GAGANA

Ia faaaoga le gagana e faagaeetia loto, faamalosiau, ma faamalo atu ai i isi. Ia faaaoga ma le migao ma le faaaloalo suafa o le Atua ma Iesu Keriso. Aua e te faaaogaina le palauvale, upu masoa, po o gagana ma taga faatufanua.

“O amio o le fatu lea o fegalegaleaiga faaleuo. O talanoaga e mafai ona maua ai le fiafia. E mafai ona maua ai le malamalama. E mafai ona iloa ai le faamaoni. E mafai foi ona malie. Ae le tatau ona palapala, pe eleelea, pe afai o lea tagata o se ua talitonu faamaoni ia Keriso… .

“[Soo se tasi] e faalagolago i lena gagana e vave ona faapea ane e vaivai o ia i le faaaogaina o upu. E le maua e ia le suamalie o le olioli e maua mai le faaaogaina o upu lelei ma le logoleleia i le faafofoga …

“Aua le palauvale. Aua le upu vale. Ia aloese mai ulaga eleelea. Ia aloese mai i talanoaga e filogia i upu leaga. O le a sili atu ona e fiafia pe afai e te aloese ai, ma o lau faataitaiga o le a tuuina atu ai le malosi i isi.”

Peresitene Gordon B. Hinckley (1910–2008), “Aua le Tau Fua le Suafa o le Atua,” Ensign, Nov. 1987, 48.