuh sin mwet uh sun ma inge in tahfwelah in puhla srihkkihnyuck ac lainyuhk sin kuhtuh sin mempuhr ac mwet kol ke sucu lasr, ward, ac stake. Kuht nuhkwewa kampare nuh ke kuhlwacng ac in luhngse yohk.
IV.
Ke kuhtuh srihpac kuh tiac kahlwem kac, oasr ma upac siena ke moul in mahno kuht puhlakihn. Tuhsruhk kuht etuh lah God el ac kahsre kuht in kuhtanglah mwe srihkasrak inge fin kuht srihke in suk ke Kahsruh lal. Tukun kweok ac auliyak ke lainyacn masap kuht lutiyuck, kuht nuhkwewa in sun tohkohsrahi in wolacna. Ke sahflah ac ke pacl in nuhnuhnkweyuck uh ma luhn Lweum, suc muhkwena ke ma enenuh in etweyuck, lahlmwetmwet, ac kuhlwacng in nuhnuhnkuh kais sie sesr.
Tohkohyang, kuht enenuh in karihngihn kwewana masap wolwacna. In oruh ma inge, kuht fahsr ke lain se ke masap ac luhngse—in karihngihn masap ac fahsr ke innek in wuhlweacng, ke kuht luhngse mwet tuhlan lasr fahlac. Fahsr inge fahk lah kuht enenuh in suk wolwacna in fahk lah meac in ahkkweye ac meac in lain ac fuhkah in luhngse ac in ahkfuhlwactye in lohng ac luti in fahlac. Fashr lasr uh kuht eis muh pwacye lah kuht oruh in upaclah ke masap tuhsruhk in oruh yohk kahlwem lasr ke luhngse. Fahsr lasr enenuh in nuhnkuh ke tuhlihk srihsrihk suc tiacna etuh luhngse lal, tuhsruhk tiacna lwelah pahng sa, tiac etuh fah srihklac ke pacl an.21 .Fahsr lasr tulac in suk in loes liki inkacnek in wuhleacng, ac ahklusrongye in ahkkweye oacna sie suc kol mwet liki Leum. Ke ma inge kwewa kuht esam lah God el olwelah finsrak ac oraclah engan ac insewowo nuh selos nuhkwewa suc karihngihn masap Lal.
V.
Ninac ac Pahpah ac kuht nuhkwewa enenuh in karihngihn in luti kwewana masap wolwacna luo inge. Nuh sin muhtwacn luhn Alu uh, Prestuhn Spencer W. Kimball el ahkuhtweyac lah kunohnkohn ke palye yohk se inge: “Yohk kapwack luhlahp ma ac tuhkuh nuh ke Alu uh ke lwen sahflah uh fah tuhkuh ke srihpen puhs sin muhtwacn wowo fin facluh uh … fah tuhkuh nuh ke Alu uh ke luhpah luhlahp uh. Ma inge fah sikyak nuh ke pacl se ma muhtwacn ke Alu uh ahkkahlwemye suwohswohs ac fihsrwacsr in kahlwem ke moul lalos ac nuh ke pacl se muhtwacn ke Alu uh liyeyuck siena ac ohi … likina muhtwacn fin facluh uh. … Tuhsruhk e tuhfah pa muhtwacn se srihkasrak ke Alu uh lah yohk srihpac nuh sin kwewana luhpah ac ip luhn nguhn ma kap ke Alu uh ke len sahflah.”22
Sramsram ke mwet pahluh, Prestuhn Russel M. Nelson el ahkkahlwemye lah “len se Prestuhn Kimball el liye pa mihsenge. Kowos pa muhtwacn el tuh liye ah.”23 Srihk liki kuht lohng lah mwet pahluh yac [angaul]40 somlah el akihlen lah ke selos muhtwacn ke Alu uh moullac pa e kawuck se fanna lalos ac sucu suc suhmaht ke se arulwacna yohk srihpac ac arulwacna wo ke orekma. Pruhe luhk ac mwe insewowo pa kom in luti ac orekma nuh kac in fohnlah ma kom palye, ke inen Jisus Kraist, amen.