MUSIKA MA SIVA
Faalogologo i musika e fesoasoani ia te oe e te latalata atili atu ai i le Tama Faalelagi. Aua e te faalogologo i musika e uunaia ai le ola le mama, faaviivii i faiga malolosi po o le faatupu vevesi, po o le faaaogaina foi o gagana mataga. A e siva, ia aloese mai le fepa’ia’i o tino po o ni taga e tosina ai amioga feusuai.
“Le autalavou e, e le tatau ona outou faatumuina o outou mafaufau i musika le lelei o o tatou vaitaimi. E matautia. E mafai ona aumaia ai i o outou mafaufau ni mafaufauga le lelei ma faatuina se fatuga e sisiva ai, lea atonu o le a outou ano atu i ai. Ua outou faatoilalo outou pe a outou auai i mea na e o mai faatasi ma musika le lelei—o foliga faainaelo, o le le faaaloalo, o le ola le mama, ma le avea o se mea ma vaisu. O musika faapena e le lelei mo outou.”
Peresitene Boyd K. Packer, Peresitene o le Korama a Aposetolo e Toasefululua, “Musika Lelei, Mafaufauga Lelei,” Liahona, Ape. 2008, 33.