TAFAOGA FAAMASANI

Aua e te faia ni tafaoga faamasani vagana ua le itiiti ifo i le 16 tausaga lou matua. Tafafao faamasani ma na o i latou e maualuluga o latou tulaga faatonuina. A amata ona e tafao faamasani, ia taitoatele pe o foi ma nisi paga taitoalua. Ia fuafua ni gaoioiga o le a fesoasoani ia te oe e tumau ai lou mafuta vavalalata ma le Agaga o le Alii.

O tafaoga faamasani sili ona lelei e fuafuaina ae e le matua faamamafaina, e le taugata ae manaia. Ia faia ni mea fou eseese; o tagata e fiafia i se mea e fesuisuiai ma mafai ai e i latou ona iloa e le tasi le isi ao latou fiafia. Fesili atu i ou matua, uo, po o taitai o le autalavou mo ni manatu mo tafaoga faamasani faatasi ma isi. O nisi nei o fautuaga e te amata ai:

• Ia o atu i se matamataga o se fale gaosi lole, se fale e gaosi ai le sisi, po o se isi nofoaga e fiafia i ai.

• Ia fuafuaina se aiga e malaga mai ai le tagata ma lana taitai, ma tofia tagata e aumaia ni ipu meaai patino po o ni mea foi e faia ai se meaai.

• Asiasi i se nofoaga o tafaoga, lea e mafai ona e fafagaina ai manulele, o e savalivali, taaalo i le togiina o se Frisbee (ipu salafalafa), o e tietie uila, po o le faia o se tafaoga.

• Faia se tafaoga faamasani e auauna atu ai. Salu le lapisi a se tuaoi, fufulu faamalama, po o le fesoasoani i se mea e manaomia ona faataunuuina.

• Afai ua e i ai i se lagona o se afiafi filemu, ia asiasi i se faletusi po o se faleoloa e faatau ai tusi ma suesue faatasi ai i tusi.

• Afai e te nofo i se nofoaga e tele ai le kiona, ia fau faatasi se tamaloa aisa tulaga ese. Afai e te nofo e latalata i se matafaga, ia fausia se fale o se tupu i oneone. Po o le faia foi o ni fale eseese, ma faia se tauvaga e faamasinoina e tagata ese o loo feoai ane ai.