Fahsruh, Fahsr Tukuk—Plwacn luhn Leum in Lain Ma Koluk ac Ahkolah
Leum El ahkolah mwet Lal liki mweun luhn mwet lain ah. Fahsruh, Fahsr Tukuk pa plwacn luhn Leum ke ohiyac ma laenuhl ac plwacn in ahkolah.
Kuht engan in tuhkweni ke toeni luhlahp se inge ke Alu luhn Jisus Kraist luhn Mwet Luhlahlfongi ke Lwen-sahflah. Mwe insewowo se in eis nuhnak ac luhngse luhn Leum sin mwet pahluh ac mwet sap Lal. Prestuhn Russell M. Nelson el pa mwet pahluh moul luhn Leum. Kuht arulacna tarilacna ke mwe luti ac kolyuck moklweyuck kuht eis mihsenge.
Nga wi sang mwe loh luhk nuh sin elos suc sramsram tari. Nga fahkwack luhlahlfongi luhk lah God, El pa Pahpah Ma Pahtpaht tuhmasr. El moul ac luhngse kuht ac karihngihn kuht. Plwacn luhn engan Lal use nuh sesr moul suhkawihl se inge ac in fohlohk nuh Sel ke sie pacl tok.
Nga oacyacpac fahkwack luhlahlfongi luhk ke Jisus Kraist. El pa Wen Kuloh Sefanna nuhtin God. El molikuhtlac ke misac, ac El molikuhtlac ke ma koluk lasr ke kuht fahsr ke luhlahlfongi nuh Sel ac auliyak. Kihsac in iwaclah ma pahtpaht Lal kacsr use mwe insewowo luhn mahno kawihl ac moul ma pahtpaht. Ma pwacye uh, “Kuloh nuh sin God ke mwe sang wolacna, wen kuloh Nahtuhl” (“Kraist Moul: Luhlahlfongi kuh luhn Mwet Sap,” Liahona, May 2017, inside front cover).
Mwet Luhlahlfongi ke Lwen-sahflah ke facluh nohfohn, insewowo in alu nuh sin Jisus Kraist ke tempuhl Lal. Oasr tempuhl muhsahiyuckyak se ingena ke acn Winnipeg, Canada. Muhtwacn kiyuck, Anne Marie, ac nga eis pacl wo in som liye acn muhsahi ke Ohkohs ke yac se inge. Plwacn ke tempuhl arulacna kahto ac tempuhl uh fah luhmah wolacna ke tari uh. Tuhsruhktuh, kowos tiac kuh in oasr tempuhl wolacna ke Winnipeg, kuh kuhtwena acn sahyac, fin wacngihn pwelucng kuh ac fokoko oasr kac.
Ohyucu oruh fohk yohkwelihk ac srihkweni ke acn Winnipeg oruh in arulacna upac in ahkolah pwelucng luhn tempuhl. Pwacnacng, pwelucng luhn tempuhl suleyucklac in muhsayack ke steel piles 70 infulwacn simacn. Piles inge pa lusen feet 60 (18 m) ke loesiyac ac insis 12 nuh ke 20 (30 nuh ke 50 cm) ke diameter. Eltahl fihliyac nuh ke infohk uh nuh ke eltahl ohsun nuh ke yot, apkuhran nuh ke feet 50 (15 m) ye fohk. Ke ohiyac se inge, piles 70 oraclah sie pwelucng kuh ac fokoko, suc e tuhfah kahto ke tempuhl Winnipeg.
Ke Mwet Luhlahlfongi ke Lwen-sahflah, kuht oacyacpac suk ke pwelucng kuh ke moul lasr uh—sie pwelucng luhn nguhn enenweyuck nuh ke fuhfahsryucsr lasr nuh ke moul ac in fohlohk nuh ke lohm inkuhsrao lasr. Pwelucng se ingen akiyac ke yot luhn eklac lasr nuh sin Leum Jisus Kraist.
Kuht pahngon mwe luti luhn Helaman ke Puk luhn Mormon:“Ac inge, wen nuhtihk, esam, esam lah ke fin yot luhn Mwet in Molwelah lasr, suc pa Kraist, Wen nuhtin God, pa kowos enenuh in muhsahelah pwelucng lowos; tuh ke devil el ac suhpwaclah eng upac lal, ahok, sikucl lal nuh ke eng for uh, ahok, ke aes kwekwe raun nuhkwewa lal ac pahkah upac lal fah srihngihl kowos, ma inge ac fah wacngihn kuh la fowos in iskowosi nuh ten nuh ke inahlok luhn suhpwacr ac ongaiyac ma wacngihn sahflahiyac, ke srihpen yot se ma kowos muhsahyak fac, suc pa sie pwelucng pwacye, sie pwelucng ma fin mwet uh muhsah fac elos tiacna kuh in puhtatlac” (Helaman 5:12).
Ke tarilacna, kuht muhta ke sie pacl ma mwet pahluh ac mwet sap luti kuht ke Mwet Lahngo Jisus Kraist. In ukwe mwe luti lalos kahsruh kuht akiyac pwelucng kuh sin Kraist.
Ke yac se somlah ah, ke sramsram in ikucslah ke Ohktohpa 2018 ke toeni luhlahp, Prestuhn Russell M. Nelson el ahkuhtweyac ke toeni luhlahp ke Ohktohpa tari ah, “Srihpen mahtuh luhn Alu uh pa in kahsruh mempucr nuhkwewa in ahkyohkye luhlahlfongi lalos ke Leum lasr Jisus Kraist ac Iwaclah Lal, in kahsrwelos in orwaclah ac karihngihn olwelah lalos yurin God, ac in ahkkweye ac siliyac sucu lalos. Ke facluh okahrkahr inge, ma se inge tiac fihsrwacsr.. Mwet lain sac el ahkyohkye meun lal ke luhlahlfongi kacsr ac sucu lasr ke ohiyac luhlahp se. In moul ke ma luhn nguhn, kuht enenuh counterstrategies ac proactive” (“Ikucslah ke Sramsram,” Liahona, Nohfuhmpuh 2018, 7; mwe ahkuhtweyac ituckyang).
Tukun sramsram lal Prestuhn Nelson, Elder Quentin L. Cook ke U luhn Mwet Sap Singucul Luo el ahkkahlwemye Fahsruh, Fahsr Tukuk sie mwe kahsruh ke mwet sifacna ac sucu. Sramsram lal wi fahk ma inge:
-
“Mwe lutlut sasuc in lohm sesr ke mwe kahsruh luhn Fahsruh, Fahsr Tukuk … orweyucklac in kahsruh mempucr etwaclah wosasuc ke lohm ah.”
-
“’Mwe kahsruh inge ma ke kais sie mwet ac sucu ke Alu uh’ [Come, Follow Me—For Individuals and Families (2019), vi].”
-
“Srihpac lasr uh pa in oruh ohiyac lasr ke Alu uh ac lohmah in sie inkwacnek in ahkyohkye luhlahlfongi ac ip luhn nguhn ac in yohk eklac nuh sin Pahpah Tuhmasr Inkuhsrao ac Lweum Jisus Kraist. (“Deep and Lasting Conversion to Heavenly Father and the Lord Jesus Christ.” Liahona, Nohfuhmpuh. 2018, 9–10.)
Muhtwacwacack ke Jacnweri ke yac se inge, Mwet Luhlahlfongi ke Lwen Sahflah muhtwacwacack lutlut ke Wuhlweacng Sasuc, ke Fahsruh, Fahsr Tukuk in kahsruh kol kuht. Ke kain lutlut ke kais sie wik, Fahsruh, Fahsr Tukuk el kahsruh kuht in lutlut ke ma suhmuhslah, mwe luti luhn wosasuc, ac mwe luti luhn mwet pahluh ac mwet sap uh. Oasr ma wolacna se nuh sesr nohfohn.
Tukun mahlwem yuc somlah ke lutlut luhn ma suhmuhslah fin facluh nohfohn, meac kuht liye uh? Kuht liye Mwet Luhlahlfongi ke Lwen-sahflah acn nuh kwewa suc kapwack ke luhlahlfongi ac oaru nuh sin Leum Jisus Kraist. Kuht liye mwet sefanna ac sucu suc sang pacl ke wik nohfohn in lutlut ke kahs luhn Mwet Lahngo lasr. Kuht liye lutlut ke wosasuc wo liki met ke kuhlahs Sacnri lasr ke kuht lutlut ma suhmuhslah ke lohm ah ac akacsruhi mwe mokle lasr ke alu uh. Kuht liye engan ac fahsrweni yohk likina met ke kuht eklac liki riti ma suhmuhslah muhkwena nuh ke lutlut ke ma suhmuhslah ke ohiyac wolacna.
Nga sruikihn pacl luhk in som muhtwacta yurin Mwet Luhlahlfongi ke Lwen-sahflah puhspuhs ac lohng sifacna ma elos sramsramkihn Fahsruh, Fahsr Tukuk. Ahkkahlwemye luhn luhlahlfongi lalos nwacklah insiyuck ke engan. Oasr kuhtuh fahk inge ma nga lohng sin kuhtuh mempucr ke Alu uh ke kais sie acn fin facluh:
-
Sie pahpah el akacsruhi: “Nga engan Fahsruh, Fahsr Tukuk, mweyen el sang pacl wo in fahkwack ke Mwet Lahngo nuh sin tuhlihk nuhtihk.”
-
Ke lohm se sahyac, sie tuhlihk fahk: “Pa inge pacl wo in lohng pahpah tuhmuhk ac ninac kiyuck akacsruhi fahkwack ke luhlahlfongi lalos.”
-
Sie ninac el fahk: “Kuht mokleyuck in etuh fuhkah in fihliyac God met. Pacl uh kuht [nuhnkuh] ‘wacngihn’ [sesr] eklac in [sesseslah] ke finsrak, engan, mihslac, ac ma wo ke ohiyac kuh nihkihn kuh in sikyak.”
-
Siyacnyacn se liye: “Kuht riti ma suhmuhslah ke ohiyac sienna na pwacye likina kuhtwena ohiyac met lasr. Kuht lotwelah yohk likina kuhtwena lutlut met lasr.” Leum El kena kuht in liye ma ke ohiyac sahyac an. Leum El ahkoekuhtlac.”
-
Ninac se el fahkwack: “Nga luhngse lah kuht lutlut tuhkweni. Met, kut riti kahs kac na. Mihsenge, kuht lutlut ke ma sacn.”
-
Tahmtahel se el akacsruhi ohiyacn liye wo se inge: “Met ah, oasr lesin lowos ac ma suhmuhslah wi kahsruh. Ingena, oasr ma suhmuhslah ac lesin pa wi kahsruh.
-
Sie tahmtahel sahyac el fahk: “Nga puhla sienna ke nga oruh ma se inge [kapsra nuh ke] pacl se nga tiac oruh. Nga konwacack fihsrwacsr in sramsram nuh sin mwet sahyac ke Jisus Kraist ac luhlahlfongi lasr.”
-
Sie ninac mahtuh el fahk, “Nga pahngon tuhlihk ac tuhlihk nuhtin nuhtihk ke Sacnri, ac kuht akacsruhi mwe mokleyuck ke Fahsruh, Fahsr Tukuk tuhkweni.”
-
Tahmtahel se el liye: “Fahsruh, Fahsr Tukuk puhla oacna Mwet Lahngo El karihngihn yuc sifacna. El mokleyuck ke inkuhsrao.
-
Pahpah se el fahk: “Ke kuht orekmakihn Fahsruh, Fahsr Tukuk, kuht oacna tuhlihk nuhtin Israel, sroal nuh ke acn sisken motonwac lasr, suc karihngihn sucu lasr ke kaiyuck luhn mwet kuhnaoslah se.”
Tamuhlwel ac tahmtahel, ma na pwacr in muhtwacta yuruwos and lohng ke oruh lowos ke Fahsruh, Fahsr Tukuk ma ahkinsewowoye moul lowos. Kuloh ke oaru lowos an.
Lutlut ke ma suhmuhslah ke Fahsruh, Fahsr Tukuk ke sie mwe kol in ahkfokokoye eklac lasr nuh sin Jisus Kraist ac wosasuc Lal. Kuht tiac ke ohiyac fihsrwacsr eis ao se ke Sacnri is sang nuh ke oa se luhn lutlut ke ma suhmuhslah ke lohm ah. Lotwelah ke wosasuc uh enenuh sikyak kais sie lwen ke wik uh. Oacna ke sie tahmtahel el akacsruhi yuruk, “Finsrak uh pa in tiac alu ke ao se fototo; tuhsruhktuh in yohkwelihk alu ke lwen ohnkohsr!”
Ingena, sulpac motko ke kaiyuck luhn mwet pahluh lasr, Prestuhn Nelson, suc ikacslah toeni luhlahp ke Ohktohpa 2018:
“Mwet lain se el ahkyohkye meun lal ke luhlahlfongi ac kacsr ac sucu lasr ke ohiyac luhlahp se. In moullac ke nguhn, kuht enenuh ohiyac ma laenuhl ac plwacn in ahkolah.”(Sramsram in Ikacslah,” 7).
Na (ke apkuhran ao 29 somlah) ke ekuhn Sacnri, el kaliyac toeni uh ke olwelah se ingen: “ke kowos orekma yohk in eklac lohm suwos nuh ke lohm infulwen ke mwe luti luhn wosasuc, … kuh luhn mwet lain ke moul lom ac lohm sum fah fahlac” (“Mwet Luhlahlfongi ke Lwen-Sahflah in Srihkasraki Wo,” Liahona, Nohfuhmpuh 2018, 113).
Kuh fuhkah ne tuh srihke luhn mwet lain sac yohkwelihk tuh ke pacl sac na kuh luhn mwet lain sac srihkweni. Kuh in sikyak, ac ma inge sikyak nuh ke Alu uh nohfohn, mweyen Leum El ahkolah mwet Lal in lain ahkkoluk luhn mwet lain sac. Fahsruh, Fahsr Tukuk pa plwacn luhn Leum in laenuhl ac ahkolah. Oacna Prestuhn Nelson el luti, “Mwe luti sasuc luhn lohm-infulwen, Alu ahkkweyeyuck sruok kuh se in sang kuh fokoko luhn sucu.” Tuhsruhktuh, el siyuck ac enenuh kuh wo emet lasr; kuht enenuh in “[ukwe] nuh ke nuhnak [lasr] ac karihngihn eklac in lohm [sesr] nuh ke … lohm muhtahl ke luhlahlfongi” (“Mwet Luhlahlfongi ke Lwen-Sahflah in Srihkasraki Wo,” 113).
Tukun ma nuh kwewa, oacna ke Prestuhn Nelson el fahk, “Kunohkohn in kapwack nguhn lasr pa ma lasr kais sie in sifacna” (Sramsram in Ikacslah,” 8).
Ke mwe kahsruh luhn Fahsruh, Fahsr Tukuk Leum el kahsruh kuht ke pacl upac lasr ingena” (Quentin L. Cook, “Deep and Lasting Conversion,” 10). El kahsruh kuht oraclah “sie pwelucng ma fin mwet uh muhsah fac elos tiacna kuh in puhtatlac” (Helaman 5:12)—pwelucng luhn luhlahlfongi muhsahiyuckyak ke luhlahlfonig lasr ke Leum Jisus Kraist.
Lwelah mukwikwi lasr lwen nuh kwewa som nuh ke lutlut ma suhmuhslah in ahkfokokoye kuht ac ahkolah kuht nuh ke mwe insewowo olweyucklac. I so pray in the name of Jesus Christ, amen.