Espíritu Santo py’a’atõi

Élder Gary E. Stevenson rupive

Doce Apóstoles Cuórum-pegua

Pe Espíritu Santo ñemoirũ meme ha’e peteĩ don espiritual tuichavéva odisfrutáva umi Sánto Ára Pahapegua.

Ñepyrũmby

Ramoite, umi múndo deportivo resa oñemombyte FIFA Copa Mundial Femenina 2023-pe oñembosako’íva Australia Nueva Zelanda-pe. Umi atleta itálla mundial-va orrepresentáva 200 rasa equipos nacionales opa múndo ohechauka ivalor, dedikasiõ, talénto ha atletismo okompeti aja upe fútbol múndo honor ijyvatevévare.

Ñañemaravilla umi artista-gui umi hetaite deporte-re ha ambuekuéra disciplina ohupytýva upe arte nivel ohupytýva ijyvatevéva. Ñañe’ẽ umi talénto térã don ome’ẽva Tupã. Kóvape oike umi oĩva dotádo danza , gimnasia, purahéi, arte, teatro, matemátika, ciencia ha hetave reheve. Peteĩteĩ ko’ã tekove ohechauka umi don Tupã ome’ẽva upéi oñerrefina ha oñemoĩ porãmbávaha peteĩ tekove mba’apo ñeha’ã rupive, estudio ha práctica. Umi don Tupã ome’ẽva ojapo tekove dotádo.

Umi don espiritual ejercicio

Omañávo Evanhélio lénte rupive, Tupã ome’ẽ Ita’yrakuérape heta don espiritual, oikóvo chuguikuéra tekove espiritualmente dotádo. Tupao miembro-kuéra oñongatúva konvénio omog̃uahẽ umi Espíritu don, oikévape testimónio Jesucristo-gui don ñande Salvador-cha, Espíritu Santo don, fe rehegua don omonguera ha okuera hag̃ua, pe discernimiento don, milagro omog̃uahẽ hag̃ua don ha umi don arandu ha kuaapy rehegua.¹ Ñandejára ñaneinvita jaheka kyre’ỹ hag̃ua umi don iporãvéva, uvei umi espiritual-va. Ha’e ome’ẽ umi don espiritual ñanderovasa ha ñandepurúvo japorohovasa hag̃ua ambuekuérape.²

Jajevývo ñande analogía-pe artista-kuéra talentóso rehegua, iñimportánte ñanemandu’a peteĩ don ijehegui ndojapói peteĩ mbo’ehára upe don-pe. Pe talento natural ijojaha’ỹva jepevérõ, ha’e peteĩ práctica ha ñeha’ã sa’isa’i rupi umi artista orrefina ha operfeccionaha hi’árte ohupyty hag̃ua upe inivel artístico ijyvatevéva. Uvei umi regalo oñemog̃uahẽva ha ojepe’áva oñemoirũ jepi pe lenguaje ojekyhyjeteháre “oñeikotevẽ peteĩ montáhe.”

Upéicha avei, ahecha peteĩ curva de aprendizaje oñemoirũva umi don espiritual-re. Umi don espiritual ejercicio oikotevẽ ejercicio espiritual-re. “Espíritu Santo guía jeguereko pende rekovépe oikotevẽ mba’apo espiritual-re. Ko mba’apópe oike ñembo’e kyre’ỹ ha Escritura-kuéra estudio tapiaite. Avei oike pype konveniokéra ñeñongatu ha Tupã mandamientokuéra. … Oike jepartisipa dignamente Santa Cena-gui káda semána.”³

Mba’épa umi yva oúva umi don espiritual je’ehersita rupi? Umiva oinklui Espíritu py’a’atõi ñanepytyvõva ñambohovake ára ha aragua remikotevẽ ha ohechaukáva ñandéve mba’épa ja’e ha jajapova’erã, ha py’aguapy ha moangapyhy jehovasa. Ñahendu ha jajapóvo jahávo umi impulso espiritual he’iháicha, Espíritu Santo ombotuicha ñande habilida ha kapasidakuéra jasupera hetaitereive peve umi ikatúva jajapo ñaneaño. Ko’ã don espiritual porãite ñanepytyvõ opa mba’épe ñande rekovépe.⁴

Pe Espíritu Santo ñemoirũ meme ha’e peteĩ don espiritual tuichavéva odisfrutáva umi Sánto Ára Pahapegua.

Mba’e importancia oguereko ko jopói? Presidente Russell M. Nelson ombohovái mbarete “umi ára oúvape, ndaikatumo’ãi jasobrevivi espiritualmente Espiritu Santo influencia guiadora, orientadora, consoladora ha konstante’ỹre.”⁵

Mba ’éicha ñainvita ha jahechakuaa umi Espíritu impúlso

Che ministerio pukukue, ajuhu peteĩ anhelo universal opavavégui oikuaávo mba’éichapa oinvita ha ohechakuaava’erã umi Espíritu Santo impulso. Umi Espíritu impresiõ ipersonalete ha og̃uahẽ heta hendáicha. Upevérõ jepe, jareko umi profetakuéra ñe’ẽ rovasapy, ymaguare ha ko’ag̃aguáva, ome’ẽva ñandéve mba’éichapa ñamog̃uahẽva’erã pe Espíritu dirección.

Pehejami chéve taikuave’ẽ peẽme cuatro principio rector ikatúva hi’útil oñeinvita ha ojehechakuaa hag̃ua umi Espíritu impulso.

Pepyta umi tenda sántovape.

Peteĩháva ha’e tapepyta umi tenda sántovape ⁶ Ramoite apartisipa Tokyo Japon Templo casa abierta-pe. Umi invitasiõ formal-kuéra ñembohovái oñemboúva umi medio-pe ha invitado VIP-pe osuperapa pe oñeha’arõva. Ciento tekovekuéra ojoaju ko’ã visita guiada-pe témplore. Invitadokuéra opyta ipirĩmba pe témplo iporãitereíre, oikehápe modélo ha motívokuéra orekóva umi conexion tradicional japonesa ipypukúva. Oporomopirĩvéva ha’e pe reacción reverente ha respetuosa ohechaukáva invitadokuéra oñemombe’úvo umi ordenanza ancestral koty ojejapova’erãhápe. Ha katu imbaretevéva ha’e umi Espíritu impulso.

Peteĩva umi moménto peteĩ gobierno funcionario destacado-ndi ou gueteri che akãme. Peteĩ moménto kirirĩ meditativo rire pe koty celestial-pe, emotivo ha profundamente conmovido, oñe’ẽ mbegue che apysápe, “Uvei pe arapytu arrespiráva ko kotýpe oñeñandu iñambue.” Ahechakuaa oñeha’ãha omombe’u pe Espíritu Santo presencia, pe, upéicha, oikóva umi espacio sagrado-pe. Peha’arõ ramo peñandu Espíritu, peime peteĩ tenda Espíritu ikatuhápe oiko.

Ñane templo ha ñande rogakuéra ha’e umi isagradovéva ko’ã espacio dedicado apytépe. Ipypekuéra ñainvita ha jahechakuaa porãve upe Espíritu. Ambue tenda santokuérape oike umi centros de reuniones, edificios, institutos de seminarios, ha umi historia de la Iglesia ha centro de visitantes renda. Pepyta umi tenda sántope.

Pepyta pueblo sánto ndive

Mokõiha, pepyta umi tekove sánto ndive. Amombe’úta principio rector mokõiha ambue ñeromandu’áre.

Araka’eve ndacheresaraichéne apartisipa hague peteĩ devocional ojejapova’ekue peteĩ estadio deportivo ojeikuaaitévape. Tapiaite, ko aréna henyhẽte fanático ayvúgui omokyre’ỹva ijekípo upepeguápe ha ikatúva avei osapukái iñoponéntepe. Ha katu upe pyhare upe ambiente iñambue. Pe aréna henyhẽ mile umi imitãva oñembyatýva o’onrra ha ogueromandu’a hag̃ua proféta José Smith rekove. Itóno rreverénte ha ipy’aguapýva, ijaguyje ha ikorasõkuéra oñembo’éva omyehyhẽ pe aréna Espíritu Santo presencia. Ikatu ahecha añete hovarekuéra. Ha’e pe Espíritu Santo don omba’apóvo, oafirmávo umi testimónio ome’ẽva’ekue José Smith ha upe evanhélio Rrestaurasiõ.

Ndaikatúi ojejoko Espíritu tou peteĩ aty oĩháme umi tekove sántova. Peha’arõvo peñandu Espíritu, pepyta umi tapicha Espíritu ikatúva ndive oiko hasy’ỹme. Salvador he’i kóicha: “Oĩháme mokõi térã mbohapy oñembyatýva che rérape, upépe aiméta che imbytepekuéra.”⁷ Umi imitãvape, pekonsidera pende santokuéra aty, cuórums ha clases, PFJ ha seminario, umi barrio ha estakagua activida, ha barrio-gua kóro. Peiporavo tapeime umi tekove ha tapeho umi tenda oĩháme tekojoja. Peheka mbarete umi atýpe, Peheka angirũ porã. Taha’e peẽ angirũ porã. Peñopytyvõ ojupe taha’eha’e peimehápe. Pepyta umi tekove sántondi

Petestifika umi añetegua sántogui

Mbohapyha, petestifika py’ỹi ikatuháicha umi añetegua sántogui. Pe Consolador akoiete ome’ẽ Iñe’ẽpu jatestifika jave ñane ñe’ẽpúre. Pe Espíritu ome’ẽ testimónio oñe’ẽvape upe ohenduvapeguáicha.

Chemandu’a peteĩ jey ajagarra peteĩ taxi 45 minuto-pe Nueva York távape. Aguereko rire peteĩ ñomongeta hakuvýva evanhéliore upe conductor ndive che viáhe aja aeropuerto-pe, apaga ha añembosako’i aguejy hag̃ua taxi-gui. Upérõ ahechakuaa name’ẽihague peteĩ testimónio pe akompartiva’ekuégui. Ajapo rire peteĩ páusa, akompartí peteĩ ipuku’ỹva ha sencillo testimónio, ainvitávo Espíritu-pe, ha mokõivéva resa henyhẽ peve tesaýgui.

Jaheka ha ja’aprovechávo oportunida ñakomparti hag̃ua ñane testimónio ambuekuérandi, oguerúta umi moménto ojehechakuaaátaha pe Espíritu ijehegui.

Pehendu Espíritu Santo-pe

Pe principio paha ha’e ñahendu Espíritu Santo-pe. Ikatu Ha’e ñane irũ tapiate, ha katu Ha’e oñe’ẽ tóno vevýi ha ipy’aguapývape. Profeta Elías ojuhu Ñandejára ñe’ẽpu ndaiporiha yvytúpe, yvyryrýi térã tatápe, sino ha’e “peteĩ ñe’ẽpu ipy’aguapy ha helikádova.”⁸ Ndaha’éi pe “peteĩ arasunu ñe’ẽpu” sino uvei “peteĩ ñe’ẽpu ipy’aguapýva mbegue asy porãva, ha’eramoguáicha peteĩ ñe’ẽmbegue,” ha upevére ikatúva “ohasa pe ángaite.⁹

Presidente Boyd K. Packer he’i: “Espíritu nohenói ñande atensiõ sapukái térã ñandetyvyróvo po mbarete reheve. Uvei oñe’ẽ mbegue Opoko vevýi asy ñaiméramo jepy’apýpe ikatu nañañanduiete.”¹⁰ Ahecha sapy’ánte Iñe’ẽpu ivevyietereiha, térã aĩ jepy’apyetereípe, peteĩ ahayhúva oñandu. Heta jey arresivi Espíritu Santo impresiõ che rembireko Lesa rupive. Tuvakuéra térã umi líder recto-va ikatu avei oguerog̃uahẽ guía inspirada peẽme g̃uarã.

Pe tyapu, sapukái ha ñorairõ oprevalese múndope ikatu odomina umi Espíritu Santo impresiõ ipy’aguapy ha ikirirĩva. Pejuhu peteĩ tenda ipy’aguapýva, peteĩ espacio sánto ikatúhápe pemog̃uahẽ Espíritu dirección.

Umi ñe’ẽ precaución rehegua

Pekonsiderávo ko’ã principio peinvita ha pehechakuaa hag̃ua Espíritu, pekonsidera ko’ã orientación preventiva ñe’ẽ.¹¹

Okonfirma umi ne impresion espiritual. Ehemplo-ramo, umi Espíritu impresion oñealinea Escritura-kuéra ha profetakuéra oikovéva mbo’epýre.

Pejeasegura umi sentimiento pemog̃uahẽva toho pende rembiapóre. Ndapeñehenói ramo autorida apropiada ramo, umi Espíritu impresion noñeme’ẽmo’ãi peẽme peakonseha térã pekorrehi hag̃ua ambuépe.

Umi asunto espiritual ndaikatúi ojeforsa. Ikatu pereko peteĩ actitu ha peteĩ ambiente oinvitáva Espíritu-pe ha ikatu peñembosako’i, ha katu ndaikatúi peje mba’éichapa ni araka’épa ou pe inspiración. Tapeguereko paciencia ha pejerovia pemog̃uahẽtaha peikotevẽva ha’e jave moménto porã.

Peipuru pende criterio iporãvéva Sapy’ánte jajegiase Espíritu-re opa mba’épe. Upevére, py’ỹi Ñandejára oipota jaipuru pe inteligencia Tupã ome’ẽva ñandéve ha jajapo ikonsistenteveháicha ñane entendimiento iporãvévape. Presidente Dallin H.Oaks ombo’e:

Pe Ñandejárare jajegiase ha’e peteĩ mbarete,ha katu oñemoirũva’erã Túva Yvagagua oheja ñandéve ñande elecciõ personal. Umi oñeha’ãva ombohasa opa desisiõ Ñandejárape ha ojerure’asy rrevelasiõ káda jeiporavópe, pya’e ojuhúta umi circunstancia oñembo’évare ojerurévo guía ha ndorresivíri. …

“Jaestudiava’erã umi mba’e ñane akãme. … Upéicharõ ñañembo’eva’erã jajerurévo guía ha ja’actua upéicha. … Nañamog̃uahẽiramo orientasiõ, jajapova’erã ñande criterio iporãveháicha.”{.¹²

Ñembopaha peteĩ invitasiõ reheve

Ñembopahápe, Santokuéra Ára pahapegua ha’eva’erã tekovekuéra oñongatukuaáva konveniokuéra. Upevére, peteĩteĩ ñande jahekava’erã ja’ehersita umi ñane don espiritual ha upéi ñainvita ha jahechakuaa umi Espíritu impulso. Cuatro principio rector ñanepytyvõtava ko ñeha’ã espiritual crucial-pe ha’e:

Pepyta umi tenda sántope.
Peñembo’y umi tekove sántondi.
Petestifika añetegua sántore.
Pehendu Espíritu Santo-pe.

Pende kapasida peinvita ha pehechakuaa hag̃ua umi Espíritu impulso oñemongakuaátava páso a páso. “Peime sintoníape Espíritu ñe’ẽndi ha’e pe ojeikuaaháicha ambue idioma. Ha’e peteĩ proceso gradual oikotevẽva peteĩ ñeha’ã diligente ha paciente.”¹³

Jajevývo punto de partida-pe, penemandu’a, Santokuéra Ára Pahapeguáicha, peẽ peguerekoha umi don. Peñeimagínami ko escena familiar pya’e domingo-gua, oje’e ramoitéva chéve. Peteĩ mitã michĩ, oñembo’ýva peteĩ taburete ári, ojehechavýva pe púlpito ári. Itúva oĩ ijykéra omokyre’ỹ ha oipytyvõ hag̃ua ñe’ẽ mbeguépe ha’e okomparti aja orgullo reheve, “Che peteĩ Tupã rajy.”

Ko testimónio oúva ha’e peteĩ mitãkaria’y oñepyrũva peteĩ broma nerviosa ramo: “Arekonga’u ra’e peteĩ oñe’ẽ mbeguéva péicha che apysápe.” Upéi oreko peteĩ inspirasiõ destéllo ha otestifika, “Areko peteĩ oñe’ẽ mbeguéva péicha che apysápe: Espíritu Santo!”.

Amboty peteĩ invitasiõ reheve opa imitãvape g̃uarã! Heta pende apytépe peñepyrũ ára peñembo’ývo peteĩ espejo renondépe. Ko’ẽrõ, ko semána, ko áño, akóinte, pejapo peteĩ páusa pemaña aja espejo-pe. Pepensa pendejupe guarã, térã peje atã peipotáramo: “Guau, cherechami! Che cheasombrósa! Che Tupã rajy Ha’e chekuaa. Ha’e cherayhu. Ajedota Espíritu Santo reheve che irũ tapiáramo!

Ambojoapy che testimónio, Santokuéra Ára Pahapegua ojedotávaramo, Tupã pe Túva, Jesucristo ha Espíritu Santo-gui, ome’ẽva testimónio Hesekuéra. Jesucristo rérape, amén.