Pevy’asépa peẽ?
Pepyta umi konvénio rapére. Pende rekove hasy’ỹvéta, ovy’avéta ha torýgui henyhẽta.
Pevy’asépa peẽ? Mba’e upe napenembovy’áiva? Presidente Russell M. Nelson he’i: “Peñeñandusérõ miserable, ani pekumpli mandamiento-kuéra, ha araka’eve ani peñearrepenti. Vy’a peipotáramo, peñemantene konvénio rapére.”1 Hasýpiko javy’a hag̃ua? Pejapónte konveniokuéra ha pemantene pende rekovépe. Jahechajeymi umi mba’e ikatúva ñanepytyvõ japyta hag̃ua konveniokuéra rapére ha javy’a.
1. Mba’e pe konvénio rape?
Élder Dale G. Renlund he’i, “pe ñe’ẽ konvénio rape oje’e peteĩ konvénio aty jajuha rupi Cristo-pe ha ñañembojoaju Hendive. Upe konvénio joaju rupive jahupytykuaa Ipu’aka ijapyra’ỹva. Tape oñepyrũ jerovia Jesucristo ha arrepentimiento reheve, ha osegi ñemongarai ha Espíritu Santo ñemog̃uahẽ rupi.”2 Ñambopyahu ko’ã Konvénio káda jey japartisipávo Santa Cena-gui.
Oñeñepyrũvo konvénio ñemongaraíre, jajapo umi konvénio ñande rekove pukukue. Peteĩ jeyve, Elder Renlund he’i: Konveniokuéra rape oporogueraha témplo ordenansakuérape, ha’éva investidúra témploicha. Pe investidúra niko ha’e Tupã don konveniokuéra sagradogua ñanembojoajuvéva Hendive.”3
2. Peime piko Konvénio rapére?
Sapy’ánte, jajapóvo umi konvénio, nañakumplíri. Upéicha oikóramo, mba’éicha ikatu ojeho jey Konvénio rapére? Pehejami chéve takomparti ehemploita mba’éichapa ikatu jaha jey Konvénio rapére.
Ojapo peteĩ mes rasami, og̃uahẽ chéve peteĩ mensáhe peteĩ misionerokue oserviva’ekuégui orendive. He’i: “Ko ára ohasava’ekuépe ijetu’uetereíkuri. Añorairõvo ára ha ára ansieda ha vy’a’ỹndi ipohýi chéve ha ijetu’ueterei. Añeñandu cheaño ha miserable-nte. Añembo’ékuri Túva Yvagagua gíare ome’ẽ hag̃ua chéve py’aguapy ha mytuẽ umi ikatúvape ajapo añorairõ hag̃ua jehasa’asýndi. … Añembo’e aja añandu pe espíritu he’iha che apagapaiteva’erãha che diezmo. … Añandu mbaretetereíkuri pe espíritu pya’ete añandu peve ajaposeha. Upe jejaposéndi, añandu impresiõ ‘repagárõ diezmo, opa mba’e oĩporãta’. Añorairõ gueteri ajuhu hag̃ua py’aguapy, ha katu areko peteĩ testimónio ñande Salvador-gui ha cheñe’ẽrendu rupi ikatuha añandu ha ajuhu py’aguapy ahekáva che korasõ ha che akãme. Ramoite adesidi aha jeývo Tupaópe ha aheka Espíritu opa mba’e ajapóvape.”
Ko’ág̃a oho porã chupe. Avei ikatu pejerure py’aguapy Túva Yvagaguápe, ha katu ñembohovái ikatu iñambue upe peha’arõvagui. Peheka jave peikuaa Salvador-pe ha peñembo’e Túva Yvagaguápe, Ha’e ome’ẽta peẽme ñembohovái penemba’erãitéva.
Presidente Thomas S. Monson ombo’e:
“Pe mbo’epy tuichavéva ikatúva jaikuaa ko mortalidápe ha’e Tupã oñe’ẽvo ha ñande ñaneñe’ẽrendúrõ, akóinte ñaiméta oĩporãvehápe.”4
“Ñañongatúramo tembiapoukapykuéra, ñande rekove ovy’avéta, henyhẽvéta, ha hasy’ỹvéta. Ñande prueba ha problema hasy’ỹvéta jaropu’aka hag̃ua, ha ñamog̃uahẽta umi [Tupã] tovasapy oñeprometeva’ekue.”5
Añehenói ramo obispo-rã, ha’ékuri moménto ije’etu’uve jave che rekovépe. Che upéramo peteĩ túva imitãva 30 áño rupi arekóva, ha katu areko heta problema económico problemas familiares rupive. Ndaikatúi ajuhu mba’evéichagua solusiõ ha apensa umi desafío ndopamo’ãiha. Chekane’õitereíma financiera ha emocionalmente. Avei añepyrũ aduda che mbarete espiritual-gui. Ha’e pe moménto hasyvehápe che presidente estakagua omyasãi chéve ñehenói. A’asepta opáichante upe ñehenói, ijetu’úramo jepe.
Che rembireko avei oreko peteĩ entrevista presidente estakaguándi, ha katu ndaikatúi omoneĩ ni nde’iri nahániri ha katu hesay meme gueteri. Hasẽ opa upe semána aja ha oporandu Túva Yvagaguápe: “Mba’ére ko’ág̃a?” ha “Reikuaa añetépiko peteĩteĩme?” Ndorekói ñembohovái, ha katu añesostene obispo ramo upe domingo oúvape. Ha’e ndojapói umi porandu Túva Yvagaguápe, ha katu cheapoja che llamamiéntope séi áño aja.
Upe domingo ajerrelevahápe, che rembireko ohendu peteĩ ñe’ẽpu omog̃uahẽ aja Santa Cena. Ñe’ẽpu oñe’ẽ mbeguemi chupe: “Ijetu’uetereígui ndéve reguata, ahenói chupe obispo ramo roañuã hag̃ua ha aguata hag̃ua nde rãngue.” Imandu’ávo umi séi año ohasava’ekuére, ohechakuaa opa umi desafío ha’etéva opa’ỹtava ojerresolvehague tapére.
Roikuaa pe ropensávo ndaha’eiha peteĩ moménto porã ñamog̃uahẽ hag̃ua peteĩ ñehenói, ikatu ha’e pe moménto ñaikotevẽve jave. Akói Ñandejára ojerure jaservi oimeháichagua llamamiéntope, taha’e peteĩ ivevyive térã ipohyivévape, Ha’e ohecha umi ñaikotevẽva. Ha’e ome’ẽ mbarete ñaikotevẽva ha oreko tovasapy oĩmbámava oñohẽ hag̃ua ñande ári jaservi porã aja.
Oĩ heta mba’e ñandedistraéva japyta hag̃ua umi konvénio rapére. Noñeimportái mba’épa, araka’eve ndatardemo’ãi jajerure hag̃ua pytyvõ Túva Yvagaguápe. Élder Paul V. Johnson ñanembo’e: “Jasegívo Satanáme, ñame’ẽ chupe pu’aka. Jasegívo Tupãme, Ha’e ome’ẽ ñandéve pu’aka.”6
Rréi Benjamin otestifika Mormón Kuatiañe’ẽme: “Ha avei, aipota pehecha pe vyʼapavẽ ha jehovasápe ñeime ohupytýva umi iñeʼẽrendúva Tupã rembiapoukapykuérare. Ha péina ápe, ha’ekuéra ojehovasa opa mba’épe, tete ha espirituguávape; ha opytáramo hikuái jeroviarekópe ipahaite peve oñemoinge chupekuéra yvágape, upéicha oiko hag̃ua hikuái Tupã ndive—peteĩ vy’apavẽ opave’ỹvape.”7
3. Mba’éicha ikatu ojapo revy’a rekumplívo Tupãndi umi konvénio?
Che rembireko he’i ore ñemenda orembojoajuha ha upévare ikatuha ojapo umi mba’e ikatu’ỹva’ekue. Ehemplora, michĩ guie hasýva chupe osẽ pytũmbýpe, ha katu ndahasýima aháre hendive. Ha’e ikarape ha ndaikatúi ohupyty umi estánte ijyvatéva oipuru’ỹre sílla térã escalera, ha katu che ikatu ahupyty umi mba’e estánte yvatépe oĩva cheyvatevére chugui. Jajapyhy ñande Salvador júgo ñande ári péicha. Jajoajúvo Hendie, ikatu jajapo umi mba’e ikatu’ỹva’ekue jajapo ñaneaño, Ha’e ikatúre ojapo umi mba’e ñande ndaikatúiva jajapo ñaneaño.
Élder David A. Bednar he’i: “Jajapo ha ñañongatu umi konvénio sagrado ñanembojoaju Ñandejára Jesucristo-re ha Hendie. Amo hapópe, Salvador ñanerenói jajerovia hag̃ua Hese ha ñanembojoaju hag̃ua Hese, ikatu’ỹrõ jepe ñane ñeha’ã imbaretevéva ojogua ni ñambojoja umi Imba’évandi. Jajeroviavévo Hese ha jaraha ñande kárga Hendie ko mortalida aja, añete Ijúgo ndahasýi ha Ikárga ivevýi.”8
Presidente Nelson ombo’e avei:
“Pejoaju Salvador ndive he’ise pehupytykuaaha Imbarete ha ipu’aka redentor.”9
“Jehepyme’ẽ ñañongatu haguére umi konvénio Tupã ndive ha’e pu’aka yvagagua, pu’aka ñanemombaretéva jarresisti porãve hag̃ua ñande pruéva, jeipy’ara’ã ha ñembyasykuéra. Ko pu’aka ombohasy’ỹve ñande rape. Umi ovivíva Jesucristo léi tuichavéva ohupytykuaa Ipu’aka tuichavéva.”10
“Umi konvénio ñeñongatu añete ojapo tekove hasy’ỹve! Káda tekove ojapóva konvénio umi pila bautismal ha témplope—ha oñongatúva—ohupytykuaave Jesucristo pu’aka.”11
Che hermano ha hermana-kuéra pejehayhuetéva, pevy’asépiko? Pepyta umi konvénio rapére. Pende rekove hasy’ỹvéta, ovy’avéta ha torýgui henyhẽta. Salvador ñaneinvita, “Peju che rendápe opaite peẽ pemba’apo ha penemba’epohýiva, ha che pombopytu’úta.”12 Ha’e pe Cristo oikovéva. Ha’e ogueraha umi ñande kárga ha ombohasy’ỹve ñande rekove. Jesucristo rérape. Amén.