Totigilima Molimau

Pe ua e faaaogaina ea ni totigilima? O nisi totigilima e puipuia ou lima pe a galue. O nisi totigilima e tausia ou lima ina ia mafanafana. O nisi ituaiga e faia pe a taalo ai i se taaloga. I lenei gaoioiga e mafai ona fai sa oe lava “totigilima molimau” e fesoasoani ia te oe ia manatua vaega e lima o lau molimau.

O le molimau o se tautinoga faaleagaga o le moni o le talalelei ua tuuina mai ia i tatou e le Agaga Paia. O loo i ai ni vaega taua o se molimau. Afai o i ai sou naunautai e talitonu i na mea, o le a tupu lou talitonuga i se malamalamaaga e moni ia mea.

O LA’U MOLIMAU

Ou te iloa o le Atua o lo tatou Tama Faalelagi ma e alofa o Ia ia i tatou.
Ou te iloa o Lona Alo o Iesu Keriso, o lo tatou Faaola ma le Togiola.
Ou te iloa o Iosefa Samita o se perofeta a le Atua. Sa ia toefuataiina le talalelei a Iesu Keriso i le lalolagi ma faaliliuina le Tusi a Mamona e ala i le mana o le Atua.
Ou te iloa O Le Ekalesia a Iesu Keriso o le Au Paia o Aso e Gata Ai o le Ekalesia a le Alii i luga o le fogaeleele i nei ona po.
Ou te iloa o lenei Ekalesia ua taitaiina e se perofeta soifua o le na te mauaina faaaliga.

Faatonuga: Ia maua se totigilima paepae.* Tipi ata o loo i luga o lenei itulau, ma faamau i luga o ni pepa malo. Tuu i ai i luga le totigilima. Ao e tauina vaega e lima o le molimau, a o auauai ai, ia faapipii le ata i tamailima o le totigilima, e amata mai le limamatua. E mafai ona e faapipiina ata i le totigilima i le faaaogaina o le pa’u pipii, mea faapipii, kelu, pine, faamau oomi, po o ni manoa.

A o e atiina ae lau molimau, aua le fefe e faasoa atu! Ao tuuina atu lau molimau, e mafai ona e faaaogaina fuaitau e pei “Ou te molimau atu …” po o le “Ou te iloa o le …” O le a tupu malosi lau molimau pea e faasoa atu i isi.